ثانوية الحب ⛄الاستاذ والمزنزنة 2☃️مكتملة☃️

الجزء 139 ☃️

💛ثانوية الحب💛
🍒الجزء 139🍒
⛄ منال برنيش⛄
حركات راسها باه وهي مبتاسمة لها ناضت كاميليا تتجري تتقلب عليه لتحت حتى لقاتو جالس وكقرا فكتاب مشات عندو نيشان عنقاتو وباستو وجلسات حداه شافيها وضور يدو على عنقو وباسها فراسها وكمل لقراية ديال الكتاب مهضرتش بقات ساكتة مهم تبقى جالسة حداه وحاسة بيه معاها وكاين واخا تتنوضها معاه ولكن هادشي غير فاش بداية مراهقتها بدات تتشد معاه الضدد وكعصبها فاش كبدا يهضر وينكر عليها ولكن فاش كانت صغيرة كانت مضسرها بزااف وحتى دابا واخا لخلافات موفر ليها كلشي ولخصاتها ولبغاتها كجيبها لها واخا داكشي لسمعات من عند محمد كان صعيب وبقى فيها بزاف الا انه دار ليها عقل مع واليديها وعرفات بحقهم
نهار جديد
خرج من الحمام كمسح يديه بالفوطة توضى وغيصلي هز راسو بانت ليه فالبالكو مشى قاصدها بالشوية حط يديه على كتفها وهي تقفز دغيا بدات تتسمح دموعها جا قدامها هزات فيه عينيها غير بالشوية حط يديه على خدها:مالك
كنزة حركات راسها بلا زعما مكاين والو وهو يشد ليها فكتافها:كنزة من امتى ونت وليتي تتخبي عليا شنو وااقع
كنزة مقدراتش تصبر حطات يديها على وجها وبدات تتبكي:والو غير تفكرت الوليدة
تنهد وعنقها وهي تتبكي فحضنو عنقاتو ودموعها محبسووش من لبارح فاش كانت مع كاميليا وسمعاتها تتهضر على داك الموضوع تحل ليها الجرح ديال الأم لرغم السنين تتبكي فوقما تذكرات خلاتها صغيرة ومعاشتش معاها بزاااف هادشي علاش تتحاول تعطي الحنان لولادها محدها حداهم مبغاتش يحسو كيف حسات هي واخاا باها كان راجل مزياان خدم عليهم وتكرفس عليهم وكرس حياتو ليهم ولكن كبقى واحد الفراغ ديال الأم بقى كواسيها ويسكتها بحال ديماا
ياسين:وصافي اكنزة عفاك
كنزة تتمسح دموعها:صافي اعوذ بالله من الشيطان الرجيم راك تتعرفني مرة مرة كنولي هكا
ياسين:مكنبغيش نشوفك تتبكي
كنزة بتاسمات:كنت بغيت نقولك شي حاجة
ياسين:قولي لي كنسمعك
كنزة:احم غنمشي لمراكش نجيب با يجي يجلس معانا شوية
ياسين:ليوم؟؟
كنزة:دابا
ياسين حرك راسو باه:انمشي معاك
كنزة بتاسمات كثر:بصح
ياسين:منقدرش نقوليك لا
عنقاتو تاني وهي فرحاانة ومشات نزلات توجد الفطور كانت 8:00دالصبااح
نرجس تتفوه:كاميليا نوضي كاميليا
كاميليا مغيبة:ممممم
نرجس:نوضي راه بابا وماما غيمشيو لمرااكش
كاميليا حلات عينيها:علاش اويلي راه باقى العطلة
نرجس:وغيمشيو يجيبو با سيدي تانا غنمشي معاهم
كاميليا ضوراتها فراسها:انا مبغيتش نمشي
نرجس:راه باينة تانت غيقولو لك يلاااه
كاميليا:لا لا مبغيتش
نرجس:قوليها لهم
زادت وخلاتها ناضت تتنتر شافت الساعة 8:30 عمرها فاقت فهاد الوقت نهار السبت هبطاات تتكحز نزلات لقاتهم جالسين كفطرو مع جلسات وهي تهضر:مبغيتش نمشي لمرااكش
ياسين:علااش
كنزة:ميمكنش تبقاي بوحدك اميرة لتبقاي معاها راه مكايناش
ياسين:غدا انرجعوو
كاميليا خاصها تخرج لهم شي بلان باش متمشيش:هاا راه دايرة مع فدوى نباات معاها راني غنكون مع طاتي خديجة وحبيبو منير صااافي واصلا راه غدا غتجيو ماشي بزااف
كنزة:وفين غدوزي النهار
كاميليا:غنرجع نعس مين غنفيق انمشي عندهم
كنزة شافت فياسين:شبانلك
ياسين:عيطي لمنير وصييه يجي ليها يديها
كنزة:صافي واخا
هنا مكرهاتش طييير بالفرحة ناضت باستهم واحد واحد ومشات طلعات تتجري عيطو لها تفطر ساعة كعما مبغات لوقت لفطرات هي هانيا دخلات لبيتها طلاحت فوق الناموسية نيشان الواتساب سيفطات ليه ميساج:good morning🌞
طفات طيلي وغمضات عينيها ونعسااات
شادين الطريق جالسة اللور وتتشوف فالطريق من الزاج حلات طيلي ديالها لقات ميساج من عندو فيه صباح لخير بتاسمات ولاو ديما كهضرو ولات تتحس بيه قريب لها وبزاف والتعامل ديالو تبدل بزاااف وهي زاادت غرقات من راسها ترجليها ضروري خاصها تشوفي ولا غير ميسااج مهم معاه هو
طفى الطيلي وحطو وضار للبيسي وهو مبتاسم عليها طبعا دماغو ولات فيه غير هي متتحيدش ولا كحس انه التعامل ديالو مبقاش فقط لتلميذة ولات شي حاجة اخرى بعيدا على داكشي لوقع ليهاا بقى ديما كسول فيها باش داكشي مياثرش فيها ولكن مع الوقت وبالزربة داكشي باش حار بالزربة ولات واحد العلاقة فشكل بيناتهم من بعد مكانت متوترة وفيها غالصدااع جلسات وهي تتشوف فيها ودارت رجل على رجل
أسماء:عماد
مجاوبهاش عينيه فالبيسي عاود عيطات ليه:وااا الولد
عماد ساف فيها عاد عاق مردش ليها البال:ها نعام مسمعتكش
أسماء:بسم الله عليك
عماد مسح على شعرو:غير سهييت
أسماء:مممم قولي شدرتي؟
عماد شاف فيها حرك راسو:باقي
أسماء:وحتى لامتى ايوا انا قلتها لباااك
عماد:صافي انا غنشوف هاد السيمانة
أسماء:مالك حشمتي؟
عماد شاف فيها:وغير
أسماء:اشنو
عماد تنهد:باها
أسماء:علاش مال باها واحد جاي عندو ناوي الحلال مكاين غرام دلعيب مالو ميلقاش حسن من ولدي
عماد:وراه حيت باقى صغيرة
أسماء:ومن بعد الا كانت هي باغاك معندهمش علاش يرفضو ونت مالك غتحبسها على قرايتها بالعكس هادشي راه عمرو يكون
عماد:واياه راه داكشي قرايتها تكملها معنديش مشكل
أسماء:توكل على الله وانشاءالله ميكون غير لخير
شاف فيها وبتاسم وعاود شاف فلبيسي وهو كفكر والابتسامة محيداتش من بالو اه بصح اخيرا ناوي يكمل دينو ومعامن اكيد شكون من غيرها وبهاد السرعة ااه مكاين لاش يتسنى قلبو هو لحاكم دابا علاش ايبقى يتسنى صافي ديما كشوفها عارفها كدايرة ضريفة ثقيييلة وبشهادة كلشي حتى الاساتذة تعرفهم كشكروها دائما فالاجتماعات لكديرو مدام عاجباه مكاين لاش يتسنى مجاش وعرفها على ماماه الا ورا شي حاجة حتى هي بانت ليه مدات مجابت وعجبات أسماء ومدام هو باغيها فيتوكل على الله شحال وهو كقول باقي باقي مكانش تتخايل شي نهار انه غيبغي يتزوج بتلميذة عندو مكانتش طيح ليه على لبال نهائيا ولكن القلب ميشاور كل كياخد لمكتاب ليه
حلات عينيها تتكسل وتتجبد ناضت غسلات وجها ونزلات فطرات احح بوحدها فالدار الحرية التاامة خخخ طلعات لبيتها هزات طيلي وهو يصوني كان هو بتاسمات ودغيا جاوبات:الووو
محمد:الو كدايرة لباس
كاميليا:حمدالله ونت كصبحتي
محمد:الحمدلله فينك نت
كاميليا:انا فالدار ماما وبابا ونرجس مشاو لمراكش يجيبو با سيدي غدا ايجيو
محمد:نقدر نشوفك؟
كاميليا:اه واخااا
محمد:مين غنوصل نعيط لك
كاميليا كضحك:واخاا يلاه باي باي
قطعات ودوزات النمرة لمنير باش تشوف فوقاش ايجي قالها بلي عندو شي خدمة مايجي حتى17:00 شافت الساعة لقاتها يلاه الوحدة فرحااات مزال عندها الوقت فين تبقى معااه بزاااف يلاه اتنوض وهي تشوف تاني طيلي صونا كانت زينب بتاسمات وجاوباتها:الو زين لبااس
زينب:حمدالله حبيبة ونت
كاميليا:انا بيخير حمدالله
زينب:الحمدلله عيطت ليك غير بغيت نقوليك راه غيجي عندك سمحمد يجيبك تغذاي معانا واخا؟
كاميليا:هاا واخا ماشي مشكل
زينب:صافي احبيبة عيطت لك غير باش نتاكد
توادعات معاها وقطعات كان كحسابلها غتخرج غير هي وياه وهي يلاه كانت عندهم لبارح صافي هانيا مدام عرضو عليها عادي لاحت طيلي ناضت تقلب على شنو تلبس
زينب خارجة من الكوزينة:مرحبا مرحبا بالزين ديالنا
كاميليا سلمات عليها:ربي خليك احبيبة
رحبات بيها دابا مبقاتش برانية ولفوها كيف ولفاتهم
جلسات وهو حداها وزينب تاهي كهضرو حتى ناضت للكوزينة شافت فيه وبتاسمات وهي تشد ليه فيديه:شوية
حرك راسو باه وهز يديه حيد ليها خصلة من شعرها رجعها لها ورا وذنيها وهو كشوف فيها شوفات راه اي واحد يعرفهم شنو كمعنيو وشنو كقولو لها نظراتو ليها مفروشين نظرات دالحب لكحس بيه تجاهها احاسيس ميقدرش الكلام يوصفو ولا يعبر علييه