في عينيكَ عنواني❤.

البارت الثامن عشر......

عند خالد كان قاعد في الصاله ودخل عليه سالم..
سالم:سلام.
خالد:........
سالم:السلام لله.
خالد:.........
سالم ضحك:افا ي خالد من اول موقف استسلمت.
خالد:اقول سلوم محد كلمك فخليك بحالك ازين.
سالم بسخريه:توك ماشفت شي يمين بالله لأخليك تتمنى الموت وانت عايش.
خالد ببرود:ماهمني سوي الي تبي تسوي.
سالم:خلك متابع اخبار العائله لاني بقول لهم كل شي.
خالد بنفس البرود:كاهم عندك روح قول لهم.
سالم:اقول صحصح ي خويلد انا سالم مو اي احد.
خالد ابتسم:والله والتراب.
سالم بصدمه:نعم.
خالد:ماتسمع قلت والله والتراب شمتوقع اقول والله والنعم مثل.
سالم بعصبيه:ان......
قاطعه خالد لما رد على جواله ولا كان في احد قاعد يتكلم جنبه:هلا والله بروحي.
وليد:هلا بخويلد اخبارك.
خالد:تمام وانت.
وليد:عال العال اسمع بتجي الإستراحه.
خالد:مدري والله.
وليد:تعال بس انا في البيت بمرك انا ومازن.
خالد:ورائد واكرم وين.
وليد:طلعوا قبل شويه عندهم مشوار بعدين ببرجعون للاستراحة..
خالد:يلا طيب انا بروح بيت عمي صالح وانت تعال لهناك.
وليد بسرعه:والله ما اجي لهناك لو تموت.
خالد ضحك:افاا عقدوك ي ولد العم.
وليد:ما كفاك التهزيئ الي خذيته الصباح تبي جرعه ثانيه انت.
خالد تنحنح:عاد انا خالد انا غير.
سالم بصوت عالي:والله والتراب.
وليد بستغراب:وش فيه ذا.
خالد ضحك:يبي يردها لي لانه اول قال انه سالم قلت والله والتراب.
وليد ضحك:الله يقطع ابليسك عندي خبر صادم.
خالد:هات الي عندك خلاص انا صرت ضد الصدمات.
وليد:الوالده تقبلت مازن.
خالد بصدمه:احلف.
وليد ضحك:والله.
خالد بفرح:ي عمري مازن اكيد فرحان.
وليد:اي والله من اول وهو يدور في البيت تقل مقروص.
سالم:اقول اتمرجل اول ي هلا بروحي والحين ي عمري.
خالد لف له:انت وش دخلك وش الي حارق قلبك.
سالم:لا تشوه عائلتنا بس.
خالد:اقول توكل بس لا تتميرض عليا.
وليد باحتقار لسالم:وش فيه المريض ذا.
خالد:يعني بالله ما تعرفه هذا لو ما تهاوش مع احد عادي عنده يتهاوش مع نفسه اهم شي ما يجلس بدون هواش.
سالم وهو يمشي:عد للثلاثه تلاقي امي عندك تعلمك الادب.
خالد:عساك على القوه.
وليد:تدري اني ما اطيقه.
خالد:ماعليك هو تجيه فصلات كذا.
وليد:كان وش زينه اول ما جى.
خالد:خلاص تمسكن لين تمكن.
وليد:وربي قالتها جود وحاسه ان وراه شي.
خالد ابتسم:قول لها احساسها صح.
وليد:المهم مثل ما قلت لك.
خالد:طيب انا بروح اشوف خواتي وانت لما تجهزو دق عليا وبطلع لك.
وليد:طيب مع السلامه.
خالد:في امان الله.
سكر منه ووقف يعدل ثوبه على دخلت امه.
ام خالد:خويلدوه وين رايح.
خالد:هلا هلا يالغاليه رايح بيت عمي بشوف خواتي بعدين برجع الإستراحه عند الشباب.
ام خالد:اي طيب وصلني خبر انك تهاوشت مع سالم اخوك.
خالد:افا يمه حنا نتهاوش واذا تهاوشنا عادي ترا في النهايه اخوان نرجع لبعض.
ام خالد:اي احسب.
خالد:يلا تبين شي.
ام خالد:سلامتك انتبه ي يمه و.......
قاطعها خالد:وخلي علاج الربو قريب منك واشرب علاج السكر ولا تعصب على اي شي واي مكان في زحمه او دخان لا تجيه.
ام خالد ضحكت:اهم شي حافظ التعليمات.
خالد ابتسم:اي ما عليك يلا مع السلامه....وباس راسها وطلع تحت انظار سالم الي لو كانت تحرق كان حرقت خالد.