💛ثانوية الحب💛
🍒الجزء 123🍒
⛄ منال برنيش⛄
بقات شحاال تتهضر معااه حتى توادعو وكل واحد مشى ينعس حطات طيلي وهي غطير بالفرحة نسات كاع لمقلقها بهضرتو فرحها ونساها فلمقلق خاطرها وأخا لوقع شي حاجة لصعيبة ولكن قدر ولو شوية يواسيها ويخفف عليها وكطمنها انه راااه معاااها هادشي قدر شوية يفرحها ويضحكها ولقاتو هو تعاود ليه مكانتش تقدر تقولها لواليديها كون طرطقات لبقات سااكتة غمضات عينيها تنعس وتنهدات وهي مبتاسمة ومغمضة عينيها شوية وهي تحلهم وناضت بالزربة جلسات وهي مخرجة عينيها عاد تفكرات الصاحبة وبلي راه مصااحب وهي تدير يديها على حنكها وهي مدلية قنانفها وجلسات تخمم🙂
نهار جديد
كلشي كهضر هي لوحييدة لسااكتة تتقلب فالكورنفليكس بالمعلقة تتهزو بيها وتتعاود تكبو ياسين نغز كنزة تنعت ليها فيهاا بعينيه ضارت كنزة وقربات ليها:مااالك
كعما جاوباتهم كلشي بدا كشوف فيهاا عاود نغزاتها كنزة:وااااكاااميليااااا
ضارت بالشوية واخا الطريقة باش عيطات ليها مها كان خاصها تقفز ساعة والو مصمكة:نعام؟
كنزة حطات لها يديها على راسها:امالك ابنيتي وجهك مخطوف وغحالة فمك مريضة؟
حركات راسها بلاا ورجعات تتشوف فالجبانية كنزة شافت فنرجس زعما شواقع تكون عارفة ساعة حركات ليها راسها بلااا زعما معارفاش اميرة تتخنزر فيها مطلعة حاجب وتتشوف فيها سمعاتها لبارح تتبكي ولكن مدخلاتش عندها ضبر راسها تفركع كاع متتهمهاش
ياسين:ماالك اكاميليا الا حاسة براسك ماشي مزيان تديك ماماك لطبيب
كاميليا شافت فيه:عجب لموصلوش ليك البركاكة لدايرهم عليا مالي شنو ضارني
ياسين:شفتي فين وليناا هي هادشي لاش منخلاني يومين هادي
كاميليا حطات المعلقة:ااه لهااد الدرجة متتيقوش فيا بنادم تنمشي ونجي معاه يصدق غير كدي خباااري ولمن لباباا علام الله شحال من وااحد كااين
كنزة شافت فييه:شنو واقع مفهمتش شكون هادي
ياسين:عرفتي علاش درت هكاا
كاميليا وقفات:مبغيتش نعرف راااه بااااين خايفين عليا باين راكم خايفين غير على راسكم من الشوهة الا درت شي فضيحة
هزات ساااكها وخرجااات كنزة شافت فياسين تتسولو شنو مفهمات والو نرجس تاهيا هزات شكارتها ودعااتهم وخرجاات أميرة هزات حجبانها زعما لا تعليق ناضت حتى هي طلعات فحاالها بقاو غير هما بزوج
كنزة:نفهم انه صحاباتها توصلو ليك الهضرة عليها
ياسين:انا درت هكا باش نخليها تكتاشف راسها معامن معااشرة اكنزة ماشي كلشي صافي بحاالها
كنزة:لا اخويا باركة غانت فيك الكفاية حاضيها واش لهاد الدرجة اياسين راه حداك قدام عينيك لاش هاد الهيلالا كاملة
ياسين:ودابااا رضيتوني فيا الدغانيش وانا مناوي والو من هادشي
كنزة:ياسين واش متتشوفش البنت ولات محاملاناش عند راسها حنا لكنكرهوها وهي بالنسبة لينا غير لمشاكيل
ياسين:هادشي على مصلاحتها اكنزة
كنزة:البنت راه حداك متتحيدش من قدام عينيك هاد لعام زيرات السمطة الخروج مبقات خرجات الدار المدرسة متزيدش فيه اياااسين راه نت عند راسك كدير هادشي على مصلاحتها اه من حقك تخاف عليها بنتك هاديك ولكن ماشي لهاد الدرجة راهم محدك تتزيد تزير وهما كزيدو يخرجو على الطاعة اكبر دليل هاهو قدامنا ولينا كلمة زوج تنوض تقولينا محاملينيش ولات عصبية بزااف وبصح حاطين عليها بزاااف هادشي لتنشوف انا ونت فكر شوية الله يعاون هاد الساعة
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Storie d'amore💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
