في عينيكَ عنواني❤.

البارت الرابع والعشرين.....

شهد:غريبه جايين في نص الليل شعندكم.
ريم:اولا ماجينا في نص الليل توه بدري وثانيا بيت عمي نجي وقت مانبي.
شهد بصدمه:حسبي الله على ابليسك خير وش ذا كله.
مرام:مغبونه الاخت لا تواخذينها.
شيماء:شكلها متهاشه مع احد.
مرام:اكيد يعني ريم بحلالة قدرها تقعد بدون هواش الله المستعان بس.
ريم وهي تحذف عليها قارورة المويه:انطمي لا الفخك الحين.
مرام ضحكت:حبيبتي انتي لفختيني وخلصتي.
ريم:ادري بس اللفخه الجايه بيدي.
مرام:ي شيخه.
ريم:اي.
مشاعل:الحين انتو مخلين بيتكم وجايين هنا تتهاوشون.
ريم:اصلا انا ما تهاوشت الا بسببها.
شهد:والسبب.
ريم:طلبت من سيف وابراهيم يودونها البقاله وهم مارضوا.
مشاعل:اي وانتي وش دخلك في السالفه.
ريم:ابد تهاوشت معهم لانهم انذال.
شهد:ي عزتي لهم عيال عمي المساكين.
ريم:والله انا المسكينه.
شيماء:اي كثري منها الا وين ميلا ليه ماجت معكم.
ريم:طالعه مع ريان.
مشاعل:وليه ماخذاكم معه.
مرام:البركه ببنت عمك ام لسان قعدت تتهاوش معه لين حلف يمين ماياخذها.
شيماء:وانتي شعليك منها ليه ما رحتي معه هو حلف عليها موب عليك.
مرام:مو من قرادة حظي قمت ادافع عنها.
شهد:زين سوا ولد عمي كفو خليكن تتأدبن شويه.
ريم:شقصدك.
شهد:قصدي ي طويلة العمر اقضبي الباب نبي ننام.
ريم:تطردينا من بيت عمي.
شهد:اي اطردك تعالي بكره ونتفاهم.
ريم وقفت:زين اذا ماقلت لعمي ي شهدوه.
شهد:هذاك هو في المقلط ذلفي له.
ريم رمت عليها المخده:اصلا انا الغلطانه قاعده عندك.
شهد:خلاص ذلفي.
مرام قامت:خلاص مو وقت هواشكم يلا ريم.
ريم:يلا تصبحون على خير.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
خالد:خير سريري.
وليد:انا ضيف.
خالد:ضيف قليل ادب.
وليد:الا تعال انت ليه ما تنام عندهم.
خالد:اي صح ليه ما تذلف تحت عندهم.
وليد:ماقدر ابعد عنك.
خالد:ي شيخ.
وليد:شف لا يكثر ي تنام معي على السرير ي تنقلع للكنبه.
خالد:والله لو انام على الارض ابرك من مقابلة وجهك طول الليل.
وليد:اصلا يصير لك تنام جنبي.
خالد:ليه زوجتي وانا ما ادري.
وليد:هيه عن الغلط احترم نفسك.
خالد اخذ له مخده ولحاف واتجه للكنبه:انت الكلام معك ضايع.
وليد:خذيت علاج السكر والربو.
خالد:مالك شغل.
وليد قام:دام قلت مالك شغل يعني ماخذيتها.
خالد:وش دخلك انت امي ولا ابوي.
وليد اخذه الادويه واتجه له:اقول انكتم بس واشرب.
خالد بكذب:اخذتها اول.
وليد:تكذب على مين انت تراني حافظ المواعيد واخر علاج موعده الحين اطفحه بسرعه.
اخذه خالد وهو يتأفف.
وليد:لا تنافخ تراه لمصلحتك.
خالد:هذاك قلتها لمصلحتي شدخلك انت.
وليد:لمصلحتك بس انا الي بتضرر.
خالد:خف علينا ي ابو قلب حنون.
وليد قام:انت مو وجه دلع.
خالد:طفي اللمبه معك.
وليد بنص عين:قليل ادب مافيه حتى شكرا.
خالد:والله محد غصبك انت الي جيت من نفسك.
وليد طفى اللمبه:انخمد بس.
خالد:تصبح على خير ي قلبي.
وليد:ويييع وانت من اهله ي عمري.
خالد ضحك:صاحي انت سامع وش قلت عشان تقول ويع.
وليد ضحك:بدينا نفصل خلنا ننام قبل نطلع عن السيطره.
خالد:اي والله صادق تصبح على خير.
وليد:وانت من اهله.
▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎