💛ثانوية الحب💛
🍒الجزء 175🍒
⛄ منال برنيش⛄
خارجة من الحمام دوزات يديها على فمها وتمات داخلة غير شافتو وهي تبلوكا بلعات ريقها فاش شافتو هازها فيديه كانت بغات هي لتفاجئو ومتحمسة لردة فعلو ولكن كلشي عواج فاخر لحظة قلبها بدا كضرب الدوخة لاعبة عليها ولكن شدات راسها هز راسو نيشان شاف فيها واقفة قدام الباب حل يديه ليها ونطق بصوت خافت:اجي اجي عندي
عقدات حجبانها وضورات وجها مداتهاش فيه تمات غادية وتخطاتو بغا يشد فيها والو نترات منو ودغيا نقزات مين شافتو وقف طلاحت فوق الناموسية وخشات وجها فالمخدة:بعديي منيييييي
ضار ليها من الجيهة فين ناعسة وبغا يشد فيها ينوضها وهي والو خاشية وجها فديك المخدة وتتبكي لقاتها سبة تجيب عليه وحمهااا ونيت هاد الايام ولات كالمش والفار معاه خاصها غير علاش تهز عليه شوكتها ولكن هاد المرة مع خسرات ليها السواغي وغوت عليها حلفات لدوزاتها ليه
محمد كجر فيه:وغير نوضي شوفي فيا نهضر معاك غير نوضي
كاميليا تتبكي:بعدي مني هئ هئ سير سير عندها هي حسن مني لجالس تتغوت عليا على قبلها هئ هئ
محمد:لا لا وغير نوضي اكاميليا صافي المسامحة صافي
كاميليا زادت فالبكى:حكرتي عليا والله حتى حكرتي عليا هئ هئ
محمد هنا قرب ليها كتر وجرها حتى ناضت وهي تتبكي ومضورة عليه وجها لولا حمر بزاف
محمد كمسح ليها دموعها:ناري ناري صافي صافي سمحيليا سكتيي
جلس حداها وجرها بشوية عندو عنقها وهي تتبكي وتغبن وتقول مبكييتش
محمد تدوز يديه على راسها:صافي غسكتي دابا انا لخااايب انا لمني المشكل غير سكتي
كاميليا خاشية وجها فصدرو:اااه هئ هئ نت لدرتي كلشي كتغوت عليا وتعايرني بقا ليك غير ضربنييي
محمد باسها فراسهاا:لا لا حاشا معمرني نديرها نت راك هي كلشي عندي ساعتو الله وصافي شووو
كاميليا دفعاتو:بعد مني ريحتك خنقاتني صافي غنوض من حدايا دابااا هئ هئ
ضارت وبدات تتمسح فدموعها وهو كشوف فيها شوية بدا كشم فراسو مفيه حتى ريحة خايبة بلعكس عام بالريحة قبل ميخرجو
كاميليا ضارت وبدات تتقلب على ديك ليكوغرافي حتى لقاتها محطوطة وسط الناموسية تكات عليها جراتها هزات وبدات تتشوف فيها داكشي باااهت بزاااف غير فحص عادي اما مغيبان لها داكشي حتال لتلت شهور ولا ربعة فلحظة نسات لوقع ونساتو هو لحداها لباقي مسمعهاش من عندهاا وبدات تتبتاسم ودارت يديها على كرشها غير سمعاتها الصباح كانت غطير بالفرحة جاية وكضحك غير بوحدها قالتها لدارهم تاهما طارو بالفرحة بقى ليها غير هو مين جا لصقاتو باش يخرجو بغات تصارحو بشي طريقة مختالفة وزوينة ساعة لبلان مخرجش كيف بغااات
بقى كشوف فيها كيفاش دغيا نسات وبدات تتبتاسم قلبها البيض لمعمرو مغيتبدل واخا تتخاصمو صافي مكدوزش بزاف حتى كجي عندها هو يحزرها تتنسا اما دابا ماشي هو لضحكها من بعد هاد الخصام هداك لجاي فالطريق اه هداك لغيدخل عليهم الفرحة بزوووج هداك لغيتزاد وغتجي من وراه غير الفرحة والسعادة وبيه غيكونو عائلة ميبقاوش غير بزوج هو براسو غير فاش شافها نسى كلشي ونسى المشكل لبيناتهم والعصاب لكان تعصب حيت من شحال وهو مشوق لهاد اللحظة نهار يعرف مراتو هازة طرف منو واخا عرفها بطريقة لمختالفة نييت خخخ فوسط المطايفة ولكن نساتو كلشي عينيه بداو كبريو بالفرحة فهاد اللحظة وهو كضحك غير بوحدو وعلاش لا إحساس الابوة طلع معاه من دابا حس بيهااا واخا باقي بزااف عاد ايشوفوه عاد ايهزو بين يديه ولكن الفرحة لركباتو داباااا ميقدرش يوصفها قرب عندها بشوية وضور يديه على عنقها ضارت شافت فيه كانو قراب لبعضهم بزاف
كاميليا:كضحك
محمد مسح لها عينيها ورجع لها خصلة من شعرها اللور:وعلاش لمنضحكش وانا شفت أحسن حاجة فحياتي دابا
كاميليا:هانت عرفتيها دابا منحتاجش نعبر من الصباح وانا كنتشحف ونجري منها ومن لهيه فالاخير طلعت كنطير ومكنوزنش
هنا تاني بشوية جرها عندو عنقهااا وهو كحزر فيها ويعتاذر شاد لها الخاطر ديما ولكن دابا غيولي مضوبل حيت نفسيتها على القرص غتولي حساسة بلا قياس وكثر
محمد طبع قبلة على عنقها وهو مزال معنقها:واخا كاع لديري راك ديتي القلب والعقل نت هي كلشي اكاميليا نت مراتي وختي وصاحبتي وكلشييي
بعدات عليه وهي مبتاسمة وسط دموعها هاد الكلام كبير بزاف ميقولو ليك غير داير لك القيمة وبلاصتك فقلبو قدها قداش كلام من ذهب بالنسبة لها وخارج من القلب كعبر ليها بيه على ما فقلبو واخا الكلام مكبين الافعال هي الدليل وهي هادشي عارفاه عارفة معزتها وبلاصتها عندو افعالو وتصرفاتو معاها عاطياها خبار قلبو بشوية قربات باستو فخدو وبعدات غير شوية مسافة صغيرة بين شفايفهم وانفاسهم كضرب فوجوه بعضهم ضور يديه على خسرها وهي ضورات عنقو بيديها وفرقات رجليها وهي جالسة فوق منو غمضات عينيها فاش بدا كقرب لها بحركة صغيرة نزلات راسها وقربات ليه كتر حتى طلاقاو شفايفهم ولتاحمو بشوية بشوية حتى دخلو فقبلة قبلة الحب والعشق لبيناتهم احاسيسهم هي لتتحرك دابا العقول ترفعات بقات غير لقلوب لتتنبض ومخلية اصحابها يتصرفو غير بقلوبهم لكل واحد فيهم مكمل لاخر وعمر قلوبهم يوقفو محدهم مع بعض بشوية تحرك ولاحها فوق الناموسية وهو مزال حاكم خصرها بيديه تكات وجا فوق منها وشفايفهم مزال متفارقو مزال قبلتهم مستمرة ويديه على ضهرها بشوية تتحل لها السنسلة دالكسوة وغتكشف على جسمها ومفاتنها ليه هي كلها ليه هو وكذلك بقلبو وعقلو وجسدو ليها ملكها غير بوحدها
أنت تقرأ
ثانوية الحب ⛄الاستاذ والمزنزنة 2☃️مكتملة☃️
عاطفية💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
