في عينيكَ عنواني❤.

البارت الثالث........

يوم جديد اول يوم في العيد.
في قصر العم صالح..
إبراهيم:يبه تأخرنا الكل مشى ماباقي الا حنا.
ابوريان:خذوا خواتكم وعيال اخوكم  وتوكلوا وريان وحنا بنلحقكم.
ابتدوا يتفرقون كل واحد اخذ مكانه وتحركوا وكانوا اخر عائله تتحرك.

في سيارة ماجد كان الصمت سيد المكان.
راشد(تكلم بضيق):ابفهم ملاك ماحبت خوالها الي وقت العيد.
شهد:والله ان العيد بدونها مايسوى.
صقر:في إن في الموضوع ملاك لما كانت تروح عند خوالها لازم تاخذ واحد من اخوانها او خالد.
رائد:قلبي يقول ان فيها شي.
ماجد(بعصبيه):والله والله لو صاير في ملاك شي لاوريها نجوم الليل بعز الظهر.
وكان هذا الجو مسيطر على اغلب السيارات.

يعد ساعتين وصلوا المزرعه ونزلوا الاغراض راحوا الشباب لجناحهم والبنات لجناحهم والحريم يحضرون الغداء والرجال في المجلس.

ام سلطان كانت تضحك وتسولف ولاكأنها مسوي شي والكل كان ضايق ان ملاك موب معهم.
عند خالد الي اتصل على شهد...
شهد(ردت):هلا.
خالد:هلا شهودي كيفك.
شهد:يعني ماشي الحال وانت.
خالد:متضايق.
شهد:عشان ملاك صح.
خالد:اي.
شهد:كلنا متضايقين عليها.
خالد:انا مدري خالتي شتحس فيه الي اعرفه ان البنت وامها يكونون ضد زوجة الولد موب العكس.
شهد:مع احترامي خالتك موب صاحيه.
خالد:انشهد.
بعد سكوت قال خالد:اسمعي لما نرجع من المزرعه ونشوف حل لملاك بخطبك.
شهد:صدق؟!.
خالد:صدق ي قلب خالد صدق...بقفل خالتي الحين جايه عندي.
شهد:مع السلامه.
خالد:مع السلامه..قفل خالد وكانت ام سلطان متجها له.
ام سلطان:السلام عليكم.
خالد:وعليكم السلام.
ام سلطان:كيفك يمه خالد.
خالد(بهدوء):انا معلي خلاف ملاك وينها.
ام سلطان:عند خوالكم.
خالد(بنفس الهدوء):صدقيني لو صاير لملاك شي بتندمين.
ام سلطان:تهددني؟!.
خالد(وقف):مااهددتس انااحذرتس.
مشى وهو حاس ان في مصيبه اما ام سلطان مااهتمت لكلامه ورجعت عند الحريم..

عند الرجال.
رائد:بس الله ياخذ عدوكم احس بطني بتنفجر من كثر ماكليت وانتوا لسى مستمرين.
وليد:شعلينا منك.
إبراهيم(يحضن رائد):ي عمري كل شي الارئود.
خالد:اقول صلوح ونيوف ورا ماتزوجون عيالكم حالتهم خطيره ترا.
الجد:وجع استحى على وجهك تكلم عمانك كذا.
خالد:افااااا الشايب يغار ندلعك انت بعد كم دحوم عندنا.
عبدالرحمن(بنص عين):اثنين.
خالد:لا انا اقصد كم دحوم شايب.
الجد:خالد قوم انقلع من قدامي.
خالد(بمزح):والا.
ابوخالد(بحزم):خاااالد.
خالد(يمثل الخوف):الفزعه ي اعمام.
ابوفهد:افاااا ماعليك منهم.
ابوريان:انت في وجهنا.
خالد:اي كفو طلع ينشد الظهر فيكم.
ابوريان(بصدمه):ليه طايحين من عينك ي قليل الادب.
ابوفهد:محمد ي اخوي انت متأكد انك ربيته.
ابوخالد:بيني وبينك هو انا كنت اربي بس وين راحت التربيه لا تسألني.
وليد:هيه عن الغلط مااسمح لكم تتكلمون عن خلّودي.
الجد:قوم اذلف انت وخلّودك.
وليد:مافيه تراجع.
الجد:ابد.
وليد(يوقف):كيفكم انتوا الخسرانين.
خالد:ايه انتوا الخسرانين تعال وليدي خلهم يشبعون بقعدتهم.
وليد:قدام.
طلعوا خالد ووليد لكن ندموا انهم طلعوا كان عندهم الجو هادي قرروا يرجعون يمكن يخلونهم يقعدون.
خالد(دخل):سلام.
الكل:وعليكم السلام.
وليد(قعد):اخباركم عساكم طيبين.
ابوريان:من الاخر قعده مافيه ضف وجهك انت وهو.
خالد:افاااااا كذا تعاملنا ي عم.
وليد:هذا وانا ابوي مسافر والمفروض تحتووني.
الجد:بتذلف انت وهو ولااقوم احتويك انا.
وليد(وقف):اعوذ بالله منكم وش الاهل ذولا.
ابوفهد:تعال تعال انا احتويك ي ولد اخوي.
خالد:لا نايف بجلالة قدره يتنازل يحتوي وليد.
ابوفهد(سحب عقاله):لا انتو جلدكم يحككم.
ابوخالد:ربيهم وانا اخوك.
وليد وخالد قاموا يركضون لعند الحريم يحتمون فيهم..
الجده؛بسم الله الرحمن الرحيم وراكم تركضون كذا.
خالد:جده انتي عيالك ليه متوحشين.
الجده:وش سوا فيكم.
وليد(ينط عند الجده):جده انا ابوي مسافر المفروض يحتووني موب يقلبون عليا.
خالد:اصلا كله من زوجك الشايب.
ام خالد:ولد عيب.
خالد:وانا الصادق يمه محد قلبهم علينا الا دحوم زوجها.
الجده(تضربه بالعصا):قوم اذلف.
وليد:سبحان الله نفس الكلام هي وزوجها.
ام ريان:وليد وخالد قوموا من هنا وانا امكم.
وليد(يوقف):خالد تعال تعال ندخل داخل.
ام خالد:كملوا من الرجال والحريم دخلوا للبنات.
ام سلطان:الله يهديهم.
الكل:امين.