في عينيكَ عنواني❤.

البارت الثالث عشر......

عبدالرحمن:ترا مو وقت دلع كلي وانتي ساكته.
ساره:والله ي حبيبي ماهو على كيفك طيب.
عبدالرحمن:والله ي حبيبتي لو ماتنطمين.
عزوز:ساره تبين تاكلين كلي ماتبين قومي.
ساره وقفت:اصلا محد يبي يقعد معكم.
مازن:وين رايحه.
ساره:مالك شغل.
وليد:اقول انثبري بس.
ساره:خير اشوف زاد تحكمكم فيني.
ناصر:معليه اعذريهم الي كانوا يتحكمون فيها تزوجت.
ساره:مالهم شغل فيني.
نايف:عمانك ي وسخه.
ساره:للأسف.
جود:حتى انا بجي معك.
نواف:سلامات.
جود:وش نقعد نسوي جبتونا هنا ليه.
عتيق:خلاص روحوا بسرعه ولا تتأخرون عشان نرجع للفندق.
دعاء:طيب طيب.
بعد ماراحوا.
وليد:ي زين القعده بدون بنات.
عبدالرحمن:يوم ان جدي ما تركهن يجن معنا اشوف كل واحد قام يصارخ وظلم وما ظلم.
الفيصل:وانت صدقته ماتحلى قعدتهم الا مع البنات تقول أكسجين لهم.
مازن:مسوي طالع منها.
الفيصل:اتحداك تنكر انا لو هن موجودات ما تكلمت اصلا الا كم كلمه.
سالم:كيف تقدر بالله.
الفيصل:الثقل وانا اخوك.
نواف:شرايكم نرجعهن بيت جدي ونروح حنا فندق.
مازن:ماتحس انك بقرارك ذا جبت اخرتك.
نواف:لا نوقف كلنا كلمه وحده وخلاص.
عبدالرحمن:ازين.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
شريان:خويلد.
خالد:شتبي.
شريان:الناس تقول لبيه تقول هلا تقول سم طال عمرك تقول أمر اضعف الايمان تقول اسلم.
خالد:كيفي شتبي.
شريان:تدري وش ابي.
خالد:وش.
شريان:ابي امسك اخوك سويلم وامسح فيه الارض.
خالد:ليه.
شريان:انت شايف وجهك انت شايف كيف قاعد تسلك لنا وحتى يمكن قاعد تسلك لنفسك.
خالد تنهد وسكت.
شريان بتسأل:ماسك عليك شي.
خالد بسرعه:لا.
شريان:اجل ليه ساكت له ليه ما توقفه عند حده.
خالد بكذب:اخوي الكبير ماقدر.
شريان:عيني بعينك اشوف اخوك الكبير اجل انت عمك ضاري ماتحترمه بتقنعني انك ساكت بإسم انه اخوك الكبير.
خالد عدل جلسته:في خاطري كلام ودي اقوله ولاني بقادرٍ اكتمه ازيد من كذا.
شريان:قول كل الي في خاطرك وانا محزمك وانت تدري بذا الشي.
خالد:توعدني ماتغير نظرتك لي.
شريان:افا ي بو وليد قول وش الي شاغل بالك.
خالد بتردد وبسرعه:انا..انا ماعرف اهلي.
شريان بصدمه:تستهبل والي عايش معهم من هم.
خالد غمض عينه:ماني ولدهم.
شريان لازال مصدوم:ولد حبه حبه عشان افهم.
خالد:كل الي اعرفه اني غلطه بين ناس ماتعرف الرحمه ولا الشفقه.
شريان:خويلد تكفى اذا تمزح ترا مو وقته.
خالد بأسف:ليتني امزح والله ليتني.
شريان:ووين اهلك.
خالد:انا لو ادري وينهم مااجلس هنا.
شريان:ومن متى تعرف.
خالد:من يوم كان عمري ١٠ سنوات.
شريان:محد يعرف غيرك انت وامك وابوك.
خالد:وسالم التبن.
شريان:وهو مهددك يقول للعائله.
خالد:اي.
شريان:والله مدري وش اقول انا للحين ما استوعبت الموضوع.
خالد بندم:كان المفروض ما تكلم بس مدري وش الي صار لي.
شريان:تبي شوري.
خالد:ما فتحت الموضوع الا اني ابي شورك.
شريان:خلك ساكت ولا تكلم ولا تجيب لحد طاري عن الموضوع لان مايحتاج اقول لك عن العواقب.
خالد:بس انا مابي اتزوج شهد وهم مايدرون من انا.
شريان:خالد فكر بعقل لو درو قبل ما تتزوج شهد صدقني مانت بطايلها طول عمرك.
خالد:وش الفرق درو الحين ولا بعدين مارح يزوجوني هي.
شريان:خلي كل شي على ربك صدقني في النهايه رح يرضيك ربي الله يمهل ولا يهمل.
خالد:ونعم بالله.
شريان مسك كتفه:لو تكون مين ماكنت تأكد انك رح تضل خالد حبيب الكل.
خالد:تدري ردت فعلك طمنتني ماكنت اتوقعها كذا.
شريان ابتسم:صدقني لاني للحين مو مستوعب ولا شي خلني اجمع افكاري وبعدين بتشوف ردت فعلي.
خالد بتوتر:وش النبره ذي ووش الكلام ذا ترا وترتني.
شريان ضحك:امزح معك بغير المود وكذا.
خالد:ي شيخ بغيت توقف قلبي.
شريان:المهم ارجع خالد الاول وماعليك من سويلم.
خالد:ان شاءالله بحاول ارجع اما سويلم عايش معي وقدام وجهي ماقدر اتجاهله.
شريان تنهد:الله يعينك ي اخوي.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رائد:ملاك شوفي لا تخليني اعصب.
ملاك:عصب ي روحي عصب.
رائد:بنت.
ملاك:ولد.
رائد:بس عاد لا تعاندين.
ملاك:شتبي انت الحين.
رائد:الزواج بعد شهر.
ملاك:ماتبيه مع زواج رسيل ي قلبي.
رائد بتفكير:اي حلو خلاص تم.
ملاك:ي شيخ طير بس.
رائد:لا جد ملاك والله ماعد اقدر اصبر خلاص مليت.
ملاك:والله لو تموت مارحت لابوي وقلت له غيرنا موعد الزواج.
رائد:انا بروح له.
ملاك:كيفك روح.
رائد:يعني موافقه.
ملاك:لا.
رائد بعصبيه:تلعبين عليا انتي.
ملاك:ولد خذ الموضوع بكل اريحيه خلنا نتناقش.
رائد:قسم بالله ي بنت ياسر لو ما تعقلين.
ملاك:وش بتسوي.
رائد:ولاشي بس صبري شهر واحد ونشوف من رح يفكك مني.
ملاك مشت:يصير خير.
رائد لحقها:خير تمشين وتتركيني وراك رجل كرسي انا.
ملاك:اي.
رائد:عز الله رحت فيها متزوج بزر انا.
ملاك:خف علينا على كبرك ي شيخ.
رائد:المهم اكبر منك.
ملاك:امش وانت ساكت بس.
رائد:على امرك عمتي.
ملاك:رائد.
رائد:هممم.
ملاك وهي تناظر لبرا المول:شرايك بما اني زوجتك وبصير ام عيالك و...
قاطعها رائد:اخلصي وش تبين.
ملاك:ابي اروح السوبرماركت الي جنب المول.
رائد:ليه.
ملاك:بتصور وارجع تستهبل انت ليه بروح يعني.
رائد:اعوذ بالله من لسانك ومن بيدفع لك.
ملاك مسكت يده:زوجي حبيبي.
رائد:ابوك ي المصلحه الحين صرت زوجك وحبيبك.
ملاك:اصلا انت من زمان زوجي وحبيبي.
رائد:اقول امشي لاخوانك بس.
ملاك:تكفى.
رائد:مافيه.
ملاك:رائد.
رائد:عيونه.
ملاك:يلا بليز.
رائد:لا يعني لا.
ملاك:مافيه امل.
رائد:ابد.
ملاك فكت يده:عادي اصلا مابي شي منك.
رائد ابتسم:طيب امشي.
مشت ملاك وهي متنرفزه من رائد الي ماخذ الموضوع عناد اما رائد كان مبتسم لانه ناوي يرفع ضغطها وفي الاخير اكيد بيجيب لها الي تبيه.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
احمد:انت هي متى زواج اختك ملينا ترا.
مشعل:وانت شدخلك تمل لا انت اخوها ولا زوجها.
احمد:محد سألك انت.
مشعل:كل تبن.
اصيل:يعني الحين صابر كل ذي المُده مو قادر تصبر يومين.
راكان:متى اهلك ناوين يجون.
اصيل:بيوصلون اليوم بالليل.
ضاري:اسكت انت وهو جايين هنا تتعرفون على بعض.
احمد:ذولا ليه طولوا ترا كله توقيع وخلصنا.
ضاري:وجع اسكت.
عزام قعد جنبه:والله حتى انا تعبت مو بس انتوا.
مشاري:عزام كم عمرك.
عزام:23.
فراس:الحين انا بصير اقول لك خال.
عزام:ليه.
فراس:بما ان ابوي تزوج اختك فيعني من باب الاحترام وكذا.
عزام:لا تحترمني ولا تقول لي.
فراس:جوي والله اهم شي مافيه احترام في الموضوع.
ضاري:اي جوك قلة الأدب انت.
فراس:جدي ضاري ممكن ما تتدخل.
ضاري بصدمه:وجع اي والله وجع جد بعينك ي حيوان.
فراس:انا اول مره اشوف جد يغلط على حفيده قدام الرجاجيل.
ضاري بعصبيه مكتومه:قوم اذلف من قدامي.
فراس:صرنا في زمن الحق يزعل.
ضاري بصبر:ي رب صبرك.
عجاج:انت هي اختي تحطها بعيونك مع اني ماكنت موافق بس الشكوى لله.
ريان:لا تخاف اختك بعيوني ودامها في بيتي ما تمسها مضره ولا تنهان وانا ابوفارس اما بالنسبه لموافقتك محد طالبها ولا احد بماخذاً شورك.
عجاج:لا تفلها ها انا اليوم ساكت عشان اختي وعشان توك معرس.
ريان بتسليك:طيب روح شوف الطريق بدخل لها.
عجاج وقف:انثبر هنا لين ارجع.
ريان:ي ليل المبزره اخلص عليا.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ميلا:دلال ترا اخوي ما يخوف.
دلال بفشله:ادري بس خايفه.
ريم:شوفي هو في بعض الأوقات يخوف فانتبهي على نفسك.
ميلا:لا يسمعك بس.
ريم:وهذا الصدق.
دلال بقلق:ميلا صدق يخوف.
ميلا:ماعليك منها تمزح.
دلال بتردد:وزوجته.
ريم:الله لا وراك زوجته نسره ومستفزه وعصبيه وعندها كل شي الا الي يمس كرامتها او يقرب على ريان.
دلال بصدمه:تستهبلين انتي ريان قال انها موافقه.
ريم:اي ي حظي موافقه عشان تعزر فيك.
ميلا:وجع ي ثوله لا تخوفين البنت وتخلينها تصدق دلال حبيبتي اختي كذا ثقيلة دم مالك شغل فيها اما بخصوص منيره والله انها حليله ومسكينه وطيبه وموافقه على زواجكم ومستعده تهتم بتالا اختك في فتره شهركم.
دلال:متأكده.
ميلا:وابصم بالعشره بعد.
دلال:والخبله ذي وش له تمزح كذا.
ريم:بغير الجو وكذا.
دلال رمت عليها المخده:محد يغير الجو كذا.
عجاج من الباب:احم دلال.
دلال فزت وقالت بتوتر:وش.
عجاج:تعالي للمجلس زوجك هناك.
دلال بسرعه:مابي خلاص.
عجاج بصدمه:خير.
دلال:مابي قول له يطلقني.
عجاج:بالله الي عندها تغطن بدخل اتفاهم مع الغبيه ذي.
ريم:اقول اذلف للمجلس شوي وتجي.
عجاج:وجع سلامات تراني كبر اخوك ي وسخه شوية إحترام.
ريم:بصفتك مين.
عجاج:بصفتي ان اخوك اخو دنيا وبعدين نسينا من كان يأكلك وانتي صغيره وكم مره نيمتك فعدلي لسانك معي.
ريم بصدمه:تخسي تسوي لي ذا.
عجاج:اقول لا يكثر وانتي هي تراني عند الباب اطلعي بسرعه.
ميلا بصوت واطي:دلال سمي بالله وروحي هو يبي يشوفك بس ويتكلم معك.
دلال:تهقين.
ميلا:لا تصيرين غبيه وش بيسوي يعني غير انه بيتكلم معك ويشوفك.
دلال وقفت:بسم الله.
ريم:ترجعي بالسلامه.
دلال:انطمي انتي.
طلعت دلال لعجاج الي هواشها على التأخير واتجهوا للمجلس ودلال الي مارضت تدخل الا بعد ي شاهدين اشهدوا دخلها ورجع للرجال.
ريان وقف:تعالي لا تخافين.
تقدمت دلال وعيونها في الأرض وهي شاده على يدها.
ريان مسك يدها وقعد وقعدها جنبه.
ريان:كيفك.
دلال:..........
ريان تنهد:دلال شوفي انا مارح اكذب عليك بقول لك كل شي عشان تكونين على علم.
دلال رفعت عيونها له تنتظره يكمل.
ريان كمل:انا طبعا ماكنت ناوي اتزوج على منيره بس الظروف والقدر حدوني على ذا الزواج وماهو تقليل من قيمتك لا والله انك على العين والراس وانا خليت الزواج بعد ثلاث اشهر عشان نتعود على بعض اكثر واكثر واذا كنتي خايفه من منيره اتوقع ان خواتي قالوا لك عنها وعيالي لا تشيلين هم ماهم حول المشاكل ومتحمسين لجيتك وبالنسبه لتالا فهي بنتي قبل تكون اخت زوجتي وخليكي متأكده اني رح اكون لها اب قبل الاخ ودامك في بيتي وعلى ذمتي والله ماتنزل منك دمعه بسببي ولا تنهانين وانتي تحت ظلي وحمايتي..
سكت شويه ينتظر منها رد وبعد ثواني اردفت:انت كذا دايم طيب.
ريان بفهاوه:ها.
دلال بصوت خافت:انت كذا دايم طيب.
ريان ابتسم وغمز لها:ترا ذا ولا شي من طيبتي.
دلال:وانا اوعدك اذا فعلا طبقت الكلام الي قلته صدقني ماتشوف مني شي يزعلك وكل الي تبيه على خشمي وتبشر به.
ريان:افا عليك انا قلت كلمه وكلمة الرجال ماتثنى.
دلال ابتسمت له:خلاص بطلع.
ريان وقف:حتى انا بطلع.
طلعت دلال وهي شبه مرتاحه بعد كلام ريان لها اما ريان اتجه للمجلس.
فراس:وين كنت يبه.
ريان:مو شغلك.
فراس:يبه مو قدام الناس طيب.
فارس:يبه تكفى جيب لنا تالا.
ريان:اي والله حتى انا ابيها عجاج روح جبها.
عجاج:مارح اروح.
ريان:عنك مارحت بدخل انا.
عجاج وقف:خير وين رايح.
ريان:اقول انثبر الي داخل كلهم محارمي انت بصفتك مين بتدخل.
عجاج قعد:اف كان المفروض ما اوافق عليك.
ريان تعداه ودخل للصاله الي كانوا قاعدين فيها البنات.
ميلا:هلا ريان شتبي.
ريان:ابي اميرتي الصغيره.
دلال:ترا اميرتك الصغيره بكايه.
ريان اخذها:من حقها تبكي دامها للحين ما تعرفني.
ريم:خف علينا ي الثقه وبعدين خير كل ماقربت لها فتحت المسجله حقها واول ما جت عندك نست كيف تبكي.
ريان:انتي بذات لا تقربين لها تبين تفجعينها وهي توها صغيره.
ريم:هين مردها لي وين بتروح بتعيش معي بنفس البيت.
ريان بتهديد:قسم بالله ي ريموه يويلك لو تقربين صوبها ماهي فراس ولا فارس هذه شيختك.
ريم:لا ي حبيبي شيختك لحالك.
ريان:العلم جاك وتعداك.
دلال:وين بتاخذها.
ريان:بوديها لفارس وفراس يبونها.
ريم:اي عيالك حلال عليهم.
ريان:عيالي مو متوحشين مثلك.
ميلا:ريان ارجع بس هذه لو قعدت تتهاوش معها مارح تتطلع من هنا.
ريان مشى:اي صح والله..طلع واتجه للمجلس.
ريان:يلا قوموا سلموا على شيختكم.
فارس وفراس نطو عليها وهم يتفحصوها بنظرهم وكل واحد ماسك يد يلعب فيها.
فارس:ماشاءالله حلوه.
فراس:اي والله من يصدق ان عجاج وعزام اخوانها.
عزام:حتى انا ما اصدق.
ضاري:ي حظك ي تالا قسم بالله لتعيش بدلع مابعده دلع.
عجاج بإستغراب:ليه تراها مو اول بنت تجي في عائلتكم.
ضاري:بس لا تنسى كل الاحفاد كبار مافي الا هي صغيره وفوق ذا بنت.
عزام:يصير اجي معها.
فراس:لا خلك في بيتكم ازين.
ريان:عاد الحين الله لا يهينكم تعلموا الطبخ.
عجاج:مارح ناكل.
ضاري:بتصومون.
عجاج:ايه عادي وبعدين انتو ليه ماترجعون بيتكم شوفوا اعمامكم الكبار ي دوب ملكوا وقعدوا شويه وطلعوا وانتو ناشبين لي.
ريان:اساسا كنا ماشين بس مو عشانك تكلمت عشان ورانا اشغال ولا انت من ياخذ بكلامك.
عجاج وقف واخذ تالا منه:طيب توكلوا يلا.
ريان:مع السلامه ي النسيب.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
وليد:اموت واعرف وش مزعلك.
ملاك:مالك شغل رجعني البيت وبس.
عبدالرحمن:اصلا مارح تجون معنا.
منى:نعم.
عتيق:فكرنا بالموضوع وحسبنها براسنا وقررنا ان مانخذكم معنا.
ساره:انت من كاذب عليك وقالك ان بدونكم ميتين.
عتيق:والله انتن تثبتن لنا.
ساره:طال عمرك حنا نوهمكم بس.
الفيصل:بلا كثرة كلام من الاخير مارح تجون معنا.
دعاء:والله انه ازين رجعونا البيت.
عبدالرحمن:اصلا محد كان يطلب رايك حنا عطيناكن العلم.
جود:والله انه اطلق علم يجي منكم.
عزوز:يلا بس قدامي يلا.
ملاك:لا تأمرنا لا كف الحين.
مازن:لو سمحتوا اختنا اليوم أخلاقها سيئه لا حد يكلمها.
ناصر:اي مو تبين رائد هذا هو زعلك وجابك.
ملاك:مالك شغل ي الملقوف وامشوا بسرعه ابي ارجع البيت.
عزوز:اشوف انتي تأمرينا عادي.
ملاك:اي عادي.
عبدالرحمن مشى:يلا بس بلا هواش.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
فهد:متى راحوا عماتي.
ام فهد:قبل تجون بشوي.
ابوفهد:بس يا ان ريان اختار بنت اجاويد سُمعت ابوها ذايع صيتها واخوانها على صغر سنهم الا انهم محزم من جو على وجه الدنيا.
فهد:انشهد انهم رجال.
ابوفهد:انتو الاثنين وينكم اليوم في الملكه.
ماجد:يبه انا تعذرت من ريان كان عندي شغل ضروري وماقدر أأجله.
ابوفهد:وانت.
راشد:حتى انا كنت مشغول.
شيماء:اي مشغول مع اخوياك الفاسدين.
راشد بتوتر:مالك شغل.
ابوفهد:الا لها شغل لعنوبك تراك كبرت صرت رجال وتوك على نفس الطريق راشد انا مارح امشي واعدل اخطأك بعدك ماني ملزوم فيك لذي الدرجه.
راشد:يبه لا تذلني على خطأ واحد سويته.
ابوفهد:انت مستمر بالخطأ راشد لا تحدني استخدم معك طريقه ثانيه ياما تعبت عليكم كبرتكم وسويت كل الي تبونه واخرتها كذا.
راشد بتمرد:حياتي وانا حر فيها لا حد يتدخل.
فهد:وجع ي قليل الادب كيف ترد على ابوي ولا بالطريقه ذي بس مو منك من اخوياك الي مماشيهم.
راشد وقف وبصراخ:افففف عاد خلاص فكونا محد له شغل فيني اموت احيا انسجن مالكم شغل ب....الجمه الكف الي نزل على خده وقطع كلامه.
فهد بعصبيه وبنفس الصراخ:لما ابوي يكلمك عينك بالارض وحسك ما ينسمع لما اخوك الكبير ينصحك تنكتم وما تتكلم لما امك تكون موجوده ردودك كلها تكون ابشرو وحاضر وتم لما خواتك الي انت سندهم موجودين تسكت احتراما لهن لما اخوانك موجودين تاخذ شورهم وتسمعهم رجولتك ما تطلعها كذا قدام اهلك كذا انت تثبت لنا انك جبان.
راشد بإحتقار:شفت الكف هذا رح يرجع اضعاف ي ابو وديم.
فهد بنفس الاحتقار:مانت راشد اخوي الي علمته الصح من الخطأ مانت اخوي الي كان ينضرب فيه الاحترام.
راشد ناظره ثم نقل نظره لكل الموجودين وطلع.
ام فهد تبكي:ليه ضربته ي فهد ليه.
فهد:يمه استهدي بالله ي يمه راشد ماهو الاولي لازم يرجع مثل ما كان.
ام فهد بغبنه:خذيتوا رائد والحين بتاخذون راشد.
ابوفهد:ي مره اذكري الله رائد انا كلمته وهو الحين جاي في الطريق اما الثاني صدقيني لو ضل كذا انا مارح يكون عندي غير ثلاثه عيال بس.
ماجد بسرعه:يبه لا تكفى لا راشد بيتغير بس انت لا تستعجل وتقول كذا.
ابوفهد:اموت واعرف وش الي غير وليدي كذا.
مشاعل بهدوء:عيال الحرام واجد ي يبه.
رائد دخل:السلام عليكم.
الكل فز ورد السلام وهو اتجه لامه وابوه وقعد في بينهم.
رائد:أمرني يبه.
ابوفهد:ما يأمر عليك عدو بس طلعه من البيت مافيه.
رائد:يبه انا ما اقدر اقعد هنا.
ابوفهد:ليه إن شاءالله هذا بيتك بعد.
رائد تنهد وسكت.
ام فهد مسكت يده:رائد يمه لا تطلع وتخليني ما يكفي اخوك راشد راح ومدري يرجع ولا لا.
رائد بصدمه:شصار ووش فيه راشد.
فهد:ماعليك سالفه بعدين اقول لك هي انت الحين خذ بخاطر امي وابوي.
رائد بتردد:برجع بس بشرط.
ابوفهد:قول.
رائد:تجي معي بكره لعمي ياسر ونقول له ان الزواج بعد شهر.
ابوفهد:مهبول انت اتفقنا معهم بعد سنه تبيه يجلدك انت وقراراتك ذي.
رائد:كيفكم ما تبوني اقعد عادي بطلع.
ابوفهد:خلاص انثبر بكره نروح.
رائد بفرحه:مشكور يبه.
ابوفهد:وملاك خذيت شورها.
رائد ابتسم:اي موافقه بس تقول انت كلم ابوي.
ام فهد ببحه:الله يكتب الي فيه الخير.
رائد:شهدوه كيف يدك.
شهد:بشوفتك صارت زين.
ماجد:يلا نبدا الدراما.
ميثه:رائد صقر وين.
رائد:مدري.
ميثه:شلون ماتدري هو طلع بعدك.
رائد:ماشفته اليوم تلقينه عند فراس.
ميثه:تستهبل انت فراس مع ابوه اليوم.
فهد:ميثه شفيك تراه كبير ماهو بزر.
ميثه:لا عندكم كبير بس عندي بزر.
وديم:عميمه دقي عليه طيب.
ميثه:اي صح نسيت والله فديت بنت اخوي الذكيه.
رائد:دقي دقي بس.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
خالد:ماعندكم بيت انتو.
وليد:لا.
عبدالرحمن:وشو له الخساره والاستراحه موجوده.
خالد:انا بقفلها لما اطلع.
عزوز:معك القفل ولا اعطيك ياه.
خالد:شباب بلا سامجه.
مازن:ي ربي انت وش حارق كبدك ماحنا في بيتكم.
خالد:الإستراحه تعتبر بيتي.
عزوز:لحظة إدراك بيتك هو بيت عمتنا وخالتنا ليه ما نروح لها.
نايف:اي والله صح نسينا انها خالتنا.
خالد:امي مسافره.
نواف:ي شيخ.
خالد:اي وقالت ما ادخل احد بيتنا في غيابها.
ناصر:اقول انكتم واحد يدق عليها يقول لها جايين عندها.
عبدالرحمن:مارح تقول شي.
ناصر:عارف بس مايصير نطب عليها كذا لزوم نعطيها خبر.
وليد دق:اسكت انت وهو يرن.
ثواني ووصله صوت ام خالد:هلا وليد هلا يمه.
وليد:اهلين ي خاله شلونتس.
ام خالد:طيبه ي حبيبي انت كيفك وكيف امك واخوانك.
وليد:الحمدلله ي خاله كلنا طيبين ونسأل عنتس.
ام خالد بعتب:وين تسألون الباب قدام الباب وما تجون تسلمون لا انتوا ولا عيال اخوالكم.
وليد:ابشرك ي خاله اليوم جايين عندتس كلنا.
ام خالد بفرحه:صادق يمه.
وليد:اي صادق بس في مشكله صغيره.
ام خالد:وش.
وليد بإحرج:والله ي خاله مطرودين ومدري متى بيرحمونا مالنا الا انتي تؤينا.
ام خالد:ي هلا والله مسهلا ابد البيت بيتكم وقت ما تبون تجون ووقت ما تبون تتطلعون.
وليد:اكيد ي خاله مافيه كلافه عليتس ولا على عيالتس.
ام خالد:عيالي لو تبون ناموا في الشارع وانتوا تاخذون راحتكم.
خالد بصدمه وصوت عالي عشان امه تسمه:افا ي الجحده تقولينها وانا اسمعك ي يمه هذه نهاية العشره.
ام خالد:عاد انت بعد لا تكون جحود انا لو اطردك بيستقبلونك عندهم.
خالد:يعني ناويه الطرد ي الغاليه.
ام خالد:يمكن ليش لا.
خالد:لا كذا كثير قلبتي من سمعتي انهم جايين عندك.
ام خالد:اقول لا يكثر بس يلا تعالوا العشاء جاهز.
وليد:دام الموضوع فيه اكل ابشري الحين نجي.
ام خالد:يلا اجل مع السلامه.
وليد:مع السلامه.
ناصر:وتمت الخطه بنجاح.
خالد:حسبي الله عليكم.
عتيق:امش بس جاين جاين.
خالد:الله يدبل تسبدكم.
مازن يقلده:الله يدبل تسبدكم اقول انكتم ازين لك ها ترا جاين عند خالتي وعمي يعني الطرفين يبونا العبها صح طيب.
خالد مشى:الله يعدي ذا اليوم على خير.
الفيصل:لا إله إلا الله تقل بالع مسجل من اول يهذر مايتعب.
خالد من بعيد:ماشاءالله عينك الله اكبر.
الفيصل:لا فوق طولة اللسان اذن خارقه.
خالد:فصيل ووجع قول ماشاءالله.
الفيصل:موت ماني بقايل عسى ينقطع لسانك ونفتك.
نايف:ي غبي مو كذا.
الفيصل:اي صح نسيت استغفرالله ي رب لا تسمع مني كله من خالد يخلي المسلم يكفر.
وليد:لا ي حبيبي هذا انت قلته بدون اي تدخلات خارجيه.
الفيصل:امشوا امشوا.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
سيف:شتبين انتي الحين.
مرام:ولد احترم نفسك انا ضيفه عندكم لازم تسمع كلامي.
سيف:لما تحج البقر على قرونها سمعت كلامك طيب.
مرام:قليل ادب.
إبراهيم:بفهم انتي حد قال لك ان حنا نشتغل عندك.
مرام:اي.
إبراهيم بصدمه:نعم.
مرام:اقصد مافيه الا انتم اخواني مايرضون وانتوا تدرون ليه النذاله.
سيف:هذاكي قلتيها نذاله كيفنا.
ريم:قلت لك ي حظي هذولا انذل ماخلق ربي.
إبراهيم:انتي اخر وحده تتكلمين.
مرام:خلاص انا حئول للبابا نرجع عتركيا.
سيف:لا لو سمحتي لا تئولي للبابا.
مرام:ماتضحك ترا.
سيف:محد طلب رايك.
مرام:شكرا.
سيف:عفوا.
مرام:الحين وش اخر قرار.
إبراهيم ببرود:مافيه.
مرام وقفت:ريم تعالي نروح بيت خالي نايف.
ريم:اي والله ازين لنا.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
(صحيح مدري متى واجب عليا البلاغ لكني اعلم متى لازم عليا السكوت.)

انتهى البارت..