ثانوية الحب ⛄الاستاذ والمزنزنة 2☃️مكتملة☃️

الجزء 125 ☃️

💛ثانوية الحب💛
🍒الجزء 125🍒
⛄ منال برنيش⛄
وصل حط الموطور عند السيكليس وكمل على رجليه غادي ويشد شاد بيها السمطة ديال الشكارة لفكتفو ومنزل راسو غادي بالشوية مرفوووع وتتنهد هز راسو غادي يضور مع الشارع وهو يوقف بقا كشوف فيها ويحقق هي ااه هي كيف ولاات حاالتها الزماان دار خدمتو فيهااا كحقق فيها مزيان وككدب عينيه ولكن رااه هي نييت مرت بااه لكانت كيف العودة مخلات مدارت فيهم نهار دخلها باه ضرة على ماماه مسكينة طاحت مريضة بالفقصة متقبلاتش يكون راجلها لفنات معاه حياتها مزوج عليها وعندو ولد قد ولدها من الفوق ماتت ميمتو وهاهي لوخرا دايزة بكروسة داباا دافعيينها اييه الليام الصحة غدارة لمدايماش شاف لبنت لدافعااها وحلااات فاش بغات طلع بيها الكروسة فالطروطواار بقى مسمر يلاه غيخطوي برجليه باش يمشي يعاونها وهو يحبس مقدرش تراااجع عطاهم بضهرو وملامح دوجهو تبدلو مسح على وجهو وقلب الطريق وزااد الطريق كاملة وهو كفكر فيها كيف كاانت وكيف ولاااات
من طبعو كسول فالوااحد لمريض الجيران الصحاب مكدوزش بنادم وبحال هاد الموقف ديال دابا كن كان شي حد آخر كان مغيترددش وغيعاونو ولكن هي بالذاات تراااجع حس بلي احساس الكره من جيهتها مزال فيه وبالسيف مدوزات عليه هو وختو دخل للدار ورمى الشكارة وجلس مسح على شعرو ونزلها لذقنو وهو كفكر فشوفة وحدة منها رجعاتو للور داكشي لمحفور فدماغو عمرو ينسااه
فلاش بااك
جالسين كفطرو او غير ولادها لكفطرو هما محرمة عليهم لمااكلة جالس ككتب حداه ختو شادة كاس داتاي فيه غجمغمة بين يديداتها الصغاار شاف فيها وقسم ليها خبيز ومدو لها
زينب:بعيت كوفيتير
محمد ضار شاف مرت باه كانت فلكوزينة ضايرة عاطياهم بالضهر دغيا ناض صايب ليها بعالك دخوتو تتفرجو فالتلفازة شوية وهو يضور واحد فيهم شافو:ماااااماااا سمحمد هز كووفيتيير
رجع بلاصتو مدو لختو دغيا وهي جاية تتمسح يديها فتزارتها حيدات صندالتها ونزلات عليه بيها وهو مطاكي بيديه تتخبط فيه بالصندالة وتعاير:كوفيتير كنت تشري فيه ياولد الحراام صبحنا عالله تفوو
زينب هنا بدات تتبكي وهي تجمع معاها بقرصة:سكتينااا تانت مااالك كولي تاكلي جناابك كمامر كدايرين ياعوذو بالله
بقات على النكير خوه من باه لبيع بيه كضحك وكشوف فمحمد وكضحك وهو كمدها مسكين ديما واكلها فعظامو من عندها وكسكت ولف هادشي ضار عند ختو كسكتها
زوهرة:وليد كول احبيبي كل فطر باش تمشي تقرااا
ولييد:ناري اماما الاستاذ عطانا التمارين نديروهم فالعطلة وانا مدرتهمش يلاه معايا طلبيه
زوهرة:متخافيش احبيبي ايلا هضر معااك انا نمشي ليييه متخافش
وليد:لا لا ايضربني اماما يلاه معايا
بقات تتشوف فيه سولات ولادها الزوج لوخرين واش مخرجين التمارين قالو لها اه بقا ليها غير لاخر:مشكيلة هاادي
هزات الكأس داتاي تتشرب منو وهو يبان لها محمد تكتب
حطات لكاس وخطفات ليه الكتاااب
محمد:راه كنكتب
زوهرة لاحت الكتاب لولدها:هادو هما التمارين؟
وليد:ااه خرجهم قلت ليه وريني مبغاش
زوهرة بدات تضور فالصفحات حتى وصلات للصفحة لكااتب فيها محمد سميتو وقطعاتها ولاحتو لولدها:هاك كتب فيه سميتك وقول للاستاذ راه ديالي
محمد هنا ناض بغا ياخد كتابو وهي دفعوو:جلس للارض فين غادي مدرم
محمد:رااه كتااابي هداااك بغيت ديالي
زهووور:والله وتقرب ليه ولا تجيني خبارك خديتيه لبه يحتى لندير فيك منقولو ليك العصى وقليلة فيك نت شبغيتي دير بشي قراية اخرتك شمكااار تشم فالغبرة ياوجه الحبس تقلع من قدامي
محمد:غيجي بابا غنقولها ليه
هنا جمعات معاه بتصرفيقة حتى ضار وهي تتعاير حابس لبكية مكبكيش قدامها واخا قاتلاه عصى ضار وهو كشوف فيها وهنا زادت جعرات وشداتو من شعرو:نزل عينيك نزل عينيك قلت ليك
دفعااتو وهي تتسب فيه وتعاير هز شكارتو وشكارة ختو وخرج شاد ليها فيديها وغادين للمدرسة زوج وليدات ايتام الام يقطعو ليم فالقلب مشات عليهم لتحن فيهم وتبغييهم مشااات ربي بغااهم يعرفو وجه الدنيا لحقيقي ونياب البراني فوقت صغيير بزاااف دموعو نزلو وهو غادي للمدرسة كيبقى طفل يبكي الا ضربتيه وهي معدية عليه هي وختو مخلات باش ضرباتهم تحيد ليهم حوايجهم لشارية لهم مهم وتعطيهم لولادهم وهاهو مخرج تمارينو وشداتهم عطاتهم لولدها كلا قتلة العصى من الاستاذ مين ملقاش عندو التمارين ولكن الحكرة والعصى ديالها هي مكاينش ماحسن منها
تنهد ورجع باللور مزال فذاكرتو هادشي بحال غير لبااارح كلامها القاصح ليه وعلى مو كانت تتعاير ماماهم قدامهم وهي ميتة الضرب تحاجة منسااها رغم ان كان صغير وهاهو دابا ولا راجل وعاقل على كلشيي مكبغيش يبين لختو انه براسو مزال محروق من لفااات حيت هو لعندها هو لكصبرهاا ولكن هو معندوش ليواسييه ويصبرو
داز الوقت
كقلب فالضوسي ديالها دلمدرسة على فين ساكنة مبقاتش كااع جات للمدرسة خاصو يلقااها ويتهنا من هاد البلان ديال التصاور فمرة ويوريها شغلهااا لقا ولقا حتى النمرة لعاطياهم خداها وجبد لبيسي ديالو بغا ديك النمرة يعرفها مين خدامة وفين بالضبط ونيت طلعات ليه لوكاليزاسيو نفس العنوان نيت لفضوسي اذن ساكنة تما بقى كفكر شحال كيفاش غيدير لها حتى لقا واحد الحل وبانليه مزيان معندوش غيرو جبد طيلي ديالو ودوز واحد النمرة
محمد:الو الشاقور فين مهم بغيتك فواحد لبلان الله يحفضك