💛ثانوية الحب💛
🍒الجزء 162🍒
⛄ منال برنيش⛄
محسااتش حتى بداات تترجع بشوية بشوية وتتبلع ريقها شدااتها السخفة دخلات فيها من اللور وهي تلفت دغيا كانت هي يلاه نازلة وتتفوه
كاميليا تتفوه:مااالك
بقات غير تتشوف فيها وجها صفر مجاوباتهاش تخطااتها وطلعاات بقات متبعاها وهي غير تتشوف اصلا كانت مقلوبة بالنعاس مدات مجابت مشات غير لطواليط وغترجع تنعس
زدحات لباب ودخلات جلسات شدات فراسهااا ومحساتش حتى بدات تتبكي قلبها ضرهاا هنا وكان بعيد عليها محساك الا مشى كانت غير ديك الشوفة فيه تتخفف عليها اما دابا خلااص غيزيد بحالو وغيبعد عليها كترررر زيدهم على انه مع وحدة اخرى ماشي معاها هادشي كلو كقطعهااا تتبكي وتغبن هزات طيليفونها عيطات لمها عاودات لها كلشيي وهي تتبكي
فدوى:كمل الامتحانات دغيا ورجع عفاك
آدم باسها:صافي راه مابقى وااالوو
عنقاتو وحابسة البكية هاد المرة جا مخطوف دغيا غير على قبل عرس نرجس وغيرجع دابا مزال عندو شي امتحاناات وليلة تاني غاادي بعدات عليه شوية ووقفو كهضرو وهو يجي منيير
آدم:خاالي
منير:جمعتي حوايجك
آدم:وياااه
منير:حتى ترجع انشاءالله ونكملو الهضرة منلقاش ماحسن منك
آدم شاف فدوى مبتاسم:انشاءالله ههه
فدوى:شمن هضرة؟؟
شافو فبعضياتهم بزوج وهما مبتاسمين وادم ضور يديه على عنق منير
منير:صراحة تانت خاصك تعرفيي آدم ماشي براني علينا ولد ختي وكنعرفووه مزيان وحتى هو هضر معايا منلقاش ما حسن منو لييك
بقات غير تتشوف فيهم خرجات عينيها بتاسمات فرحاانة وهي تتشوف فيه مكانتش متوقعة يهضر معاااه دابااا فرحاات بواف وتفاجآت محساتش حتى تلاحت عنقات بااها فرحانة وهي كضحك وحتى منير عجبو الحال ولد ختو تعرفو مزيان حسن من لمكعرفش بعد عليها وهو مبتاسم سمع خديجة تتعيط ليه وهو ينزل وخلااهم بزووج غير فاتهم وهما يتعاانقو فرحهاااا بزااااف واخا مزال شوية الحال ولكن على الاقل يضمنهاااا ديالو
آدم:يلاه نضربو شي دويرة قبل مايمشي
داز الوقت فبلاصة اخرى
جالسة فالبيرو ديالها وسااهية وتتفكر مرفووعة تنهدات وراسها مكاينش كاااع شااارد محساتش حتى زدح الباب دخل بلا ما يدق بلعات ريقها وهي تتشوف فيه جاي جيهتها ومخنزر ولاح قدامها الملف
فؤاذ:شهاد التخرميز هذا دفعتي ليهم
شافت فيه وهزات الملف وهي تترعد حلااتو وهي تتقرا فعلاا خطأ فااذح دارت هاد الصبااح خربقات زوج ضواساا خلطاتهم هزات راسها وشافت
وشافت فيه:سمحليا انا انا غادي نقادو دااابااا
نزل حتى لعندها وهز صبعو فوجهاا كتحذير:هادي اخر مرة توقع شي حاجة عندي بحال هكااا مرة الجاية منضمنش ليك شنو غتشوفي مني ااميرة هادي الشركة ديالي مغنقولش شنو شفت باش طلعتها منخليش شي حاجة بحال هكا تهرس ليا كلشييي ردي البال
بعد عليها وهي تتشوف فيه وبلعات ريقها مين بدل التعامل ديالو معاها من نهار طلبها للزواج ورفضاتو وهو واحد آخر معاها قبل فاش كانت معاه كانت تتغلط وكدوزها لها عاادي اما دابا ولا خاصو غير علاش يغوت عليها وينقي لها وذنيها وشاد معاها الضدد لدرجة كلشي فالشركة بدا كهضر عليهاا وهادشي كرهاااتو ضرب فيها وزااد قبل مايخرج محساتش حتى نطقاات بصوت بااكي:فؤاذ علاش وليتي تتعامل معايا هكااا
مضارش عندها ونطق:نت لبغيتيي هااادشي
حل الباب وزدحو وزااد وهي تلاح على البيرو تكات على يديها وبدات تتبكي وتشهق تجمع عليها كلشيي دابااا مبقاتش قاادرة تصبر تتبكي وتشهق وتقول مبكيتش على هدا لجا صبنها وكيف ولا تتعامل معاها على هدااك لمعمرو مشاف فيها ولا دااها فيها حتى ولات تتشهك فراسها واش ناقصة شي حاجة مخلات مدارت ووالو غطرطق
زدح لباب ودخل لبيرو ديالو معصب زفر وجلس وهو كفكر هي لبغات هادشي لو كان ختارتو وهي عارفة شحال كبغيها عمرها كانت تسمع منو كلمة خاايبة هز طيليفون وعيط لسكريتيرة ديالو
سكرتيرة:وي موسيو فؤاذ
فؤاذ:سيري شوفي واش اميرة تتبكي غير دخلي عندها نيشان مدقيش
قطع خلاها مسكينة مفاهمة والو داكشي لدارت مشات عندها لقاتها تتغبن وجات وصلاتها لييه
داز الوقت
كاميليا عنقااتو:تهلاا فراسك احوبي
آدم باسها:حتى نت ازين ديالي
تعانقو مزيان وبعدات عليه تتوادعو سلم على كلشي ومن بعد مشى ومعاه كنزة وياسين ولصقات فيهم فدوى يوصلوه للمطار مشات لصالون شعلات تلفازة جا دريس جلس معاها شوية دارت ليه الاخبار وناضت طلعات لبيتها شافتو كصووني وهي تجاوب دغيا وهي ناعسة على كرشها وفرحانة كضحك
كاميليا:مقلتيش ليا مزال مجاوبوش فديك الخدمة؟
محمد بلع رييقو:احم مزااال
كاميليا:انشاء الله يكوون خيير
بقا غير سااكت وهي تتهضر تجاوبها باه ولا لا وبالو شارد عند راسها إلا تقبل رااه غيخدم غير فكازا تتبقا فيه وهي هكا تتسول من نيتها ومعاارفة وااالو تتزيد كثر
كاميليا:وتا مالك تنهضر معاك ونت مصرفق
محمد:احم والو شوفي كاميليا غدا بغيت نشوفك ضروري بغيت نهضر معااك
كاميليا:انشاءالله ولكن فااااش؟؟
محمد تنهد:حتى لغدا انشاءالله
كاميليا:وغير قولييي هناااا عفااك ضرني رااسي
محمد:صافي تالغدا
كاميليا:عفااك
محمد:كاميليا
كاميليا:صافي صافي
محمد:مهم قولي لي شغديري دابا
كاميليا:معندي مندير مضيفة طيران الله يخليك هي لكاينة صافي
محمد:وباباااك؟
كاميليا:صافي خليه مهم انااا باغاااها راه حلم الطفولة هااديك
محمد:الناس تتقلب على الارض ونت غادية طاايرة
بقات تضحك وكملو كلامهم كحاول يقنعها بشي حاجة اخرى يعني شي مادة تبعها مدام كانت ايكونومي تبعو هو راه مزيان وهي لفدماغها هو لبااغية حالفة حتى دير داكشي لبغات ومن صغرها وهي تتحلم بييه بقاو شحال كهضرو حتى سمعات كنزة تتعيط لها وهي تودعو ناضت قافزة تلبس حيت قاتلها نجي نلقاك لابسة باش يخرجو وهي نسااات شدها زمانها بالهضرة خخخخ
زينب:غدا هضر وسالي هادشي واش بغيتي حتى تكون غادي عاد تعلمها والله حتى تحمااق
محمد:صاافي صافي
زينب:وانا غير قلت ليك عرف كيفاش توصلها لها
محمد:انشاءالله
بقات سااكتة شحاال وهي تشوف فيه وتنهدات:غتخوي عليا الدار الحرامي
شاف فيها عويناتها غرغرو حيت بصح متتفارقوش من صغرهم وهما بزوووج كبرها هو نييت كبرو ايتام وكدردفوو من قنت لقنت وعمرهم تفاارقو ودابا جات فرصة العمر بالنسبة ليه هو غتبعدو عليها جرها عندو عنقها وربي بعالم بيه النص فعمرو كحلم بيها نهار جات جابت ليه غير الهم هاز لهم بزوج الهم غيخليوهم من وراه وختو بووحدهاااا بعدات عليه مبتاسمة تتمسح دموعها مبغاتش تبين لييه باش ميمشيش مشطوون عليهاااا
زينب:الله يسهل عليك اخويااا
محمد كشوف فيها:متصوريش شحال هاز عليك دالهم غنخليك بووحدك
زينب قااطعااتو:شووو انا ماشي بوحدي متنساش الجيران خالتي فاطمة جارتنا راه ديما معااها نت غير تهنااا بغيتك تمشي مرتاح ومهنييي اما انا مترفدش ليا الهم مضبرة رااسي
محمد قرب وباسها فراسها وهي رجعات حطات راسها على صدرو وحابسة البكية بصح مقادراش على فرااقو ماشي غير هي علام الله لوخرا كيف غتكون حالتها مين تعرف شحال من وحدة مغتقدر على فرااقووو تنهد حتى هو كيف غيدير يمشي وبالو معاهم حتى مكرهش يبقى فبلادو يخدم فيهااا ويبقى حدا ختو وحدا لكبغيي ولكن الغالب الله هادشي لمكتاب ليييه ومكتاب عليهم كاملين كلا ربي فين كسخر لييه
فدوى:وكيف جااتك الطاليااان القووح**بة
نرجس:زويييينة هههه
كاميليا بانت فلكاميرة:سيفطيي لينااا التصاااور
نرجس:واخااا ههه كدايرة ماما وبابا
كاميليا:وكلشييي مزيااان عايشة الحياة اختشي حسدتك
عماد طل عليها:بصحتناا
بداو كضحكو وكهضرو مجموعين ابيل فيديو جات كنزة حتى هي بقاو كهضرو معاها وكسولوها على الأجواء تما مشات لايطياليا وبالضبط فينيسيا مدينة الحب هي وعماد لثاني شهر العسل خخخ عاشين الحياة مع راسهم خخخ
نهار جدييد
جالسة فبيتها وسادة عليهاا جامعة رجليها عندها وتتفكر تتبغي تنوض عندها وتتراجع تتخاف يتقلب عليها ولكن بكلام ماماها فاش عيطات ليها كزيد يشجعها كثر بدات تتفكر لبارح شقالت لهاا وتضورها فدماغها
فلاش باك(لبارح)
سارة:نطقييي لاش تتبكي مااالك شوااقع؟
اميرة تتبكي وتنخصص:هئ هئ هئ غايمشي غايمشي امااامااا هئ صااافي هنا وكان مبعد عليا ودابا غيزيد كتر هئ هئ
سارة:شكووون هدااا شكوون مفهمتش
أميرة:محمد امامااا محمد تقبل فداكشي ديالو وغيسااافر هئ صاافي غاايمشيييي
سارة:ايوااا صافي خلعتينييي
اميرة زادت نهاارت:منقدرش اماما هئ هئ شفتي قلت ليك ماشي ديالي وعمرو يكون ليااا ولا معاياااا هئ هئ
سارة زفرات:ختي نت هادشي دياالك طووول بزاااف ومعقد عطا الله الرجال راك تتشوفي ديما تابعك واحد ونت قامعة الشعب وتابعا ليا نت هاد خينة لحتى الشوفة مكطولها فيك
أميرة تتبكي:معرفتش هئ هئ بشنو حسن مني كاميليا هااا هئ هئ شنو لفيها مفياااش حتى انا تنبغيه حتى انا عندي قلب انا كنعرفو قبل منهااا هئ هئ،ولكن مبقاش كحملني من نهار كدبت عليها ووصلاتها ليه عمرو يشوف فيا اصلا
سارة:عطيتيه قيمة بزاااف هاهو غايزيد غير غيقطع البحر وغينسااها هي غير بلا ماتبقاي تقهري فرااسك لا نت لا هي دابا
اميرة:شكتقولي انا عارفاه مزيان كموت عليهااا
سارة:اي واحد كقطع البحر وهو مخلي وحدة وراااه كنسااااهاااا حيت صافي كبني حياة جديييدة الماضي كتمحاا انا نبصم ليك عليها
اميرة:لا لا راك معارفاش شحال كبغيو بعضياتهم
سارة:هي عارفة بلي غايمشي؟؟
اميرة:معرفتش
سارة:دايرة هاد الحالة لدايرة نت داابااا عليه فاش عرفتي؟
أميرة ضربات لها فمخها لقاتها يلاه فايقة مجايبة خبار:بصح تقدر تكون معارفااش
سارة:هنا ديري شي حاجة تنفعك نوضي قوليها ليهااا نت نيت نوضي لوحي لها شي كليمات كيف السم عليه خليهم يتشادووو الا كانت معارفاش راه باين العربون كن كان داير لها اعتبار كن راه عارفة
اميرة:زعما تيقني تصدق والا صدقات شنو غيوقع كاع
سارة:على الاقل الا مكانش ليه ميكونش حتى ليها هي
بقات تتفكر فهضرتها وضربات لها فدماغها تقدر تكون معارفاااش بغات تجرب الا كانت عارفة هو هداك تهضر عادي مكانتش عارفة تعرف هي كيفاش دير تقلبها ضدو مهم اي حاااجة تنفسات بالجهد ونااضت لبسات بانطوفتها وخرجات قلبها كضرب بشوية بشوية حتى وصلات لبيتها دقات وهي تتبلع ريقها ودخلااات كانت جالسة وشادة طيلي شافتها وتكعدات تقادات فالجلسة جلسات قبالتها وهي تتشوف فيهاا مقدراتش تراجع صافي دابا قدامها
اميرة:صاافا
كاميليا عينيها فالطيلي:حمدالله
اميرة:مزيان احم تتهضري مع محمد
كاميليا شافت فيها:ااه علاش
اميرة:لا والو غير سولت
بقات ساكتة تتشوف فيهااا وتطلع فيها وتنزلها وهي شادة طيليي وتتفكر كيفاش تدخلها وشنو تقول:احم فوقاش ايجي عند باابا خاصو ضروري يعرف
كاميليا هزات راسها شاافت فيها هادي مالها دخلاتها هكاا تااني حطات طيلي وشافت فيها:ماما عارفة بابا من بعد
اميرة:احم زعما مكاين لاش تبقاو هكاا على الاقل غير خطبة شوفي تباركالله عماد ونرجس هاهي الصغيرة فينا تانت مكاين لاش تسناي
بقات تتسمع ليهاا وسهاات وهي تتفكر جاتها على الكانة بهضرتها بصح مكرهاتش حتى هي يجي لدارهم دابااا ويهضر مع باباها تنهدات وهزات راسها فيها:انشاءالله
هنا لوخرا مبقاو عندها فرانات زادت قربات عندها وشدات فيهااا:احم على الاقل بعدا يكون ضامنك هنا الا مشى ونتوما زعما غير هكا راه متعرفيش شنو كاين وهو تما بوحدووو
هنا كاميليا عقدات حجبانها وطلعات ونزلات فيها:كيفاش فين ايمشي علامن كدوي نت بعدااا؟
اميرة فرحاااات نييت عرفاتها مقلوبة عليها القفة زادت فيخرات وهي تتلوح ليها الهضرة:اويلي علا من غندوي على سمحمد راه غادي لامريكا زعما بغيت نبين ليك هو انه غايمشي بوحدو معرفتي شنو كاين زيريه يهضر مع بابا هكا باش تبقاي شاداه عندك
كاميليا هنا بحال تكب عليها الما البارد مفهمات والو كلامها مزال تتعاود ليها فودنيها لهضرة مبقاتش قادرة تخرج ليها نطقات بزز:اميرة براكة من الضحك لباسل ديالك ش ش شكون هدا مفهمت والو شتتقولي شتتخربقي
اميرة شدات فيها:كاميليا بالشوية عليك تكندوي على سمحمد الاستاذ ديالك اويلي ساطا واش غنضحك معاك فبحال هاد الموضوع اويلي متقوليش ليا مفراسكش
كاميليا غوتات فيها حيت تعصبااات:شكوووون قالهاااااا ليييك
اميرة بعدات شوية:احم بابا قالها لطاتي كنزة وانااا كنت معااهم
دفعاتها ونزلات من الناموسية وخرجات تتجري كلها تترعد شفايفها تترعدو وفيها البكية جاتها بحال الهيسترية مفاهمة والو طاحت عليها هاد الخبار بحال الرعد قصدات الكوزينة نيشان حتى وقفات على كنزة لقفزات وهي كلها تتغزل وصفااارت
كنزة:بسم الله عليك ابنيتي مااالك
كاميليا فمها تترعد رجليها مبقاوش هازينها:فين فين بابا؟؟
كنزة جات عندها شدات فيهاا:خارج مالك اويلي شواااقع
كاميليا:واش واش سمحمد غايمشي غايسااافر؟
هنا كنزة تصرفقات عرفاتها غتكون حالتها حالة مين غتعرفها من نهار قالها لها ياسين وهي تتخمم لخافت منو طاحت فييه ها حاالتها كيف دايرة دابا حتى من شفايفها صفاارو مشى منها اللون بالصدمة وهي كلها تترعد شدات فيها مزيان وتتحاول ميوصلوش لشي حاجة ماشي حتى لهيه:حبيبتي بنتي كاميليا سمعييينيي
كاميليا نترات منهاااا:جاااوبينييي حتى نت عارفة ياااك جاوبيييينييي امااما هضرييي
كنزة بقات غير تتشوف فيهاا وفحااالتها لخافت منو طاحت فيه عرفات انها مغدوزش طريفة بغات تقرب لها وهي تبعد وطلعات تتجريييي
كنزة:كاميليااااا
كاميليا طالعة وتتجري وتتغوت:بعدووووو منيييييي
دخلات لبيتها جااهلة هزات طيليي وهي تترعد تتقلب على نمرتووو وهو يصوني نيت هو داك الساع دغيا جاوبااتو
محمد:الو كاميليا فوقاااش انطلاقاااو
كاميليا تترعد شداتها السخفة:واش واش نت غادي لميريكاااان؟
هنا هو شعل معاه الضو وتصرفق بلع ريقو ولسانو تسرط معااه تصدم بدا غير تتفتف
كاميليا غوتاااات باغية تخرج ليه من طيليي:جااااوبنييييييييي هضر ماااااااال كلشي سااكت هضر واش غاااتمشييييي
محمد:كاميليا سمعيييينيييي
كاميليا تتغوت:مبغيت نسمع والو جاوبني على شنو سولتك اه ولا لاا
محمد تنهد ومسح على شعرو:اااه كاميليا خليني نشرح ليك
هنا هيي تصمكات الما برد ليها فالركااابي جلسات وهي مصدومة مرفوووعة كلشي تجمع عليهاا دمووعها سخان بداو كنزلووو ونطقاتت:فينك فالداار؟
محمد:اه شوفي انا جاي عندك دابااا
كاميليا:متحركش من بلاصتك انا لغنجي
قطعات وناضت تاني لبلاكارها لكان قدامها لبساتو هزات لفلوس وجات خاارجة وهي طلاقا بكنزة
كنزة:كاميليا بنتي
كاميليا دموعها نازلين:كلكم عارفين حتى ليا اناااا
كنزة:بنتي سمعيني
كاميليا تخطااتها وزاادت نازلة بالزربة ودمووعها نااازلييين ممسوقاش لكنزة لتابعاها تتعيط لها وتتسولها فين غادية مرفوعة دماغها فيه غير هو خرجات وزدحات لباب كنزة مجات فين توصل لها كنزة حتى لقااتها زاادت مع ديك الطوووالة تنهدات وشدات فراسها معرفاتهاش فين زااادت تبلوكات معرفات مادير وهي حابسااها البكية حتى ياسين متقدرش تعيط ليه شنو تقوليه بنتك عرفات الاستاذ غادي مسافر دارت حالة دخلات وهي خايفة كلشي ايتعرف دابا بلي رااهم مع بعضياتهم وهي سااكتة موصييبة غتووووقع شوية يدخل ياسين وميلقاهاش وتجي دير حاالة فين غيوصلووو تاااني جلسات وشدات فراااسها وهي تتبكي نازلة وكضحك عيطات لمها وفرحوو مزياان غير وصلا حداها دغيا قلباااات وجهااا
اميرة:طاتي كنزة مااالك ومال كاميليااا شوااقع
كنزة ودموعها نازلين:موصيبة غتوقع ااميرة
اميرة:اويليي،شواقع كاميليا يلاااه كنت كنهضر انا وياها عاادي مالكم
كنزة شافت فيها:واش نت لقلتيها لهااا
اميرة بلعات ريقها:احم اه حيت سمعتكم ديك النهار علاش واش خلقت شي مشكل مفهمتش شي حاجة عاادية
كنزة شدات فراسها:اوووف ااميرة اووف راك معارفة والو
اميرة:طاتي راه بصح مفهمت والو شنوو كااين؟؟؟
كنزة ناضت:صافي من بعد
ناضت تتقلب على تيليفونها تصوني عليها لا تمشي دير شي مصيبة فرااسهااا
خلصات الطاكسي حتى الصرف مخداتوش نزلات تتجري وتقول مجريت تاالفة وتتبكي لداز من حداها يبقى يشوف فيهاا كاين حتى لوقفها وهي والو والو بغات غير فوقاش تلقاه قدامها تصدماات وجاتها قاسحة مكانتش فبالها بحال هاد الخبار يخبيوها عليها
وصلات لباب وبدات تتدق بالجهد والدموع محبسوش من عينيها كان لفدرب ضار كشوف تتبكي وتدق بالجهد وكلشي مالها مالها تحلات لباب ولقاتها قدامها تتبكي وحالتها حالة بغات تشد فيها وهي تبعد منها
كاميليا مقهورة:ياك ازينب نت هكااا كلكم عارفين وساااكتين
زينب:حبيبة كاميليا غير سمعيني
كاميليا دفعاتها ودخلات:مبغيت نسمع حد دابااا فين هووو
مع هي داخلة هو خااارج طلاقاااو يلاه بغا يشد فيها وهي دفعوووو
كاميليا دموعها نازلين وصوتها مقهوور:لهاد الدرجة مكنعني ليييك وااالو ياااك
محمد باغي يشد فيها وهي تدفع فييه:كاميليا سمعييني انااا درت هكاا حيت
كاميليا غوتات:حيييت شنووو حييت مدايرش ليا اعتبااار كيوالو انا عندك غير زاااااايدة هئ هئ علاااااش علااااااش مين هكاااااا لاااش داخل ليااا فحياااتي لااااش
محمد هنا شدها حكمها ولصقها مع لحيييط:سكتيييي سمعييني بعدا انااا مقلت واالو باش تديها فقراايتك حيت عارفك غتعرفيها غديري حااالة ونت تاابعك الامتحان
كاميليا دفعاتو:هي قول هااادشي من شحااال هدا من شحااال ونت ضارب الطم وانا كيف الحماااارة تااابعااااك تقت فيييك درت كلشييي فحياااتييي ولكن نت
زينب تدخلااات:كاميليا حبيبة غير خليه يشرح ليك راه مبغااكش تلاهااي على قرااايتك
كاميليا بعدات عليها:نتيي بعديييي منيي كان كحسابلي راك صاحبتي على الاقل تجي غير نت ومنعرفهااااش من عند
بغات تكمل وسكتااات حيت بالنسبة لها هاهي هضرات مغيتبدل وااالو شااافت فييه:فوقاش غاادي
بقا غير ساكت لعرفات اتزيد على الدعوة وهي حالتها حالة تتبكييي وتترعد وجها صفر هنا زادت تعصبااااات وهو سااكت:غير هضر صاافي كلشي بااان هضر
محمد زفر قرب عندها وهي تتبعد:كاميليا خليني نشرح ليييك
كاميليا تتبعد:معندك متشرح ليا صااافي كلشيييي بااان دابااا كن معرفتهاش من جيهة اخرى مكنتش غنسمعها منك نت صاافي دير لبغيتي داباااا طلع حتى للقمر شغلك هداااك
ضربات فيهم وزاااادت وخرجااات وهما يتبعوها بزوووج خارجة وتتشتشف وتتمسح دموعها بكمهاا بالجهد ربي لعالم بحالتها دابا ممسوقاش لبنادم لكشوف فيها وهي تتبكي وصل عندها شد فيها وهي تنتر
وتتمسح دموعها بكمهاا بالجهد ربي لعالم بحالتها دابا ممسوقاش لبنادم لكشوف فيها وهي تتبكي وصل عندها شد فيها وهي تنتر منو باغيها غير توقف واااالو
كاميليا وقفات وهي تتغوت:بعد منيييييي صاااافيييي سيييير لااااش جاااااي داباااااا سييير كمل شنو كنتي بااادي
محمد:وااااسمعيييينييب خليييني نهضر تعرفي شنو كاااين
كاميليا:مبغيت نعرف والووو صااافي بعد مني دابااا صافي خرج من حياتي كيف دخلتي ليها النهار الاول من هنا وساااالينا صاافيي مبغيتش
هنا قاطعها وشدها حكمها مزيان شدها من قرفادتها بنادم جاري معاهم من بعيييد
محمد:واش عارفة راسك شكتقولي كيفاش سالينااا من نيتك
كاميليا:نت هادشي لتتعرف دير غير تحاسبني على اي حاجة درتها ولا قلتها بعد منيييي دابا ما نت خويا ما نت باااا طلق منييي
محمد زاد كرز عليها:سمعيني وعرف علاااش درت هادشي الزمر كاامل سمعييي
كاميليا تتدفع فيه:مبغيتش نسمع بعد منيي لعاارفة دابا هو انني اكبر حماارة تابعااك وتقت فييك ودرتك كلشي فحياتي ولكن كلكم غذاااارة كلكم الله ياخد فيك الحق
دفعاااتو وزادت فدموعهااا تتشير لطاكسي وهو باغي غير تعطيه وذنيها وتسمعو وااالو تتدفع فيه وتنتر منز وجها مزنك بالدموع وتتنفس بالجهد حالتها تشفي العدو
محمد:كاميليا غير سمعيني
وقف لها طاكسي دفعاتو يلاه غتركب شد فيها باغير تعطيه فرصة يهضر والو دفعاتو وسدات الباب وتحنى كدق عليها من الزااااجة وهي عاضة على شنايفهااا وهو كدق عليها غير تشوف فيه قالت لمول الطاكسي فيين وديمارا وزااد خلاتو واقف داير يديه على شعرووو وزفر
مول الطاكسي كشوف فيها من الزااجة وهي تتبكي وتنخصص قلبها كضرهاااا قلبها دارت يديها على وجها وتتبكي وتشهق مقدراتش تصبر لا على فراقو غايمشي ولا هادشي لخبا عليها متقبلاتهاش جاتها على غفلة متوقعاتهاش كاااع
كنزة:الو محمد قولي معاك كاميليا واش شفتيهاا
محمد تنهد جاها للصراحة:اااه يلاه كانت معايا شدات طاكسي غتكون جاية للدار
كنزة:هالعاار لما تبعها وجيبها للدار راه خرجات فواحد الحالة خفتها دير شي حاجة فرااسها عفااك
محمد كهدنها:صااافي صاااافي كوني هانيا انا غنجيبها داباااا
قطع معاها ومشى كجري هز موطورو وتبعها واخا فاااتوه بزاف معارفش واش نت غادية للدار غير غاادي وتابعهااا
فبلاصة اخرى
جالسة فالبالكو ديال الشومبغ دالاوطيل فين جالسين تتشوف على جو كيف داير وعلى منظر وهما وسط الما هادشي باش معروفة فينيسياا مدينة شوارعها نصهم ماا ساهية وتتشوف جو زوين عجبها الحال من نهار جاو فرحانة بزاااف محساتش بيه فاش دخل وسد الباب جلس عاطيها بالضهر فوق الناموسية
عمااد:نررجس
ضارت وهي تخرج عينيها مشافتوش فاش دخل محساتش بيه نااضت وتمات جاية عندو وهو عاطيها بالضهر ضارت مع الناموسية غير تقابلات معاه:شنو هادشي
عماد حل الكارطونة لكان هاز وهو كشوف فيها مبتاسم قربات وطلااات وهي تشهق
مين شافتها دغيا خشات يديها وهزاتها بشوية مكايسة عليهاا عجباتها بزاااف كانت مشيشة بيضة صغيييورة بزاااف نيت تربيها تكبر معاهم
نرجس فرحانة وهي بين يديها:زوييييينة بزااااف
عماد كشوف فيها مبتااسم:عرفتها غتعجبك
نرجس تتشوف فيها:غتبقى معايا ياااك
عماد:راه ديااالك جبتها لييك
شافت فيه قرباات عندو وطبعات قبلة على شنايفو تتعبر ليه على شكرها وفرحتها مبقاتش لحشمة خخخ جلسات وهي شاداها فحضنها وهي صغيييورة فرحها بزااف تتموت عليهم
عماد:بديت تنغير من دابااا هههه
نرجس شافت فيه:تاحد مايجي بلاصتك غير تهنااا
ضور يديه عليها وباسها فعنقهااا وهما كداعبو لمشيشة شوية ناضو يخرجو يشريو لها داكشي ديالها
فبلاصة اخرى
تدق بالجهد حلات لها دخلااات مخنزرة مدواتش معااها كااع وهي تابعااها والو مضارتش دخلات سدات عليهااا كنزة تنهدااات وهي فنص الدروج رجعاات مين سمعات الدقان نزلات مشات حلات قلبها كضرب خافت يكون ياااسين ساعة رتاحت شوية حلات ليه الباب ودخل
محمد:جاات؟
كنزة:اااه حالفة مبغاتش تهضر معايا مشكيلة غتنووض ياسين ايعرف كلشي
بقا كشوف فيهاا تنهد مكانش باغي يوصل لهادشي كامل فعلااا يقدر ياسين يعرف وينوض شي صداااع تنهد وقرب عندها:نقدر نطلع عندها؟
حركات راسها باه ومشى طلع دغيا وهي جلسات وشدات فراسهااا معرفاتش هادشي مين طاح عليهم وقف قدام الباب وهو كسمع شهقااتها تتبكي ربي لخلقهااا بدا كدق بالجهد باغي غير يشوفها ويهضر معاها يخليها تفهمو وتعرف شنو كاين
ناضت وهي تتغوت وتتبكي:بعاااد منيييي سييير بحااالك الكذاااب الغذاااار تقت فيييييك الله يااخد فيك الحق هئ هئ هئ بعااااد منيييي
محمد:وحلي غير نهضر معاك وغنمشييي
كاميليا تتبكي وتنذب صوتو مبغاتش تسمعو:وبعاااد مني ولا اقسم بالله حتى ندير شي حاجة فراااسي
كنزة طالعة:سمحمد صافي صافي عفاااك غير خليها
محمد ضار عندها:عفاك غير نهضر معاه دغيا الا عندك السااروت
كنزة:راه خفت توقع شي حاجة راك عارف ياسين
محمد:لا لا متخافيش مغيوقع وااالو انا لدرت هادشي انا لغنصلحوو عفااك
تترجاها بعينيها وهي تتسمع بكاها لداخل وفعلا الا هضر معاها هو تقدر تهدن وهي مقادة على صدااع تنهدات ومشات لبيتها تجيب ليه دوبل دالساروت دبيتها تكا على لحيط وتنهد هادشي لكان خايف منو عرفها غادي دير حاااالة عرفها غتولي حالتها هكاااا عطاتو الساروت حلو دغيا ودخل سد لباب وراه كانت مخشية غسمعات الباب تسد وهي تقفز غير شافتو زادو جنونها
كاميليا تتغوت غيمشي لها الحلق:وسييير بحااالك وخررررج بااااااابااااا بعد منيييي
محمد كقرب لها بشوية:كاميليا مديريش ليا هكا خليني غير نهضر غير سمعينييي
ناضت رجعات باللور بدات تتضرب فوجها وتنتف فشعرها وهي تتغوت وتبكي:وخرررج وبعد منيييي هئ هئ وبعد منيييييي وتفرق عليااا
هنا مشى لها نيشان شد لها يديها وهي تتركل وتبكي كشوف فيها كيف دايرة عويناااتها منفوخين بالبكى وجها حمر بالبكى والتصرفيق لضربات وجهاا تتبكي حتى سخفاات بقاات فيه بزاف حالتها حااالة جرها عندو عنقها وهي تتدفع فيه وهو كاارز عليها وهي تتبكي بقات تدفع فيه حتى طلقات يديها وزكااات بدات تتبكي فكتفو وتتشهق قلبها كضرهااا بزاااف مقدراتش تصبر
كاميليا:حرااام عليييك حراام علييك ياك ديما كنت تتقولي راك معايااا معمرك مغتخلييني علااش دابا غاتمشي علااش
بعد عليها وهو شاد فيهااا وكهضر محرووق عليهاااا وهلى حالتها بقات فيه بزاف وزادت على ماابيه
محمد:كاميليا انا مقدرتش نقولها ليك عارف اتجيك صعييبة كانت عندك قرايتك مبغيتش نلهييك عليهاااا مبغيتش فهمينييي
كاميليا بدات تتنقز وتتبكي:ومتمشيييش متمشيييش هئ هئ هئ بقا معاياا كيف مواعدنييي علاش كدبتي عليا علاش ضحكتيي عليااا
محمد تجر فيها باغي غتوقف ويكمل كلااامو:وغير سمعي كاميليا انا مضحكتش عليك كاميليا انااا غاادي ندير علاش نرجع غادي نتقاتل ونقلب على داكشي لمن شحال وانا باااغيها غنمشي باش مين نرجع نكون قااد بييك قادر نهزك ونوفر ليك كاع لبغيتيي
كاميليا دفعااتو:مبغيييتكش مبغيييتكش متبقاش تحلم صااافي تقيتك بزاااف كدبتي وضحكتي علياااا بزاااف واش كاين شي حد كقطع البحر وكبقى عاقل على لورااه مخبيهاااا عليهاااا كن مقالوها ليا فجيهة اخرى معمرني كنت غنسمعها منك يلغداار كنت حتى تمشي عاد اتعيط ليا تقولهاا ياااك ومن شحاااال كضحك علياااا من شحاال ونت سااكت
عيا معاهااا وراسهااا قاصح دخلااات كنزة وهنا زاادت جهلااات مع ضار شاف فكنزة وهي تغفلو دفعاااتو وهي تمشي تتجري من البالكو ودلاات رجليهااا هنا كنزة غوتااااات ربي لخلقهاااا:كااااميليااااا لااااا
كاميليا:قوليييه يخرج علياااا ولا اقسم بالله حتى نقز
محمد باغي يمشي عندها وخااف تديرها نيت:كااميلياا ديري عقلك كاميليا خلييينااا نهضرووو
كاميليا تتغوت وتتبكي:خرج الكذااب الغذاار خرج ولا اقسم بالله حتى نقز وذنوبي يبقاو علييك خرج
كنزة بدات تتبكي:كاميليا الله يرضي عليك ابنتيييي مديربش فينا هكااا عفااك
كاميليا:زعما كنهمكم كن كنتو بصح دايرين ليا اعتبار وقيمة كن قلتوها ليا علاش انا كنقول لكم كلشيي علااش شنو درت ليك حتى ضحك عليا هكااا علااش هئ هئ
كنزة:سمحمد عفااك خرج عفاااك مقادين على مشاكيل بااها ايجي دابا
محمد كرجع بشوية اللور وهو كشوف فيها:صافي انا خارج صااافي
كاميليا:خرجييي حتى نت اكنزة
خرجو بزوج خافوها ديرها نييت وهي فهاد الحالة غير سدو لباب حيدات رجليها وجلسات فالارض يديها على وجها تتبكي محروقة مقهورة العافية شاعلة فيها
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Roman d'amour💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
