في عينيكَ عنواني❤.

البارت الرابع.........

الدكتور:تو نقلوه شباب للمستشفى.
فهد بخوف:كيفه طيب وش صار له.
الدكتور:انا اسف سوينا الي علينا بس المريض دخل في غيبوبه.
فهد بصدمه اكبر:غيبوبه؟!.
الدكتور:اي للأسف محد كان يدري ان فيه سكر وربو وزاد المخدر واثر عليه بقوه.
فهد عصب:نععععم!وش الي زاد المخدر تلعبون انتو زاد المخدر نقص المخدر.
الدكتور:دكتور فهد اهدأ شويه حنا مالنا دخلنا سوينا كل الي طلع بيدنا.
فهد:كم بتستمرغيبوبته.
الدكتور:في حالته هذه الفتره موب معروفه.
فهد:خلك عنده انا جاي مسافة الطريق.
الدكتور:ابشر.
سكر فهد وهو يشوف الكل مصدوم.
فهد:لاحول ولاقوة الا بالله.
وليد انهار على طول وركض الكل له.
فهد:وليد وليد لا لا موب وقت الضعف خالد محتاجنا.
عبدالرحمن:خلك قوي عشان خالد.
وليد:كيف كيف صار له كذا كيف.
سلطان حضنه:قضاء وقدر بيقوم ان شاءالله ادعي له.
وليد بصراخ:،شلون شلون تبوني أهدأ واصبر هذا خالد تعرفون وش يعني خالد انا اموت لو صار له شي فهد تكفى طلبتك لا يصير له شي تكفى ي فهد.
رائد سحبه من سلطان وحضنه:وليد مايصير كذا ي حبيبي امسك نفسك تقّوى.
وليد شد عليه:رائد خالد مابيصير له شي صح.
رائد بصوت رايح:مابيصير شي لازم نكون جنبه تكفى ي وليد لا تنهار وتخليني لحالي.
عند الحريم الي سمعوا كل شي.
ام خالد تبكي:يمه ولدي يمه لا لايصير له شي توه شباب توه صغير.
ام ريان:مابيصير شي ان شاءالله لا تفاولين عليه.
ام فهد:خالد قوي وما رح يستسلم للمرض.
ام سلطان:قومي ي اختي اذكري الله وقومي خل نروح له.
بعد عناء قامت ام خالد وابو خالد ارتفع ضغطه واسعفوه المستشفى...

في المستشفى...في غرفة خالد.
.........:انت الي اجبرتني اسوي كذا كنت مرتاح وانت بين اهلك الي هم اهل بالاسم فقط تستاهل الي يصير فيك وال بيصير فيك.

في الطوارئ اخذ فهد عمه ابوخالد وراح يعالجه ووليد رجع ينهار ورائد وسيف يهدونه وام سلطان تهدي ام خالد والحال نفسه في المزرعه كان الكل منهار بشكل فضيع وبالاخص شهد.
شمياء(حضنتها): شهد خلاص كلنا منهارين بس لازم نقوى عشان خالد.
شهد (تبكي): كله من سيف الله لا يعطيه عافيه.
ريم(تبكي وقالت بحده): احترمي نفسك ما احنا ناقصينك انتي بعد.
شهد(بحده اكثره): خالد في غيبوبه بسببه.
ريم جت بترد بس انهت الكلام اسيل وهي تقول:موب وقت الكلام ذا انتي وهي والولد الله يعلم بحاله ادعوا له وبلاش الكلام الي ما منه فايده
كانت مهمه اسيل ورسيل ونور يهدون الوضع عندهم.

في المستشفى...
فهد:دكتور كيف وضع خالد.
الدكتور:والله حاله مايسرك ابد.
فهد:وشفيه طيب.
الدكتور:والله انت عارف وضعه فيه الربو والسكر وهو اصلا مهمل نفسه زياده عن اللزوم وحبوب السكر ما كان ياخذها ولا الابر والسكر عنده مرتفع من غير شي وهو ماياخذ العلاج.
فهد:انت كنت داري.
الدكتور:اي اصلا انا كنت المشرف على حالته.
فهد بعصبيه:وليه ماقلت لي ليييه.
الدكتور باستفزاز:اسرار المريض مااقدر اقول الا برضاه.
فهد مسكه من ذراعه:قسم بالله لو ماتلزم حدودك ليكون اخر يوم لك في المستشفى.
الدكتور زاد استفزاز:انا عارف شغلي وعارف وش اسوي ووش علي ووش لي.
فهد دفه وطلع قبل يذبحه واتجه لعمه.
ابوخالد:ها ي فهد طمني كيف خالد.
فهد بحزن:والله ي عمي مادري وش اقول لك بس وضعه صعب.
ام خالد طاحت تبكي:تكفى ي ولدي بشوفه.
فهد اسرع يمسكها:اهدي ي عمه واذكري الله.
ام خالد:بشوفه بشوف ولدي.
فهد:مااقدر اخليك تشوفينه هو في العنايه ممنوع.
وليد منهار:المستشفى حققك وش الي ممنوع.
فهد:وليد واذا المستشفى حقي القوانين كذا وبعدين ازين لكم وله ماتدخلون الحين.