في عينيكَ عنواني❤.

السابع والعشرين.......

ضاري:اي الحين متى ناوي تخلي زواجك.
ريان:والله كلمت البنت واتفقنا بعد اسبوعين بدون زواج او حفله.
ضاري:وليه حرام البنت اول مره تزوج.
ريان:انا فهمتها الوضع وهي مقدره وموافقه.
ضاري:احس حرام.
ريان:لا تحس مانت العروس.
فهد ضحك:الاخ شكله متحمس مره.
ريان ضربه:لا ي وسخ.
ضاري:وانت ي سلطان متى زواج رائد وملاك.
سلطان:والله لاني العروس ولا العريس.
ضاري بنص عين:قول مدري وخلاص.
قطع عليهم رجوع الشباب والبنات.
سلطان:وش رجعكم بدري.
ساره:بابا خالد ضربني.
سلطان:خالد ووجع.
خالد بصدمه:يلا عاد كلهم ضربوك جت عليا انا.
سلطان:خير تضربون بنتي ما تستحون انتو.
وديم:بابا حتى انا كمان ضربوني.
فهد وقف:لا الوضع زاد عن حده خير انت وهو اشوف قليتوا ادبكم مره.
ريان:واعمامكن وين.
ساره:اعمامنا هم ساس البلا.
خالد دف ساره ووديم:تقلعوا لاهلكم وتحترموني غصب عليكم عمكم انا.
ساره:تخسي والله اعمامي اخوان ابوي بس.
سلطان:ساره حبيبي مو كذا هو كمان عمك وين راح الاحترام.
خالد:سمعتي يلا قولي اسفه.
ساره مشت:احلم.
مازن:خلاص سكتنا لك ترا خل بنت اخوي.
خالد:وانت توك تذكر انها بنت اخوك.
ملاك:خلاص عاد بلا هواش خلونا نرجع البيت ابي انام.
ضاري وقف:اي يلا تأخرنا.
لموا أغراضهم وتقسموا في السيارات.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

عبدالرحمن:وين ساره.
شهد:راحت مع سلطان.
خالد:وانتي وش مقعدك عندي.
شهد:استاذ خالد انا مو قاعده عندك انا جايه مع البنات.
خالد بهمس:اي واضح.
مشعل ضحك:الله يزكيكم العقل ي رب ي كريم.
شهد لفت له:ليه شايفنا مهبل.
ملاك:قومي اسطريه بعد قلت ادب بنات اخر زمان.
شهد:انتي مالك شغل ارجعي خمدي ولما لم سمعتي في هوشه قمتي.
مشاري شد على ملاك الي كانت في حضنه:بعد عمري اختي حبيبتي ماترضى على اخوانها وترا عادي فجأه تلقينها عندك وتكفخك.
شهد:ادري على اساس جايب شي جديد.
نايف:لا هذه الي انا بكفخها بس ي بنت الناس ما تعبتي من اول تقرقين فوق راسنا نامي انطمي شوي.
شهد:وجع قول ماشاءالله ي حسود.
نايف:انتي وجهه ينحسد بالله.
ملاك:انطموا بنام.
خالد:شهد اي صوت ثاني صدقيني بنزلك في نص الطريق.
شهد:اتحداك.
خالد بصدمه:نعم.
شهد:اتحداك وش الي نعم.
عبدالرحمن شد شعره على خفيف:وش نسوي فيك نذبحك بس لعنبوبلبيسك انكتمي شوي.
شهد:ابشر.
نوره بهمس:والله لو يجلدونك ما فزعت لك.
شهد:عاد الله اكبر والفزعه انطمي مثل ما كنتي ازين.

سلطان:الحين انتو جايين معنا لانكم متكفخات.
وديم:عمو انا من اول معكم.
سلطان:اجل بنتي الي جايه هاربه منهم.
ساره:بابا مافيه مكان هناك زحمه.
فهد:الحين انتي تقنعينا انك مو هاربه.
ساره:ولا فكرت واحد في الميه حتى اني اهرب منهم.
ريان:عيني بعينك اشوف.
ساره:عمو فيني نوم.
سلطان حضنها وضحك:اسحب غير مباشر.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
فهد:يلا وديم نرجع البيت.
وديم:بابا تكفى بنام معهم.
خالد:انت هي ترا محنا بماكلين بنتك خلها بس.
فهد:بعد الي صار في الحديقه اوثق في الكل الا فيكم.
ماجد:ماعليك خلها عندي.
فهد:اركن.
نوره:اخيرا نطقت لو كلمه يمنيه.
صقر:تدرون ان خالي فهد يعرف يتكلم يمني ازين مني.
ملاك:نعرف بس هو يستحي.
فهد:اي العين حق وانا ولد عمك.
شهد:فهد تصبح على خير.
فهد بصدمه:افا تطرديني.
شهد ببرائه:ما طردتك قلت لك تصبح على خير.
فهد:ي شيخه كلها نفس المعنى.
ريان سحبه:امش امش انت لو فتحت سالفه بتقعد لبكره.
نواف ناظر لملاك الي جالسه بين مشاري ومشعل وكل واحد حاضنها من جهه رفع حاجبه:انتو هي ترا مسختوها عطونا اختنا.
مشاري:للتذكير تراها اختنا بعد.
مشعل:وبعدين هي طول الوقت معكم حاسدينا على ذي اللحظات.
نايف:ملاك تعالي هنا بأدبك واحترامك.
ملاك:اسفه والله انهم صادقين صار لي ساحبه عليهم كم.
مشاري:اخيرا حسيتي فينا.
عزوز:الله وش ذا الفلم الرومانسي.
خالد:صراحه يجنن.
ملاك:اجنن طيب.
خالد بنص عين:ماتضحك.
ميلا:والحين وش نسوي.
ضاري:ولاشي روحوا ناموا.
اصيل:اسامه واخوانه وين.
سيف:راحوا جده خالي يقول عنده شغل بيقعدون اسبوع.
عتيق:بفهم خالك ما يعرف يسافر بدونهم.
فيصل:شدخلك انت اهله كيفه.
عتيق:مجرد سؤال.
شيماء وقفت:خلاص دام مافيه اي شي مشينا بنات.
البنات انسحبوا لجناح ملاك اما العيال تقسموا نص في جناح مازن ونص في جناح عبدالرحمن.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
في المطبخ بعد مانام الكل كانت ملاك جالسه لحالها وتبدأ فقرة انهيارها اليوميه وهي تتذكر وليد وامها وقطع عليها دخول خالد وهي عدلت جلستها على طول ومسحت دموعها.
خالد قعد على الكرسي قدامها:ليه الدموع.
ملاك تنحنحت:ولاشي.
خالد بحزن:الله يرحمهم ي ملاك.
ملاك بهمس:اميين.
خالد:ملاك.
ملاك رفعت راسها:هلا.
خالد:ودي اسألك سؤال.
ملاك:قول.
خالد:في يوم وفاة امك ووليد قلتي كلمه للحين وانا جاهل معناها.
ملاك:الي هي.
خالد:قلتي ان خالتي الله يرحمها كانت تحبك اكثر من عيالها كيف عرفتي ومتى.
ملاك تنهدت وامتلت عيونها دموع.
خالد:اذا ما تبين تجاوبين عادي ترا.
ملاك مسحت دموعها:امي الله يرحمها من يوم وانا صغيره كل يوم في الليل تجي عندي الغرفه اول شي تحاول تتأكد اني نايمه واذا تاكدت او بالاصح تحسب انها تاكدت تغطيني وتتطن عليا واخر مره مرضت فيها كانوا كلهم فوق راسي ويوم نمت طلعوا كلهم وتركوني الا امي وفزيت على صوتها وهي تصلي وتبكي تدعي ربي يشفيني وانها تحبني وماتقدر بدوني.
خالد بصدمه:صادقه.
ملاك هزت راسها بايه.
خالد مازال مصدوم:طيب ليه كانت تبين عكس كذا ليه ما عمرها طلعت مشاعرها لك.
ملاك رجعت تبكي:هذا الي مجنني ما امداني اسألها ولا اعرف شي.
خالد تنهد:الله يرحمك ي خالتي خلتنا نعيش معك المعاناه كلها وفي الاخير طلعتي اغلى عيالها.
ملاك همست:الله يرحمها.
خالد بمحاولة تغير الجو:قاعده هنا تحترين رائد والاخ نايم من زمان.
ملاك بنص عين:مااحتريه ي وسخ.
خالد:اجل شعندك.
ملاك:ما جاني نوم قلة انزل شويه لين انعس.
خالد رفع حاجب:اي قلتي لي.
ملاك وقفت:انقلع نام انت وتفكيرك الوسخ.
خالد ضحك:اطلعي ونادي لي شهد.
ملاك عقدت حواجبها:اي صح انت متى رح تخطب شهد.
خالد تنهد:مدري كل ما اعزم الأمر واقول خلاص احس في شي يمنعني.
ملاك:الي هو.
خالد:بتعرفيه بس مو الحين كل شي في وقته حلو.
ملاك:اي ومتى وقته.
خالد:مدري بس الوكاد انه قريب.
ملاك:ما اوصيك عاد انا اول وحده اعرفه.
خالد ابتسم:هو اكيد انتي اول واحده عشان تساعديني.
ملاك مشت:بروح انام قبل يذبحني الفضول.
راحت ملاك وطلع بعدها خالد متجه لجناح مازن.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
في الصباح.
ابوسلطان بتساؤل:امس ما سمعت لكم حس غريبه.
ضاري:شفيك نسيت ي اخوي مو قلنا لكم بنروح الحديقه.
ابوسلطان:اي ادري قصدي بعد ما رجعتوا.
رائد:رجعنا كل واحد عينه على الغرف.
الجد:والله وطلع منك فايده ي ضاري كل يوم خذهم لها ورجعهم دايخين.
خالد:ابومحمد ترا ماحنا بزران.
الجده:الا بزران ونص انتو نخليكم دقايق نجي وانتو ذابحين بعض.
مازن:العب جدتي قلبت على خويلد..
خالد بنص عين:هي تقصدنا كلنا ي شاطر.
ابوسلطان:عتيق وين اهلك.
عتيق:في بيت خالتي ام خالد.
ابوسلطان:وليه ما يجون هنا.
عتيق:يقولون ما يبون يثقلون عليكم.
نايف:ازين.
ابوسلطان بصدمه:نعم.
نايف:اقول هناك ازين لهم مع خالتي وكذا.
رائد بهمس:القم ي نويف.
نايف بنفس الهمس:نويف بعينك ي تبن.
ابوسلطان بحذر:رائد متى قررتوا زواجكم.
رائد ناظر ملاك وقال:والله ي عم الود ودي بكره بس العروس رافضه.
ابوسلطان:ملاك يبه.
ملاك نزلت راسها وما تكلمت.
ابوسلطان سكت احترام لرغبتها.
خالد ابتسم:جدي معجب فيني من اول وانت تطالعني.
الجد:قاعد ادور لكم على عقاب.
سيف بصدمه:ابن ابوي عقاب وش وحنا من امس بدون صوت.
الجد:كيفي.
إبراهيم:ابد خذ راحتك تبي اشور عليك بعقوبات ولا عندك.
الجد:شكل العقاب كله لك.
إبراهيم نط يحب راسه:امزح وربي امزح.
مازن ضحك:اي خلك عاقل.
الجد:بما ان الاجواء بدأت تزين والجو بدا يبرد قررت بكره نروح كشته.
كلهم صرخوا بصوت واحد:صادق.
الجد ابتسم:اي صادق وترا ما رح نطلع الا عشان عيون بنتي ملاك ادري بها تحب البراد.
ملاك بإمتنان:مشكور ي احلى جد في الدنيا.
نواف:بس تكفون نطلع بدري مو مثل كل مره.
الجد:اي وعشان كذا مارح تنامون مع بعض كل واحد ينقلع ينام في بيته.
ناصر:افا وش الطرده ذي.
خالد:ماعليك نصوري بنسهر في بيتنا.
الجد:خالد.
خالد:عيون خالد.
الجد:الله يهديك بس.
عتيق:انا اقول ي جد نطلع شاليه ازين من البر.
الفيصل:اي والله ونقدر نقعد فيه اكثر من يوم.
الجد:لا ملاك تبي البر.
مشاري:ملاك تكفين اقنعي جدي.
ملاك:يبه عادي اي مكان.
رائد:بفهم الحين ليه جدي يخليك تقولين له يبه وحنا لا.
ملاك:لاني ملاك.
ابوسلطان:طيب نروح المزرعه اكبر وازين.
خالد بسرعه:لا تكفون والله كرهت المزرعه كل شوي روحنا لها صار لنا كثير ما رحنا الشاليه.
الجد وقف:خلاص اذا شاليه شاليه.
قام الكل بعده واتجهوا لبيوتهم.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رائد:يمه ما نبيهم.
ام فهد:يلا عاد احترم نفسك هذولا خواتي.
رائد:حنا بنطلع طلعه عائليه هم وش دخلهم.
ام فهد:شوفوا هذا الي بيجلطني ليه هم مو اهلك.
رائد:يمه انتي تدرين ليه ما ابيهم.
ام فهد:كبر عقلك خلاص انت الحين متزوج محد رح يقرب عليك.
شهد:تراك ماخذ مقلب بنفسك.
رائد:مالك شغل.
ام فهد:وبعدين ابوك هو الي قال لي اعزمهم يعني ما عزمت من راسي.
رائد:يمه يجون هم لحالهم بدون بناتهم ملاك ماهي مثل اول تقدر تتحمل.
ام فهد رمت عليه المخده:اذلف من قدامي.
رائد:يمه.
ام فهد:وصمه انقلع.
رائد:يمه تحبيني.
ام فهد:لا.
رائد:شهد.
شهد:لا و اذلف ماني فاضيه لك.
رائد:نسيتي انك تبين تروحين السوق.
شهد:امزح امزح انت اخوي حبيبي.
راشد:بفهم انتو ليه كل يوم في السوق.
رائد:مدري عنهم حنا ما نروح السوق الا في الاعياد.
شهد:في فرق ي حبايبي انتو عيال.
راشد:وين الفرق.
شهد:حنا كل شويه عزايم وطلعات يعني لازم كل مره لبس جديد.
رائد:والله ماهو لازم بس انتوا بطرانات.
شهد:شدخلك محد صارف من فلوسك شي.
راشد:يمه يصير ما اجي معكم بكره.
ام فهد:لا ي حبيبي ما يصير تبي ابوك يعصب.
رائد بصدمه:لا لحد هنا وخلاص قبل شوي ما خليتي كلمه ما قلتيها لي وراشد حبيبي ومدري وش.
ام فهد:اي عاد هذا راشد زينة البيت.
رائد وقف:خلي راشد ينفعك.
شهد:خذني معك.
رائد:وين اخذك انا رايح الاستراحه.
شهد:ومين رح يوديني السوق.
رائد مشى:روحي مع البنات.
شهد:حسبي الله عليكم من اخوان.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دعاء:وجع انت وهو.
خالد:شتبين انتي.
جود:خالد لا تستهبل ماعندنا غيرك كلهم يهود.
عتيق:جود حبيبتي الفاظك.
منى:وهي الصادقه.
عزوز:الحين بفهم ماحد رح يروح الشاليه غيرنا تتكشخون لبعض ولا كيف.
جود:لا ي شاطر بنات خالات شهد رح يجون.
ناصر:طيب البسوا من الموجود عندكم.
دعاء:بتودونا ولا شلون.
خالد:خلاص ي قلق بوديكم.
منى:انا قايله ولد اختي بار فيني.
خالد بهمس:والله ماهو عشانكم.
عزوز وقف:يلا خالد مشينا.
خالد وقف:بلا.
جود بصدمه:خير مو قلت بتودينا.
خالد:غبيه انتي شايفه الساعه كم بروح وارجع.
جود:اي احسب بعد.
خالد مشى:لا تحسبين.
منى:وانتوا ليه ما تروحون معهم.
الفيصل وقف:والله انا عن نفسي بروح انام.
دعاء:اتقي الله توك صاحي.
الفيصل:كيفي كيفي.
دعاء:انقلع انقلع.
جود:وانتو.
ناصر:قاعدين على قلبك.
جود وقفت:اصلا حنا بنخلي لكم البيت.
عتيق:على وين.
جود:بنروح لملاك.
ناصر:توه جدي طاردكم.
دعاء:ناصر ورا ماتروح تنام وتفكنا منك.
ناصر:قاعد على راسك انا.
منى:تصدق انك خربت.
ناصر:جايبه شي جديد انا من يوم بديت اماشيكم وانا خربان.
دعاء:حابه اذكرك من يوم عمرك سنه وانت تماشينا.
جود مشت:يلا يلا بنات هذا لو تهاوشنا معه ما خلصنا.
ناصر:فكه.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ملاك:سوير.
ساره:هممم.
ملاك:بتجين معنا السوق.
ساره:لا.
ملاك:ليه.
ساره:مالي خلق.
ملاك:متهاوشه مع احد صح.
ساره:ليه والي يعيش معكم يقدر يعيش بسلام.
ملاك:وش فيك من مزعلك.
ساره:اخوك.
ملاك:اي واحد.
ساره:مازنوه.
مازن دخل:هاهاها عن الغلط اشوفك بديتي تغلطي.
ساره لفت وجهه للجه الثانيه وهي تحاول تمنع نفسها من البكاء.
ملاك:وش سويت لها.
مازن:الحين الزعل هذا كله ليه قلت غطي شعرك.
ساره:.........
مازن:ردي.
ساره وقفت:ملاك انا بطلع انام وانتي اي شي تشترينه لك خذي لي معك.
مازن وقف قدامها:لا رح تروحين معهم.
ساره:عمي ممكن تبعد.
مازن:لا دام قلتي عمي يعني الزعل كبير.
ساره دمعت عيونها:عمي لو سمحت.
مازن بصدمه:ليه الدموع.
ساره غطت وجهها وبدا صوتها يعلى في البكاء على دخلت اخوانها واعمامها الي اسرعوا لها وتقدم لها نواف وهو يحضنها.
نواف:وش فيها قلب عمها.
ساره لا رد بس تبكي.
عبدالرحمن لملاك:وش فيها.
ملاك منهبله:مدري وش صاير بينها وبين مازن.
سالم:وش مسوي لاختي انت.
مازن:قلت لها غطي شعرك وهي زعلت.
ساره بعدت عن نواف وهي تبكي بكل ما اعطاها الله من قوه:قالي وهو ينافخ ويصارخ عليا ولو بيده كان طقني بعد.
عبدالرحمن رفع حاجب:مسوي مسيطر عليها.
مازن:ي ناس والله ما كان قصدي كنت معصب وما انتبهت.
سلمان:معصب تجي تصارخ فوق اختي هذه هي اختك قدامك صارخ عليها.
ملاك ضربته:وجع ي تبن.
سليمان:وهو الصادق خير تطلع عضلاتك على اختي.
مازن:اولا احترم نفسك وانت تتكلم ي قليل الادب انت وهو وثانيا مالكم شغل وانا وبنت اخوي نتفاهم.
نايف:ساره حبيبتي تبيني امردغه لك.
ساره وهي تمسح دموعها:ي ريت.
مازن:اقول يلا عن الدلع.
عبدالرحمن:انت ماتفهم انت.
مازن:صدق والله تراكم دلعتوها هي وملاك على اي شي تنزل دموعهن.
نواف:وانت وش حارق قلبك.
مازن:مو شغلك انت.
عبدالرحمن:اخر مره تبكيها المره الجايه والله لقول لسلطان واخليه يتفاهم معك.
مازن:يصير خير وانتي طلعي غسلي وجهك لانك رح تروحين معهن.
ساره بعناد:مابي.
مازن:محد ماخذ رايك وانا الي بوصلك وكل شي على حسابي.
ساره بخبث:والله لاخلي بطاقتك تصفر.
مازن:فداك ي روح مازن.
نايف:خلاص تصالحتوا.
ساره ابتسمت:اي.
نواف حضنها:ي زينها زيناه بنت اخوي.
ملاك بغيره:وبنت ابوك.
عبدالرحمن ضحك:يمه فديت الي يغارون.
ملاك:كنت مخططه اطبخ لكم بس بعد السحبه الي سحبتوها عليا مستحيل اطبخ.
نواف بعد ساره على طول واتجه لملاك:مافيه ازين منك ي روح نواف.
ملاك:اي المصلحه.
سالم:عميمه نبي نجرب طبخك.
ملاك:ترا بطبخ عشانك بس.
نايف:اي اشوف انتي تدلعين ولد اخوك عادي بس حنا ما يجوز ندلع بنت اخونا.
ملاك:كيفي.
سلمان:الله يعوضنا ي سليمان لا عمه تدلعنا ولا اعمام يدلعونا.
ملاك:عاد انتوا مافيه مثلكم عندي.
سليمان:لا تكذبين.
ملاك:والله اني احبكم اكثر من اعمامكم الخبل.
عبدالرحمن:اها اجل كذا.
ملاك:شرايكم تفارقوني عشان اطبخ.
مازن:متى بتروحون.
ملاك:بعد العصر.
مازن:خير بعد العصر ليه بدري كذا.
ملاك:لان مافيه وقت نبي نخلص بسرعه من السوق ونرجع نجهز اغراضنا ونام بدري عشان نقوم بدري.
نواف:طيب يلا.
ملاك:ساره تعالي معي.
سالم:لا حبيبتي لا تشغلين اختي.
سلمان:وبعدين ليه بتطبخين انتي وين الخدم.
ملاك:موجودين بس ابي اغير روتيني وكذا.
نايف:خلاص بلا كثرة كلام.
ملاك سحبت ساره ومشت:مع السلامه.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
عزوز بعصبيه:ي شيخ امش بس.
خالد:سلامات ابي اشوف خواتي.
عزوز:توك قبل شوي شايفهم.
خالد:عزوز لا تقعد تهذر فوق راسي قلت بدخل اشوفهم بسرعه واجي.
عزوز:وش بتستفيد بالله.
خالد:خواتي ي مسلم خواتي.
عزوز:انزل انقلع بسرعه.
خالد نزل:دقايق وجاي.
اتجه خالد لبيت ابوريان لقى الباب مفتوح دخل وهو ينادي:ي اهل البيت.
ام ريان:هلا بوليدي هلا.
خالد باس راسها:كيفك ي الغاليه.
ام ريان:بخير ي يمه انت شلونك وشلون صحتك.
خالد:الحمدلله ها يمه جاهزه لبكره.
ام ريان:اي يمه جاهزه.
خالد:ناقصك شي تبين شي.
ام ريان:سلامتك ي يمه.
خالد:وين خواتي.
ام ريان:فوق في جناح ريم.
خالد وقف:اجل انا استأذن بطلع لهن.
ام ريان:خذ راحتك.
اتجه خالد لجناح ريم ودخل بدون ما يدق الباب.
خالد ابتسم:ي خوات خالد.
ميلا:هلا هلا.
خالد اتجه لهم:اشتقتن لي صح.
ريم:جيت وجابك الله.
خالد جلس بينهم:قولي وش فيك.
ريم:يرضيك اخوانك يزعلوني.
خالد:وش انتي مسويه لهم.
ريم بزعل:حتى انت واقف معهم.
خالد حاس شعرها:بدين فقرة الدلع على اخوك.
ريم:تخلين وش مسوين لي.
خالد:وش.
ريم:ريان طلع قبل يومين وخذا معه ميلا وانا مارضى ياخذني معه.
خالد:ويبقى السؤال الي يطرح نفسه وش انتي مسويه له.
ريم بدلع:ولاشي هو مايحبني.
خالد:مين الغبي الي ما يحبك.
ريم:خالد يصير اجي اعيش عندكم.
خالد:يصير ي قلب خالد.
ميلا بزعل:اشوف انسحب عليا.
خالد حضنهم الثنتين:ترا ماقدر على دلعكم ي عيون خالد.
قطع اتصل عزوز وخالد فز بسرعه:يوه نسيته يلا انا ماشي واذا رجعت تفاهمت مع اخوانكم الي يزعلون عيوني.
ميلا بإبتسامه:في امان الله.
نزل خالد بسرعه وهو يسابق خطواته ركب السياره وعزوز حرك بسرعه وهو واصله معه...
خالد:ع.......
عزوز قاطعه:انكتم.
خالد همس:اعوذ بالله.
عزوز بعصبيه:قلت انكتم.
خالد لفه وجهه للجه الثانيه وهو يحاول يخفي ضحكته.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
نوره:راكان خير ماتشوف انك زودت فيها.
راكان:وانتي مو ملاحظه انك اربعه وعشرين ساعه في ذي الاسواق.
نوره:ي ربي وانت وش دخلك.
راكان:انا قلت مافيه.
نوره لفت على امها:يمه.
ام راكان:انا وش انا قايله لك.
نوره:قلتي اروح.
ام راكان:اجل خلاص ما عليك منه وانا مكلمه مازن يمر لك.
احمد ضحك:احيه راكان لو مكانك ماقعدت دقيقه.
راكان:افا ي يمه.
ام راكان:وهي معها حق تراك زودت فيها كل ما قالت شي ممنوع.
راكان:انا ادرى بمصلحتها.
ام راكان:وانا امها وتوني عايشه اذا خذا الله امانته تحكم فيها براحتك.
راكان باس راسها:بعد عمر طويل ان شاءالله.
ان راكان:خلاص اجل اسمع كلامي والتشدد ذا بطله ابوك الله يرحمه ما كان كذا ابد كان مدلعها اخر دلع لا تضغط عليها وانا امك.
راكان:ليه وانا مو مدلعها انا ما باقي الا اجيب القمر لعندها.
ام راكان:يشهد الله انك مو مقصر لكن خفف الحده ذي شوي.
راكان تنهد:تبشر بلي يرضيها.
نوره باست راسه:الله يخليك لي ي احن اخو بالدنيا.
احمد تنحنح:وانا.
نوره ضحكت:وانت بعد.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رائد:شفيه ذا.
خالد:معصب ليه رحت اشوف خواتي.
مازن:وهو وش حارق قلبه.
عزوز:والله لو انه الوحيد الي معه خوات ما سوى كذا.
خالد:لا إله إلا الله شتبي انت.
عزوز:خويلد قسم بالله لو ما تنطم.
خالد:خلاص سكتنا.
شريان:الحين انتو كم بتجلسون في الشاليه.
صقر:اتوقع اسبوع.
شريان:مو ملاحظين انكم ساحبين عليا.
خالد:انت لو شدينا حيلنا شوي صرت من العائله.
رائد:تعال معنا.
شريان:ي شيخ طير بس.
خالد:جد والله تعال.
شريان:خير وش يجيبني اهل وطالعين مع بعض شدخلني انا.
مازن:تراك تعتبر منا.
شريان:لا ماينفع مارح تاخذون راحتكم.
اكرم:حبيبي رح تجي غصب عليك.
خالد:شوف هذا هو اكرم مو من العائله وجاي معنا.
اكرم:اقول احترم نفسك ي حيوان.
صقر:خويلد حدك على عمي.
اكرم:الحمدلله انك ذكرت اني عمك.
خالد:تصدق والله اني ناسي انك عمه.
مازن:اكرم اهلك بيجون بكره صح.
اكرم:اي ليه.
مازن:ولاشي بس اشتقت ل للمى.
اكرم:بتقعد قدامك اسبوع لين تكرهها.
خالد انسدح:بنام لين يأذن العصر صحوني.
مازن:مافيه نوم.
خالد:على تبن بس.
اكرم:وانا والله ابي انام رائد وش رايك تاخذ وديم معك.
رائد:وين اخذها.
اكرم:السوق مع البنات.
رائد:معصي من الصباح وهي قاعده تتفلسف على راسي وانا ما ابيكم ومن زين الطلعه معكم خالي اكرم بيوديني خلي خالها ينفعها.
خالد:اكرم نام ما عليك حتى انا بودي الجن الي عندي ننام لين العصر وقمنا.
اكرم انسدت جنبه:ولا نخس انت وهو.
عزوز:نام ي جعل لكم الي ماني بقايل.
مازن:امشوا نلعب بلوت.
شريان:قدام.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
في العصر.
شيماء:انتي هي مافي وقت قومي جهزي.
وديم:ليه.
شيماء:رائد في الطريق قومي.
وديم:بروح مع خالي اكرم.
مشاعل:يلا عاد بلا سماجه بنروح كلنا مع بعض.
وديم:توني بعقل تبيني اروح مع رائد وماعندي احد يدافع عندي تبيني اتصفق مثل امس.
شهد:على اساس اكرم ما يصفقك.
وديم:فديته خالي ماعمره مده يده عليا مو مثل اخوانكم.
شيماء:طيب حابه ابشرك ان اكرم معه يعني قومي جهزي.
وديم:عادي خالي رح ينتظرني.
رائد من الباب:ي اهل البيت.
شيماء وشهد ومشاعل لبسوا الحجابات عشان اكرم مع رائد.
شهد:ادخلوا.
دخلوا اكرم ورائد.
اكرم:وديم ليه مو جاهزه.
وديم:كنت احسب بس رائد الي رح يجي توني ادري انك معه.
اكرم قعد:طيب يلا قومي جهزي.
وديم قامت:دقايق بس.
رائد:انتن يلا قدامي.
اكرم:وين وين نروح كلنا مالي خلق اسوق.
رائد:لا ي شيخ بنت اختك بتقعد سنه تجهز.
اكرم:اقول انتظر بنت اخوك وانت ساكت.
شهد:طيب ليه جاي معه.
اكرم:توني صاحي من النوم والاخلاق قافله ف انطمي ازين لك.
شهد:الله اكبر وش انا قايله.
اكرم:شهدوه.
شهد:خير.
اكرم:الحين جد خالاتي بكره رح يجون.
رائد:للأسف.
اكرم:الله يعننا.
شيماء:اسكت لا تسمعك امي وتاخذ تهزيئه مثل رائد.
اكرم:انا مدري كيف خالتي تطيقهم.
مشاعل:خواته ي غبي.
وديم دخلت:انا جاهزه.
رائد:ليه كان تأخرتي اكثر.
وديم بنص عين:بروح مع خالي مو معك عشان تعصب.
رائد:لا ي روحي بتجين معي.
وديم:مستحيل.
اكرم وقف:ماعليك انا معك.
وديم:دام كذا تمام.
رائد:الله ي الدنيا صرتي تخافين مني.
وديم:وانت منو مايخاف منك.
رائد:شكرا.
وديم:عفوا.
اكرم:امشوا بسرعه.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
في السوق.
شهد:ملاك خذي ملابس كشخه مره.
ملاك بنص عين:وش قصدك يعني انا ماعندي ذوق.
شهد:بلا غباء تدرين ان خالاتي بيجون.
ملاك:اخخخ بس لا تذكريني.
شيماء:والله انتي الي معطيتهم اكبر من حجمهم.
ملاك:يقهرون.
ساره:يعني بكره بيكون في حماس واكشن.
ملاك:اقلبي وجهك بس.
ميلا:مع احترامي لكم ي بنات عمي بس ترا محد يطيقهم.
مشاعل:شعور متبادل.
منى:طيب الحين وش ناخذ.
اسيل:مابي فستان ابي اقعد براحتي.
نوره:طيب خذي الي تبين محد غاصبك على الفستان.
وديم:انا اقول اول نكمل اغراض ملاك بعدين اغراضنا.
دعاء:يلا طيب عشان يمدينا وما نتأخر.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رائد:شوفوا بس ماعاد به بنات يستحون.
مازن:لا تلومهم شايفين خالد موب اي احد.
ناصر:ي ذا الخالد الي مجنن البنات مدري على وش.
عزوز طلع جواله يصور خالد:فليشهد التاريخ على هذا الموقف وان ولد عمتي انسان مهذب.

اما عند خالد للي كان ماسك طابور عشان يطلب لهم ووراه في بنات الي انقلبت عندهم الايه وصاروا هم يغازلون.
البنت الاولى:شيك على جوالك ترا وصلك سنابي.
خالد:........
البنت الثانيه:ترا مايصير كل ذا الثقل ي جميل.
خالد رفع حواجبه:لا ي شيخه.
البنت الاولى:يمه بموت حتى الصوت يخقق.
خالد:اقول اختي الله يستر عليك مسافه بيني وبينك لو سمحتي.
البنت الثانيه:شدعوه قلنا حلو وتخقق بس عطنا وجه شوي.
خالد طلع من الطابور:حسبي الله عليكي انتي وهي ي الي ماني بقايل خلي الاكل لكن...ووخر راجع للشباب الي اول ما شافوا وجهه وهو معصب انفجروا ضحك.
اكرم بضحك:يمه ما اقدر حتى انا خقيت عليك.
رائد:صاير شبهه لنا ي ولد.
خالد بقهر:كل زق انت وهو واحد ينقلع يطلب وانت نزل الجوال لا اكسره فوق راسك.
عزوز نزل الجوال وهو يضحك:ي بختها زوجة المستقبل.
خالد:انقلع اطلب.
عزوز وقف:على ذا الخشم.
مازن:اي رح انت تعرف محد حولك.
عزوز:مشاعري ي كلب.
مازن:الحقيقه مره وانا اخوك.
عزوز مشى:وجع يوجع العدو.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

(*-ثم‌تشعر‌بالثقل‌وڪأنك‌تحمل‌الأرض‌على‌ڪتفك* .)

انتهى البارت..