هاي واخيرا رجعت بعد غياب طويل اليوم خلصت اختبارات وخلاص ان شاءالله ماعد بكون اسحب وبنزل كل اسبوع بارت وان شاءالله البارت يكون طويل طبعا موعد التنزيل بيكون كل جمعه....المهم ما اطول عليكم واخليكم مع ابطالكم الي اشتقتوا لهم....
عند الرجال كانوا قاعدين يتقهوون والحريم والبنات يجهزون الاغراض.
الجد:اجل بكره الصباح يروحون المستشفى.
رائد بحماس:لو تبي الحين ي جدي نروح.
نايف بنص عين:الثقل زين وانا اخوك.
رائد:ضروي متى بتزوج عيال اخوانك بيتزوجون وانت توك.
ضاري ارتبك:ها اي انا ما افكر بالزواج الحين.
ابوخالد:ليه وش ناقصك عشان ماتزوج.
ضاري بعصبيه:مابي كيفي وقت ما ابي اتزوج بتزوج.
ابوفهد:شوي شوي لا تموت علينا.
وليد:الحين متى بنمشي.
الجد:بعد صلاة المغرب على طول.
مشعل:والي مايبي يرجع.
الجد:يرجع غصبا عليه.
مشعل:كذا نظامكم اجل.
الجد:عندك اعتراض.
مشعل:حاشا وكلا انا اعترض على كلامك ي سيدي.
الجد:والله ان ودي امسك واكفخك لين تقول امين.
مشعل يسوي نفسه مصدوم:انااا.
الجد:اي انت.
مشعل بزعل مصطنع:ترا زعلت.
الجد:عندك جدران كثير اختار الي يعجبك وطق راسك فيه.
وليد ضحك:احتفظ بالكرامه الباقيه ي ولد العمه.
مشعل:والله انتوا عائله ماتتعاشر.
ابوريان:نعم وش قلت.
مشعل:اقول انتو على عيني ورأسي ي ازين عائله.
فراس:ناس ماتجي الا بالعين الحمراء.
عند البنات.
شهد جلست بتعب:اففف واخيرا كملنا.
ساره:الي يشوف شناطنا يقول عايشين في المزرعه.
مشاعل:ونص الملابس ما لبسناها.
نور بتفكير:ملاك الحين لاتزوجتي ما بتقعدين معنا.
ملاك باستغراب:وليه إن شاءالله.
نور:لا قصدي رائد مارح يمنعك تقعدين مع الشباب وكذا.
ملاك بثقه:طبعا لا.
ريم:العب وش الثقه ذي.
ملاك:اول شي حنا اتفقنا على ذا الموضوع وبعدين اذا منعني لا تنسين ان هو بيكون يقعد معكم وانا بمنعه وتخيلوا نجتمع كلنا وانتوا تقعدون مع بعض الا حنا والسبب كل واحد مانع الثاني.
ميلا:ي عيني على التفاهم.
اسيل:بنات خلونا ناخذ لفه على المزرعه قبل نرجع.
البنات بصوت واحد:طيب.
عند الشباب.
سالم سلطان:والله ما ودي نرجع.
إبراهيم:ي غبي بيكون ازين اذا رجعنا ولا تنسى خالتي بتجي واهل اصيل يعني بيكون الجو فله.
فراس:وعع بتجي بنت خالتك الغثيثه.
خالد بنص عين:والله انت الغثيث ناشب لها وتقول هي الغثيثه.
فراس:محد طلب شهادتك استاذ خالد.
خالد بسخريه:ونعم التربيه والله.
فراس رفسه بخفه:لا تفلمها عاد.
وليد:الحين كأس العالم بيبدأ بيوم زواج رسيل وتبون نسافر بعد الزواج على طول كيف بنشوف المباريات.
مازن بحماس:ليه مانروح قطر ونحضر هناك.
سيف:وين تروح انت الثاني البنات معنا.
صقر:صدقني لو يوصل لهم خبر انكم بتروحون بدونهم اقرو على نفسكم الفاتحه يااخواني متعصبات على المباريات اكثر منا.
رائد:اصلا ماينفع نروح معهن قروشه على الفاضي نشوفها كلنا في البيت ازين.
خالد:نروح مباريات الارجنتين والبرتغال بس.
سالم محمد:وشوله التكاليف ذي بنسافر قطر ودوله ثانيه ليه الخساير.
إبراهيم:وانت وش حارق قلبك هي مره في حياتنا بنسافر كذا.
فراس:تو ما خذنا الموافقه وانتو تتهاوشون على الدوله.
عبدالرحمن:انا اقول سكروا الموضوع مانبي نتحمس في النهايه ما يخلونا.
عزوز:غريبه الجن وينهن اليوم.
البنات بصوت واحد:هااااي.
سالم سلطان دف عزوز:ليتك ذاكر مليون ازين.
دعاء:اعترفوا تحشون علينا صح.
ماجد:من زينكم عاد.
دعاء تتأففت:لا حول انت من مسلطك عليا.
ماجد باستفزاز:والله عاد كيفي مارتاح الا لما احارشك.
سلمان:لا إله إلا الله وش ذي العائله الي كلً ماسك الثاني محارشه.
صقر:شفت كيف كلهم ما يرتاحون الا لما يحارشون.
سليمان:عاد انت اخر واحد تتكلم انت ماسك الكل محارشه.
صقر يتصنع البراءه:اناااا.
سليمان:ايه انت.
وليد:ي ناس ودي ابني لنا بيت.
الكل بعدم استيعاب:وشو.
وليد بحماس:جد والله ابي ابني لنا بيت لما نجتمع وكذا نروح هناك ونقعد براحتنا.
اصيل:من جدك انت.
ناصر:لااااا شكل ولد العمه انجن.
رائد:والله انها فكره حلوه.
خالد بنص عين:اقول انطم انت وهو لا تخربون علينا السفره لما نرجع نفكر في ذا الموضوع.
وليد والحماس عنده الف:لا تفكرون ولا شي انا مصمم بسوي بيت يعني بسوي بيت.
راشد:وايه اخ وليد من وين لك فلوس.
وليد هجد:احححح نسيت والله.
الفيصل:على بالك بيسون لك ابوك واعمامك.
ملاك:خلاص لا تتهاوشون نسوي بيت لعيالنا.
وليد:ي حليلكِ وانتي ساكته.
شهد رفعت حاجب:ليه إن شاءالله لا يكون ما عجبك رأيها.
وليد:اعوذ بالله اكيد عجبني.
شهد:ايه احسب.
وليد:لا تحسبين ولا شي.
نور بغباء:انا قررت ابيع كليتي.
راكان بصدمه:سلامات الاخت وش ماكله.
نور:خلاص قررت ومستحيل اغير رأي.
مازن:مافيه تراجع.
نور:لا.
مازن:ابد.
نور:ابد انسى.
خالد:بالله خذي كليتي معك وبيعيها.
وليد:وجيبوا الفلوس لي ابني لكم البيت.
نور:لا بيع كليتك ليه حنا بس نبيع وانت لا.
ضاري:اقول عن الهبل انت وهي اعقلوا واحمدو ربكم على النعمه الي انتو عايشين فيها.
خالد:الحمدلله ما قلنا شي بس.....
قاطعه ضاري:لا بس ولاشي والحين يلا قوموا باقي ربع ساعه ونمشي.
قام الكل البنات يجهزون والشباب يطلعون الشنط ويجهزون السيارات ورجع الكل وبيت الجد ابو يوسف رجعوا للديره عشان في اشياء ناقصتهم وكانت افضل ايام بالنسبه لهم.
أنت تقرأ
في عينيكَ عنواني❤.
Acciónتتحدث الروايه عن بيت الجد عبدالرحمن واحفاده ابطال روايتي لاتقتصر الروايه على البطل والبطله وانما كل من في الروايه هم ابطالي
