في عينيكَ عنواني❤.

التاسع والعشرين والاخير.........

في المجلس.
الجد بصرامه:علمً جاكم وتعاداكم حد يمس خالد بكلمه انه ليشوف نجوم الليل بعز الظهر.
ملاك دخلت:سلام.
ابوسلطان:هلا يبه ملاك وين كنتي.
ملاك ناظرت لشهد:مع خالد ولد عمي.
ابوخالد:وينه ليه ما جى معك.
ملاك قعدت:هذا هو في الطريق مع رائد.
عزوز همس لملاك الي كانت جنبه:شلونه الحين.
ملاك بنفس الهمس:ما عليكم هذا خالد مافيه الا العافيه.
سيف جنب عزوز:اموت واعرف كيف اقنعتيه يجي.
ملاك تنحنحت:ابد معك ملاك ملكة الإقناع.
مشعل:انا اشهد والله.
دخلوا رائد وخالد وسلموا والكل رد السلام.
الجد:حي الله خويلد.
خالد ابتسم:الله يحييك.
رائد:اشوف انسحب علي.
إبراهيم:هلا برئود هلا بعمري.
رائد قعد جنبه:والله انه ابرك لو انت ساكت.
إبراهيم بنص عين:مو وجه دلع انت.
الجد:شايفين الساعه كم وين الغداء.
ابوفهد:اي والله ماصارت عاد.
صقر:يلا قومن جهزن الغداء.
وديم:صقور ورا ما تنطم.
ساره همست لها:صقور في عينك.
ابوخالد وقف:انتو شكلكم ماتبون تاكلون انا بروح والي يبي يجي حياه الله.
طلع ابوخالد ولحقه الجد وعياله والحريم الكبار وبنات خالات شهد.
ضاري:الحين وش نقعد نسوي.
مازن:ننام.
فراس:مريض نوم انت كل ما قلنا وش نسوي قلت ننام.
رائد:خويلد عطنا شعر.
خالد تعدل:ابشر.
نوره:يلا انت وشهد.
خالد:عشقتك من صغري لين صرت فيك الاناني لو تدرين اني حتى من اخوانك عليك اغير وانتي ي الغلا ما كنتي ترضين اشوف غيرك واليوم صرتي لابن العم.
شهد:يشهد الله اني للحين ما ابيك تشوف غيري بس كلمة ابوي قدام الرجاجيل ما تنكسر.
خالد:وحمدت ربي يوم تخلى عنك ولد العم ويوم يقولون الاخ سند كسرت ظهري ي اخوي.
شهد:جيت ابفرح يوم صرت ملك نفسي اثاري اخوك ما تمم الفرحه بسألك سؤال وابي منك الجواب كنت بتموت عشان اصير ملكك واليوم انت الي تخليت عني.
خالد:عشقتك ي كل الغلا ورفض قلبي غيرك انا اسف تدرين ليه لان الظروف حدتنا نفترق رغم انه ابشع فراق لكن قلبي ما نساك.
شهد:اهنيك على الجرأه الي فيك يوم انك تحط اللوم على الظروف بس تدري اني من اشوفك تضيع علومي ويبقى في عيونك عنواني.
خالد:لو تدرين معزتك عندي فوق الغيم والله ما يوصل احد مواصيلك انتي الغلا وانتي الروح وتبقين ملك خالد.
مازن صفر:حلو قلتوا قصتكم على شكل شعر.
خالد بإرتباك:مو قصتنا ولاشي بس مشكلة الشُعار نفس الشي.
ملاك بهمس لخالد:ما تترقع يالخفيف.
خالد بنفس الهمس:اما يعني مفضوح.
ملاك:مره.
قاطع عليهم رساله وصلت لجوال لخالد فتحها وابتسم وهو يقراها:الموافقه عند ابوي جهز عمرك وشوف متى الملكه.
خالد رد:ظنك الي انكسر يتصلح.
جاه الرد:يتصلح مع الايام لو ادفع عمري اصلحه.
خالد:لو قلت لك ان خلاص نفسي طابت.
وصله الرد:لا تسوي فيها ثقيل اذلف لابوي وحددوا الملكه.
خالد:رغم ان الجرح الي انجرحته كبيير ويبي له سنين عشان يبرى بس مع ذلك ما اقدر افرط فيك بعد اسبوع يناسب.
ملاك الي كانت جنبه وشافت كل شي سحبت شعره بقوه:اخخخ يالقهر خفيف ما منك فايده.
ميلا:ملاك ووجع فكي اخوي.
خالد ضحك ووقف:شباب مشينا نحدد موعد الملكه.
ناصر:ليه بنملك معك.
خالد:لا ي غبي بش عشان تكونون معي وكذا.
سيف وقف:انا عن نفسي رايح اخطب كمان.
إبراهيم:وانا وش على خاله جاي اخطب كمان.
ملاك:اذلفوا للرجاجيل من هناك يخطبون موب من هنا.
خالد بنص عين:محد خطب منكم انتي ووجهك.
رائد وقف:ودي اقول حتى انا بخطب معكم بس للاسف خطبنا وتورطنا.
عبدالرحمن:انت المفروض كل ما شفتنا حبيت راسنا ويدنا ان وافقنا عليك.
رائد:لك الشرف ي حبيبي.
مازن دفه:امش امش بس.
اتجهوا الشباب لعند الرجال والحريم.
خالد:سلام عليكم.
ابوريان:ي هلا والله بوليدي.
خالد:اهلين بعمي.
الجد:شتبون جايين كلكم.
خالد:جاي احدد موعد الملكه ولا تراجعتوا.
ابوفهد:ابد وقت ما تبي.
خالد:بعد اسبوع ي عم موافق.
ابوفهد:تم.
سيف:وانا ابي اخطب.
ابوريان:انا اول مره اشوف احد يخطب بذي الطريقه لعنبوبلبيسكم وين علوم الرجاجيل وين الاصول.
إبراهيم:ي يبه ليه الرسميات وحنا اهل.
الجد ابتسم:بسرعه كل واحد يقول من يبي.
سيف بسرعه:شيماء.
ضاري ضحك:خير ي الاخو قاعد تشتري انت.
سيف حك راسه:انتوا قلتوا نقول الاسم.
ابوفهد ضحك:نشاور البنت طيب.
سيف:ابد خذ راحتك ما وراي شي انا.
مشعل:وانا ابي مشاعل.
رائد:خير خواتي اخذتوهم كلهم.
إبراهيم حط يده على كتف رائد:حال الدنيا وانا اخوك.
ابوريان:وانت من تبي.
إبراهيم:احم الي ابيها ابوها مو هنا يصير اخطبها من خوالها واخوها.
مازن:من هي.
إبراهيم:اسيلوه.
اصيل:قول اسمها عدل وبعدين تعال اخطب.
إبراهيم:امزح امزح اسيل.
كملوا كل واحد يقول من يبي عشان يشوفون راي البنات واذا رجعوا تصير خطوبه رسميه.
خالد وشهد...سيف وشيماء...إبراهيم واسيل....فراس ووديم....راشد ونهى.....ماجد ودعاء.....مشعل ومشاعل....صقر وساره....مازن وريم.....ضاري ومنى....نايف وجود.....عزوز وميلا...والباقين من برا العائله.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
شهد بصدمه:اما انتي وماجد مع بعض لا ما اصدق.
ملاك:دعاء امانه انتي صدق تحبينه ولا مغصوبه عليه.
دعاء:لا ي حبيبتي مو مغصوبه ولاشي احبه ويحبني وش فيها ذي.
شيماء:فيها انك انتي وماجد لو اجتمعتوا مستحيل يبقى شي مكانه.
دعاء:شعرفك انتي بعد الكره حب ترا.
نوره تأشر لميلا:انتي هي وش فيك.
ميلا بدموع:ما ابي عزوز.
جود رفعت حاجبه:وليه وافقتي عليه.
ميلا بكت:مدري ليه مدري.
ملاك حضنته:ميلا بسم الله وش فيك وبعدين ليه ما تبينه.
ميلا زاد بكائها:ابي وليد.
لحظة صمت تعبها صوت اختلاط بكاء البنات مع ميلا.
دخل عليهم خالد وانفجع من منظرهم:بسم الله وش فيكم.
البنات:لا رد.
خالد:اكلم من انتي وهي وش فيه وش صاير.
اسيل تمسح دموعها:ولاشي بس ذكرنا وليد.
خالد تنهد:الله يرحمه.
البنات:امين.
خالد بمحاولة تلطيف جو:والله وكبرنا وعرسنا.
ملاك تنحنحت:تو مابعد اعرسنا.
خالد:انتي وشهد زواجكم بيوم واحد ترا.
ملاك وشهد بصوت واحد:نعم.
خالد:الي سمعتوه طبعا كانت الملكه بعد اسبوع بس رائد حدد زواجه بعد اسبوعين وانا قررت ان يكون زواجنا وملكتنا بنفس اليوم.
شهد وقفت:خير على كيف امك هو.
خالد:لا على كيف ابوي.
شهد:انا مو موافقه.
خالد:حبيبتي انتي استريحي انا ما جيت اخذ رايك انا جيت اعطيكِ خبر بس.
شهد:ي شيخ.
خالد:اي والله.
منى:مبروك اجل مقدما.
خالد:انتي ترا بعدنا بأسبوع.
ملاك:خير انت جاي تجلطنا وتذلف.
خالد ضحك:والله لو بيدنا كنا سوينا زواج جماعي بس جدي مارضى فصار بين زواج كل اثنين اسبوع لا غير.
ريم:ليه كل اثنين سلامات.
خالد:خبرك ماشاءالله احنا كثير لو قعدنا نعرس على واحد واحد بتجي السنه الي بعدها وحنا تونا ما خلصنا.
شهد:طيب خلاص فهمنا يلا اذلف.
خالد ابتسم:امري ي عيوني.
نوره:ولد استح على وجهك تراها لسى مو زوجتك.
خالد:انتي انكتمي ي هادمة الملذات.
ساره:شتبي انت الحين.
خالد:تعالوا في الجلسه الخارجية بنقعد شويه قبل نرجع تعرفن وراكن تجهيزات وكذا.
مشاعل:ولي ما اتصلت علينا.
خالد:اتصلت بس ما سمعتن بسبب العزاء الي كنتن مسويتنه.
وديم دفته لبرا:اذلف.
خالد:وديم حبيبتي عيب انا عمك ترا.
وديم:قصدك ولد عم ابوي مو عمي.
خالد:الي هو اهم شي اكبر منك ومثل عمك شوية إحترام لو سمحتي.
وديم:لاحجة البقر على قرونها ابشر احترمك.
خالد مشى:دام شهد عمتك وش ارجي منك.
شهد بصوت عالي:دام انت ولد عمي وش ارجي من نفسي.
خالد ضحك بصوت عالي وجى بيرد بس قطع عليه رائد:وش فيك تضحك كانك مجنون.
خالد وقف ضحك:ابد اختك تضحك الواحد غصب عليه.
رائد:في واحد اعرفه كان بيموت قبل شوي عشان وحده رفضته والحين بسبب الوحده ذي الضحكه شاقه الوجه.
خالد تنهد:شسوي والله ان اختك هبلة فيني.
رائد ضربه:يلا عاد سكت لك انا كل شوي اختك واختك قول شهد وخلاص.
خالد ضحك:ليه تجرح كلمة اختك.
رائد:اي ي حيوان.
خالد:مشينا نقعد في الجلسه.
رائد:والبنات.
خالد:ذكرت الجن هذا هن وراك.
رائد لف:هاي.
البنات:هايات.
خالد:يلا قدامي انتي وهي يلا.
ملاك:انطم.
خالد اشر على خشمه:على ذا الخشم.
رائد:ودي اعرف وش السر في انك تسمع كلام ملاك دايم.
خالد ابتسم بحب:ي ذي الملاك الي بدونها انا ضايع اختي وبنتي وامي وكل شي والله اني كل اشكر ربي عليها.
رائد بغيره:سلامات ركز على كلامك.
خالد:وانت ركز وش انا قايل امي واختي وبنتي.
شهد:اي والله ان كلنا بدونها ولاشي.
ملاك استحت:بس عاد ترا استحي.
خالد ضحك:ي شينها يوم تستحي.
نوره:امشوا بسرعه.
مشوا البنات وخالد ورائد متجهين للجلسه عند الباقين.
رائد:سلام ي قوم.
الكل:وعليكم السلام.
ريم:وين جدي والباقين.
ضاري:في المجلس مايبون يقعدون هنا الدنيا برد.
شيماء:الحين صدق شلون جدي وافق نرجع في الليل.
نايف:ترا كلها مشوار ساعه وعماني ماعندهم مانع يسوقون في الليل عشان كذا اقنعوه.
شهد:والله ان أجواء الليل ازين.
عبدالرحمن:عطونا اغنية بسرعه.
رائد:ابشر.
خالد:انا ببدأ.
ملاك:يلا اتحفنا.
خالد بدا يغني وهو يناظر شهد:اجيها والعتب بين الحبايب ماهو بموضوع اطالعها وانا قايل بصد وما اطالعها لها صوتً مثل هبات نسيم ماهو بسموع واذا اني جيت ابتكلم بدت تلعب باصابعها.
اعاتبها ويلمع دمعها واغير الموضوع انا الغلطان دام السالفه تاصل مدامعها انا الغلطان دام السالفه تصل مدامعها عسى الله بيننا يجمع بخير ولا يجيب دموع وعسى ما اعيش بالدنيا اذا ما عشتها معها ما احب اقسى عليها لو غديت من الزعل موجوع ونفس الوقت خايف من سكوتي لا يشجعها عليا تغلط وانا ما احب ذا الغلطات من ذا النوع ومع ذالك في كل غلطه تسمعني وسمعها.
اجيها والعتب بين الحبايب ماهو بموضوع واطلعها وانا قايل بصد وما اطالعها لها صوتً مثل هبت نسيم ماهو بسموع واذا اني جيت ابتكلم بدت تلعب باصبعها اعاتبها ويلمع دمعها واغير الموضوع انا الغلطان دام السالفه تصل مدامعها انا الغلطان دام السالفه تصل مدامعها انا الغلطان دام السالفه تصل مدامعها عسى الله بيننا يجمع بخير ولا يجيب دموع وعسى ما اعيش بالدنيا اذا ماعشتها معها(لو سمحتوا الي بيحمل الاغنيه يحملها بدون موسيقى).