ثانوية الحب ⛄الاستاذ والمزنزنة 2☃️مكتملة☃️

الجزء 154 ☃️

💛ثانوية الحب💛
🍒الجزء 154🍒
⛄ منال برنيش⛄
فدوى:وصافي موقع والو
نرجس يديها على وجها وتتبكي:حرام عليكم والله قلت ليكم منديرهاش
كاميليا مغمضة عينيها حيت تتماكي لها لبنت:وغير اول مرة اساطا من بعد ايجيك عادي
فدوى عنقاتها:وصافي براكة من البكى ايخسر لك الماكياج
بنت:اجي اختي
ناضت نرجس لمزال مقصحة تحتها غير قاسوها عطاتها للغوات جلسات باش تبدا تماكي ووحدة اخرى غتبدا تقاد ليها لمشيطة ساعتين وهما عاصرين فالصالون خخ اما اميرة غير جالسة تاهي كانت دايرة لعيبات ديال البوكلاج دالشعر تتسناهم يشدو مزيان وغير تتشوف فيهم ومخنزرة فيها هي نيشان مخرجات حتى كلمة مين طلاقاو غير كضور فعينيها وضاربة الطم
كاميليا:عفاك زيدي لي لعكر
لكوفورة:واخاا
بقااو شحااال تماا ربعة دسواايع دالماكياج والشعر والهضرة والنميمة حتى سالاو
فدوى:جيتيييي فنة تباركالله
كاميليا:ختيي غزالة بلا ميكااب وزااادت داباا عماد ايسخف لينا خخخ
شافت فلمراية واخا لماكياج شوية ثقيل ولكن جا مع ملامحها مزياان وبدات تتبان كبر من عمرهااا ولكن جات ناضية خخخ عاد مشيطة خفيفة جامعة لها شعرها كامل بطريقة لبسيطة ولكن أنيقة وديال لعريسات نيت ختارتها هي بنفسها خرجو من الصالون وركبو فطوموبيل وزادو
فدوى:ختك معاجبانيش غمخنزرة وحالتها حاالة
كاميليا:معرفت ليها حتى هي فقصاتني
اميرة شافت فيهم من المراية:قلتو شي حاجة
كاميليا:غير داويين
اميرة:حسابلي معايا
نرجس:نقص شوية لعكر
اميرة:لااا من نيتك
كاميليا:مريضة نت لااا
نرجس:جاني بزاااف
فدوى:هو هداك اصلا نت عروسة اويلي بغيتي وجهك يبان صفر
كاميليا:زيدو زيدو
شعلات الكاميرا وبداو على التصاور والسيلفيات والحالة حتى وصلو تلقات ليهم كنزة
كنزة:هاي هاي تباركالله مشاءالله
كاميليا:كيف جينااا
كنزة:كلكم اتخرجو بالخطاب هاد الليلة
كلهم بداو كضحكو وجراتهم كنزة من الباب لاخر باش ميطلاقاوش مع بنادم مبغاتش يشوفوها دابا الفيلا عامرة غطرطق والجردة كثر حيت هي لدارو فيها الطوابل وهي فين غيديرو الليلة
كنزة:هاهي اتجي عندك النكافة داباااا تعاونك تلبسي
نرجس:ها اويلي تالنكافة كاينة
كنزة باستها:عندنا غير نرجس وحدة وماشي رخيصة علينا وهاد الليلة مغدوزش سااهلة
عنقااتها نرجس وكرزات عليهاااا باستها بحال غتمشي عليها:الله يخليكم ليا ياربي
كنزة:الله يرضي عليك يلااه اماما جلسي هاهي جاية عندك نمشي نشوف داكشي فين وصل
زادت وخلاتها لبنات مشاو يلبسو بوحدهم ناضت مشات حلات البالكو وطلات وهي تشهق وحلات فمها ميمكنش تتشوف بعينيها وتطل على جيهة لاخرة هادشي مشافتوش مين كانت دااخلة ميمكنش هادشي كامل داروه وعلى قبلها هدا راه عرس خخخ الجردة عامرة طوابل ومزوقة كلها بلامبات صغار مع يضلام الحال ايشعلو والديكور كيف داير والورد عجبها ولكن فوقاش قادو هادشي محساتش حتى بتاسمات فرحانة بعائلتها لكبرو بيها فهاد النهار فرحات بزاااف ضارت فاش سمعات الدقان كانت النكافة لاتلبسها وتقاد ليها بتاسمات رحبات بيهاا وبداو جبدات لها التكااشط تختار لبغاات بقات تتشوف حارت بزااف هزات تيليفونها وصوراتهم وسيفطاتهم ليه هو نيشان جاوبها دغيا
نرجس:قولي شمن وحدة
عماد:وزربتي عليا ههه ممم بانتلي ديك البيضة زوينة
نرجس:بصح ايوا صافي هي لغنلبس
عماد:وتكااايسي علياا راه حاس انتصدم
نرجس بدات تضحك سيفطات ليه ايموجي كضحك:هههه ايوا حتى تجي
عماد:انا جاي ههه
سيفطات ليه ايموجي كضحك وخرجات وهزات هاديك لقاليها حطات لعين على وحدة فلغوز بارد ولكن فهاد المناسبة تلبس البيض حسن
نرجس:انلبس هادي
النكافة:مرحبا
خرجات تخليها تلبسها وتعيط ليها حتى سالات مشات طلات عليها:اجي عفاك
دخلات النكاافة بدات تتقاد ليهااا
فلبيت لاخر ديال كاميليا لكانت فيه الروينة الحوايج فجيهة السبابط فجيهة تقول شي قنبولة مفركعة فيه
كاميليا سيفطات ليه ميساج:وقولي كيف جاتني
محمد شاف التصويرة:زوينة كبانلي الليلة انخطب
كاميليا ضحكات:مكرهتش والله
محمد:كلشي بوقتو انشاءالله غير صبري
كاميليا:انا معاك وقتما جيتي غنكون تنتسناك الحب ديالي
محمد:كنبغيك❤
كاميليا:حتى انا احبي يلاه نخليك دابا غنمشي نكمل
طفات طيلي ومشات تتقلب على الصندالة لغتجي معاها وفدوى حدااها تتقلب تاهي العاصفة نايضة دخل عليهم فيديه الكرافاطات
كاميليا:متتعرفش دق ابنادم
آدم:قولو لي شكون اتجي مزيانة
فدوى:حتى وحدة
آدم:كاميليا ختيتو قوليلي اينا وحدة باغي نزل دغيا الدنيا زاهية تيتيز لتحت
فدوى شيرات عليه بالصندالة لكانت غتلبس وهو يخوي ليهاااا
فدوى:اشنووووو
ادم:وصرااااحة بنات خالي مروان زين ولاطاي
فدوى وقفات وشعرها وقف تاهو غطير فييه:يااااك هي ضورتي عينيك مزيااان شهدي اكاميليا رااه غنديرو شي شووهة
آدم قرب ليها:نت هي الحب
فدوى دفعاتو:احيد عليااا سير نت مفيك ثقة
آدم جرها عندو:نت لكاينة اشكيليطة ديالي توحدة متجي فبلاصتك
فدوى:ايوا الله يجعلني نتييق
قرب ليها وطبع قبلة على راسها وهي بتاسمات قربات تتقاد ليه لكرافاطا كاميليا خرجات لبالكو وخلاتهم شد فيها وضورها وهو كشوف فيها كانت لابسة تكيشطة فالمووف فااتح بحجيرات صغاار كبريو من جيهة الكتاف والصدر ماكياج خفيف وشعرها خلاتو بالستيل ديالو لكدير ديما بوكليي:غرقت كتر ما انا غارق فين كان مخبي هاد الزين
فدوى غمزاتو:موجود خاص غير معامن
آدم:تكيفاش معامن هي كاينة الجقلة
فدوى:انا ماشي بحالك كاين غير نت ولكن الله يعميها ليك
آدم:ايوا الله يهدينا على وحدة
فدوى:سير سير
بتاسم وخرج وهي جلسات تتلبس الصندالة وكاميليا رجعات غادية جاية بحال عرض الازياء تحمسات خخخ
فدوى:صوريينيي
خدات كاميليا طيلي وبدات تتصور كل مرة بوزيسيو وكاميليا حتى هي تصورات شوية بداو على سيلفيات خربووها خخخ بالسيف تكاشط ولميكااب غلمبغاش ينشر زينوو مع لبلدي قليل فين كلبسوه
كاميليا تتخنشش فتيليفونها:الانستا دابا
فدوى:وحتى سطوري ديال واتساب نفقصو بنات المدرسة خخخخ
كنزة عاطياها بالضهر تتسد ليها حزام التكشيطة:مبقى والو ويوصلو الناس
خديجة ضارت حتى هي باش تسد ليها:صافي كلشي موجود
كنزة شدات فيها:شكرااا بزااف لهلا يخطييك اخديجة عاونتيني بزااف عقبال لبناتك ياربي
خديجة:متقوليش هكا حنا راه خواتات ونرجس بحال بنتي نجري ففرحها بحال بنااتي مبرووك ليها والله يكمل لفرحة بخير
تعانقو بزوجااات سنين دازت ومزال علاقتهم كيف ماهي خواتات ولكن ماشي من نفس الكرش وناادرا مكتشوف قمة الوفاء والاخلاص بين صحاابااات قليل بزاف فهاد الوقت
خديجة:هادشي كلو فكرني بيك نت كلشي بحال بحال لبارح نت وليوم بنتك
كنزة:الزمن تتعاود
خديجة:ضحكي ونشطي بحال هاد الافراح متتعاودش مرة أخرى متبكيش نرجس حتى هي غيبقى فيها الحال ولعروسة ممزيانش تحزن نهار فرحها
كنزة تنهدات وهي مبتاسمة:ايوا الله يرزقنا الصبر
تشادو وخرجو بزووجات ونزلو كشوفو آخر اللمسات فين وصلات حيت مابقى والو ويبدا الفرح والناس يحضروو
حلات الباب ودخلاات كان مقابل مع المراية كقاد الكرافاط جات وتقابلات معاه وبدات تتقاد ليه وهو كشوف فيها كيف جاات والبلدي واتاها مزياان كانت لابسة تكشيطة فالازرق ملكي منبتة بحجيرات صغاار كبريو من جيهة الكتاف وكلها مطرزة بخيوط ذهبية رقيقة حتى لتحت وصنديلة ديال الطالون شد ليها فيديها وقرب وباسها:جيتي غزالة بزاف
كنزة بتاسمات:يااك ههه
ياسين:نت ديماا زويينة
قربات وعنقاااتو:الله يخليك لينا ياربييي
ياسين:بلا بيك نت مكاين والو
بتاسمات وشدات فيه جراتو ووقفو فالبالكو كشوفو كلشي وجد الجردة قاادوها مزيان بالطوابل بيضين وبالكراسة ديالهم والورد فكل بلاصة عاد خلي غطاو لفوق بحال لباشات شفافين بيضين عاطين ديكور راقي وهاادئ ديكور بسييط ولكن أنيق ومواتي مع حفلة الليلة
ياسين:كلشي هو هدااك
كنزة تتشوف لتحت:مكنتش متوقعة الديكور يطلع هكاا زويين بزااف
ياسين:اه حتى انا عجبني
كنزة:ايوا على حساب هادشي راه درنا عرس
ياسين:هادي غير لبدية مزال العرس ايدار بقواامو
كنزة شافت مبتاسمة وغير بعويناتها تتعبر ليه على الفرحة ديالها والشكر حيت تكلف بكلشيي مخلاش كاع عماد يعطي شي حاجة وحلف عليه ميدير والو بغا هو ليدير كلشي حفلة كبييرة هكااا لبنتو عاد تمشي واخا مزال العرس جااي الا انو بغا كبر بيهاا وبزااف وعلاش لا كيف كقول هو بنتو ومرخيصاش عندو باش يسيفطها غير هكاك
ياسين قرب وهمس ليها:لبارح حنا وليوم بنتنا
كنزة مبتاسمة:عندما يعيد الزمن نفسه
ياسين:بحال غير لبااارح
كنزة:حتى حاجة منسيتهاش كلشي عاقلة عليه بحال دابا نيت حتى حاجة ممختالفة حتى هما دارو حفلة العقد عاد العرس حتى هما فرحو هكااا حتى هما استاذ وتلميذة الزمن عاود راسو بلا حتى شي اختلاااف نهائيا والحمد لله الفرحة لتعاوداات
كنزة:ميمة الله يرحمها هي لتكلفات بكلشي
ياسين:الله يرحمها مسكينة
كنزة:امين يارب
ياسين مد ليها يديه:مشينا
كنزة شدات فيه وهي كضحك:يلاه ههههه
تشادو ونزلو بزوج يرحبو بالناس حيت مابقى والو ويوصلوو
كاميليا:سالاات؟
النكافة:اه دخلو
دخلو عندها بزوجات لقاوها جالسة سالات شافت فيهم وبتاسماات:كيف جيت
فدوى جلسات:واش نت نرجس
كاميليا شدات فيها:جيتي زوينة بزاااف تباركالله احبيبة ديالي
تعانقو بزوجاات وهي تتبارك ليها:مبرووك احبيبة ديالي مبرووك حمدالله لبغيتيه هاهو تحقق
نرجس:حمدالله ياربي شكرا ليكم بزوجاات كنتو معايا من الأول
فدوى عنقاتهم:الحمارة حنا هنا خواتات
نرجس:الله يخليكم لياااا
كاميليا:صوريني صوريني مع ختي حوبي
ناضت فدوى تتصورهم معانقين بزوجات احساس بالاخت عروسة مكاينش بحالو تتفرحي لها بحال فرحانة لرااسك بركو على السيلفيات تاني والهيلالا نايضة لتحت الناس بداو كجيو