تمر ايام رمضان ونفس الروتين مابين تجمعات الاهل والعزايم يوم 16 من رمضان في قصر ياسر....على طاولة الفطور.
ملاك:بابا.
سلمان:وش عندك انتي ماتقولين بابا الا مسويه مصبيه او تبين شي.
ملاك:اقول سلطان ورا ماتربي عيالك وتفهمهم اني عمتهم.
سمر:عيالي متربين الحمدالله.
سلمان(تكلم بسرعه):ترا الفرق بينا سنه بس.
ملاك:سلمانوه يصير تنكتم عشان اتكلم.
سلمان:خذي راحتك بس مردوده على تشويهك لاسمي.
ابو سلطان:انت ورا ماتهجد خلي عمتك تتكلم.
سلمان:ابشر يا جدي غردي يا عمتنا.
ملاك:بابا بنروح المول.
ابوسلطان:انتي ومن ووش عندكم.
ملاك:كلنا بنروح نغير جوا ونشتري ملابس للعيد.
سلمان(بصدمه):افااا يالخونه وانا اخر من يعلم.
نايف:وانت خليت حد يتكلم موب راضي تسكت.
نواف:بالع مسجل.
سلمان:قولوا ماشاءالله.
وليد:على ايش انت ووجهك.
ابوسلطان:يعني كلكم بتروحون.
عبدالرحمن:اي.
ابوسلطان:بطاقاتكم فيها فلوس صح.
الكل عدا وليد:اي.
ابوسلطان:وليد وين راحت فلوسك.
وليد:عزمت اخوياي.
ابوسلطان:عزمتهم بكل الفلوس.
وليد:عاد مشيها لنا يالغالي.
ابو سلطان:امري لله خذ بطاقتي واصرف بالمعقول ولا والله اوريك الوجه الثاني.
وليد:ابشر.
بعد صلاة التراويح الكل مجتمع في بيت ابو فهد بعد ماقسمهم ضاري مجموعات.
ضاري:من ذي اللحظه مانعرف بعض كل مجموعه تمشي لحالها وخالد واصيل وعبدالرحمن وسلمان ومشاري ونواف وسيف كل واحد فيكم مسؤول عن اللي معه والساعه الحين ١١ الساعه ٢ الكل يرجع لسيارته طيب.
الكل:طيب.
افترقوا وكل مجموعه راحت لحالها.
في المول في محل الملابس الرجاليه.
ملاك:خالد لا ذا مو حلو وبعدين ماينفع للعيد.
خالد:مابي حاجه رسميه واصلا العيد بيكون في المزرعه.
ملاك:ادري وبيجون ضيوف لا تستهبل.
احمد:وغير كذا طلعاتك مع اخوياك ولا بتلبس بجامه وتطلع.
رائد كان بعالم ثاني وهو يناظر ملاك وهي تهاوش خالد على الملابس.
خالد(بهمس لرائد):لاتموت علينا ترا مهيب طايره.
رائد(بنفس الهمس):اااخ بس لو تحس فيني.
خالد:اشكر ربك انها معك انا المحترمه اختك موب معي.
رائد(بنص عين):اقول انطم.
ملاك:خااااالد.
خالد:هاه وش فيتس.
ملاك:وع شوهت لهجة خوالي.
خالد:على تراب خوالي كمان.
ملاك:خلونا نغير محل ثاني.
الشباب:يلا.
عمد سيف..
سيف:تدرون احسن شي ماخذين معنا وحده من البنات.
مشعل:اي والله نتمشى براحتنا.
فراس:لو خذوا فارس النفسيه وسلمان عندنا يا اننا بنفلها.
فارس كان مركب السماعه ومعلي الصوت لاخر شي ويمشي وماعليه من احد كملوا لف بالمول بكل اريحيه.
عند اصيل كان يمشي هو واسيل(ووليد ومشاعل ونوره كانوا وراهم وماخلوا اي شي الا طقطقوا عليه).
كملوا طلعتهم وفي كل مجموعه اثنين على الاقل هم اللي يعطون جوا للطلعة.
بعد سهره كانت بالنسبه لهم اكثر من حلوه رجع كل واحد لبيته وهو يادوب يتسحر ويصلي وعلى طول لغرفته.
أنت تقرأ
في عينيكَ عنواني❤.
Actionتتحدث الروايه عن بيت الجد عبدالرحمن واحفاده ابطال روايتي لاتقتصر الروايه على البطل والبطله وانما كل من في الروايه هم ابطالي
