في عينيكَ عنواني❤.

البارت السادس عشر......

يوم جديد واحداث جديده على ابطالنا....
عند شهد الي كانت جاهزه ومخلصه هي ورائد عشان يروحون يسون التحاليل وملاك وسيف نفس الشي.
شهد:فهود بالله خلصنا اول الناس.
فهد:مو بيدي انتو وحظكم اذا مافي زحمه خلصتوا بدري واذا فيه زحمه تصبرون.
رائد:يعني حنا مسويين لك مستشفى على الفاضي.
فهد:اولا موب انت الي مسوي لي مستشفى ثانيا مالك دخل كيفي.
رائد:نذل وقليل نخوه.
فهد:نعم اخ رائد وش قلت.
رائد ببرود:الي سمعته.
فهد وقف:طيب ان ماخليتكم اخر الناس مااطلع فهد.
شهد:هيه حنا وش دخلنا هو الملقوف.
فهد مشى:والله كلكم نفس الشي.
شهد لفت على رائد:حسبي الله عليك.
رائد:لا تتحسبين انتي ووجهك اصلا مايقدر يخلينا ننتظر كثير.
ام وديم(جوري):لا يقدر دام رفعتوا ضغطه صدقوني راح يسوي الي قال عليه.
رائد:اففف ما ينمزح معكم.
جوري:عاد انت ثقيل دم شنسوي.
رائد بنص عين:جوير انطمي.
جوري:اقول تأدب بس شايفني واحد من اخوايك.
رائد:اصلا مافيه فرق بينكم.
جوري:شف قليل الادب ذا مافيه لا احترام ولاشي لعنبوبليسك ماتقول مرت اخوي احترمها ولو شوي.
رائد:اسف موب انا ثقيل دم ضيفي عليها اني ما اعرف الإحترام كمان.
جوري:ادري على اساس قلت شي جديد ودي ادعي ان التحاليل ما تتطابق بس راحمه ملاك.
رائد:خفي علينا على اساس دعوتك بتستجاب.
جوري:ولد اطلع قبل لا تكفر.
رائد ضحك ووقف:يلا مشينا...طلع هو وشهد متجهين للمستشفى.

في المستشفى...
رائد:حنا جايين نحلل انت قاط وجهك معنا ليه.
وليد:وتبيني اترك اختي معك اسف حبيبي ما اثق فيك.
رائد:حبتك جراده قول امين.
وليد:الجميع.
رائد:يعني اليوم بس الكل قرر يحلل والمحترم فهد بدل ما يقول اهلي اخلصهم اول لكن ماش قليل خاتمه.
ملاك بنص عين:وهو وش دخله النظام نظام.
شهد:اصلا هو تهاوش مع رائد وحلف يمين يأخرنا.
سيف:رائد ي تبن خير انت تتهاوش وحنا نتأخر بسببك.
رائد:والله هو ما يتحمل المزح.
وليد:انت المزح حقك من يتحمله بالله.
رائد:انتو هيه من الصباح وانتو تقولون دمي ثقيل ومدري وش خلاص عاد.
شهد:لا تتحمس بيطق لك عرق قبل ما تملك.
رائد طنشهم واتجه يشوف متى دورهم وهو مقهور منهم...وكان دورهم حللو ورجع كل واحد لبيته ووليد ورائد اتجهو للاستراحة.

في الاستراحة
خالد بضعف:يعني خلاص قصتنا انتهت.
مازن بحزن على حال خالد:خالد اذكر الله تو التحاليل م....
قاطعه خالد بصراخ:بسسسسس وش تحاليل ما تحاليل مازن خلاص شهد صارت لاخوي تدري وش يعني لاخوي (قعد على الارض ونزلت دموعه)كسرت ظهري ي اخوي.
مازن حضنه بقوه:خالد لا لا تبكي خالد تكفى والله ما اقدر اشوفك كذا.
خالد وهو يزيد:الفراق صعب ي اخوي صعععب خططت انا وهي وش بنسمي عيالنا وكم نبي عيال وعدتني ما تتخلى عني ااااه كلكم خاينين كلكم.
مازن صعب عليه يشوف ولد عمه واخوه بذا المنظر تكلم والدموع بعينه وبصوت مهزوز:طالبك ي ابو رائد لا تسوي في نفسك كذا محد يستاهل.
خالد بصراخ:بس هذه شهد هذه قطعه مني موب اي احد.
مازن جى بيتكلم قطع عليه دخول وليد ورائد الي انصدمو من شكل خالد ووليد اتجه له بسرعه:خالد خالد وش فيك.
خالد وحيله مهدود:خلاص حللتو ارتحتو الحين.
رائد:قول لا إله إلا الله.
خالد بنبره غريبه:كله منكم اصلا انتو السبب في كل شي انت ي رائد ما تبيني اتزوجها عشان كذا قلت لسيف يخطبها.
رائد انصدم:لالالا خالد ارجع لوعيك لا تعذب نفسك لا.
خالد ضحك:انا قلت الحقيقه ليه ما تبون تعترفون ان كل شي من تحت تخطيطكم.
مازن لف وجهه للجهه الثانيه لما حس ان دموعه خانته
خالد اتجه له ومسح دموعه:انت مالك شغل توك جيت وهمس له انا اعرف ان رائد ووليد يكرهوني.
مازن ما امداه يتكمل الا ويشوف خالد طاح مثل الجثه على الارض وانقطع صوته..نزل مازن على ركبه وهو يحرك خالد:خالد قوم تكفى ي اخوي قوم.
وليد ورائد جن جنونهم.
رائد صرخ:وليد تعال ناخذه المستشفى.
قام وليد معه واخذو خالد ومازن منهار تماما اخذوه لمستشفى ثانيه غير مستشفى فهد وسالم.