في عينيكَ عنواني❤.

البارت الحادي عشر.....

الشباب بصوت واحد:كلنا.
طلعوا الشباب وقعدوا في الجلسات الي في المزرعه.
عزوز بضيق:شباب واحد يدخل يجيب القهوه.
ضاري:رح انت موب ابوي قالك.
عزوز:اي قال لي بس ما ابي ادخل.
مشعل وقف خلاص انا بروح.
رائد:بسرعه لا تتأخر.
مشعل وهو يمشي:طيب....اتجه للمطبخ ونادا بصوت مرتفع:خاله(طبعا هو ومشاري متعودين ينادوها خاله لانها خالة اخوانهم).
منى طلعت له:ي هلا.
مشعل بهدوء:القهوه.
منى:مشعل فيك شي.
مشعل بنفس الهدوء:لا بس جيبوا القهوه الرجال ينتظرون.
منى عطته القهوه واتجه للرجال وعطاهم ورجع للشباب.
خالد:من جابها لك.
مشعل:خالتي منى.
راشد:نبي نغير جو.
ماجد:صقير جب العود من السياره.
راح صقر جابه وقعد:يلا وش تبون.
ناصر:غني عربي مانبي من حقك الأجنبي.
صقر:طيب وش اغني.
وليد:اي شي.
صقر:واحد منكم يغني معي.
خالد:والله حنا الثلاثه مافينا طاقه ابد(الثلاثه هو ووليد ورائد الي  اصواتهم تجنن وصقر احلى صوت فيهم بسبب البحه الي في صوته).
صقر بتفكير:طيب لقيتها..تنحنح وبدأ يغني بأحساس وإتقان.......
         ي حبيبٍ مايجي وينه عني قاطع بي مواصيله
               ليه ما يرحم محبينه والغلا مافيه
ابد حيله ارجع ارجع والفرح حينه يوم تأتيني مراسيله. 
        زين طاري الحب ي زينه ي يجيني يا انا اجيله لبى قلبه لبى عينه لبى قده وكل ميله كل يوم  يزيد حبه وكل يوم ما اقول وينه هو وينه بس وينه ادعي الله كل ليله دايم ابقى دوم قربه وتهتني عيني بعينه....
   ي خفيف الدم والطينه طيفك اللي امس شحليله زارني والشوق في عينه عقب ذا ما نمت لي ليله شين حمس البعد ي شينه وزين كيف القرب مع هيله ي عنب ي توت ي تينه سيد كل الحسن في جيله لبى قلبه لبى عينه لبى  قده وكل ميله كل يوم يزيد حبه وكل يوم ما اقول وينه  هو وينه بس وينه ادعي الله كل ليله دايم ابقى دوم.  قربه وتهتني عيني بعينه....حبه صابه في رجا لينه احب. صامته واحتري قيله  إكرمه يالله لا تهينه فاهمٍ من غير ما احكي له بيني انا وبين ما بينه حبه غير و صعبه تأويله كيمياءِ الذوق في جينه يا يجيني يا انا اجيله لبى قلبه لبى عينه لبى قده وكل ميله كل يوم يزيد حبه وكل يوم ما اقول وينه هو وينه بس وينه ادعي الله كل ليله دايم ابقى دوم قربه وتهتني عيني بعينه....

تعالت اصوات الشباب بالتصفير والتصفيق.
رائد:حركات ي ولد عبدالله صوتك حلو.
صقر:من زمان حلو.
وليد:لا تغتر بس.
مازن:شباب ابي انام.
نايف:وش تنام توه ما اذن المغرب حتى.
مازن:كله من جدي كرفنا اليوم كرف.
عبدالرحمن:ازين.
نواف:الحين حنا بنقعد كذا بدون البنات انتوا والله جوكم يجيب المرض.
إبراهيم بحده:ما نبي ولا وحده فيهن.
سالم سلطان:طيب يلا جيبوا شي نسويه.
مازن:عندي لعبه.
الكل:الي هي.
مازن:لعبة النوم يعني الي ينام اول هو الفايز.
سيف رفسه:انخمد بس.

عند البنات...
نوره بصدمه:شف الكلاب مجتمعين ويغنون وما نادونا.
ملاك:ناكرين للمعروف.
منى:انتو هيه وش ذا التناقض قبل لساعه هم ما يستحون وهم وهم ومدري وش والحين تبونهم ينادونكم.
شهد وقفت:انا عن نفسي بنزل لهم ما اقدر اقعد هنا ابي فله.
ملاك:وانا معك.
نزلوا شهد وملاك وكل البنات لحقوهم..وصلوا عند الشباب.
شهد:وش ذي الخيانه مجتمعين بدونا.
الشباب:.........
ملاك:سلامات ليه ما تردون.
خالد بحده:شتبون ليه جايات.
مشاعل:جينا نقعد ي الخاين انت وهو ولا واحد نادانا.
رائد:كيفنا ما نبي نحتك مع بنات عندكم اعتراض.
دعاء:الله الله من متى.
عزوز:من اليوم.
وليد:والحين يلا مانبي نقعد مع بنات.
مازن:ف لوسمحتوا اتركونا لحالنا.
شيماء:سلامات وش فيكم انتو.
فراس:ولاشي الي عندنا قلناه.
ملاك وقفت:اوك براحتكم مشينا بنات.
شهد:اذا زعلناكم بدون علمنا اسفين.
وخلوهم وراحوا.
ضاري:مو كأنكم قسيتوا عليهن شوي.
عتيق:ماقسينا ولاشي.
خالد:تدرون وش اكتشفت.
الشباب:وش.
خالد:بتبدأ اول مباراة لكأس العالم بنفس يوم زواج رسيل.
وليد بإحباط:لاااا.
خالد:اي والله.
رائد:من بيشجع الارجنتين.
الشباب كلهم عدا خالد ووليد:انا طبعا.
ابراهيم:خالد ووليد من تشجعون.
خالد ووليد:اكيد البرتغال.
عبدالرحمن:توقعات الفيفا تقول ان الي بتفوز بالكأس الارجنتين.
صقر:ي ربي توقعات الفيفا تخوف كل ما توقعوا فريق فاز هو.
سيف:وحنا وش ورانا نشجع ونشوف الفايز.