في عينيكَ عنواني❤.

البارت السابع......

شهد:الله يذكرك بالشهادة تصدق كنت ناسيه من عائلتي لدرجه رحت بيت الجيران اسألهم من عائلتي.
خالد:هاهاهاها صراحه تضحكين.
شهد:شكرا على اعترافك بسجله من ضمن الاعترافات المبهره.
خالد:انا دخلت غيبوبه لمدة شهر بس وانتي خلاص خربتي.
شهد:للاسف خلاص.
خالد:المهم ملاك وش قصته اخوك الي ظهر فجأه.
ملاك:مدري الي اعرفه انه توأمي.
ميلا:طيب تدرين وش صار.
ملاك:وش.
خالد:ولد خالتك رجع.
ملاك باستغراب:ميين؟!.
خالد:سالم.
ملاك بصدمه:نعم؟!!!!!.
ميلا:رجع وخالد بيسحب علينا.
ملاك:متى رجع وكيف عرفتوا.
خالد:لما رحنا ندفن امك الله يرحمها عرفنا واذا على كيف عرفنا عمي ياسر لما سوا تحليل DNA له ولمازن سحب دم من ابوي على اساس انه لي وسوا الفحص لسالم وعرفنا.
ملاك:ياذي العائله الغريبه.
خالد:تدرون وش اكتشفت.
البنات:وش.
خالد:انك ي ملاك خلاص ماعاد انتي بنت خالتي.
شهد:انا قايله انك صاحي من الغيبوبه بنص عقل.
ملاك:لا صراحه ولد عمي ذكي اكتشف شي محد قدر يكتشفه.

خالد سكت وهو يحاول يبتسم لانه كان منهد حيله من التعب وماحب يبين لأحد ويشغلهم عليه ومايبي ملاك تتذكر امها وتضيق زود فضطر يمزح ويتكلم عشان اهله.

بعد اسبوع بعد ايام العزاء الصعبه الي كانت ايام تهد جبال بالنسبه لمازن الي كان متعلق بأمه وسالم الي ماعرف احن منها بعد ام خالد طبعا اما ملاك الي كانت في حاله لا تحُسد عليها.

يوم الجمعه الي اصر ابومحمد يسوي عزيمه برجوع مازن وسالم وسلامة خالد رغم رفضهم الا إن الجد سواها بس بشرط منهم انها تكون عائليه....

في قصر ابوفهد...في جناح صقر...
شهد بصراخ:قوووم ي مسلم جمعه جمعه اذلف صلي وارجع خمِد.
صقر: انتي ليه اسمك بنت وين الانوثه في الموضوع.
شهد:بتقوم ولا انادي لك ابوي.
صقر:طلعي وسكري الباب.
شهد:والله.
صقر:اي والله.
شهد:هين ي صقير.

طلعت شهد وقام صقر يجهز في غضون خمس دقايق دخل جده الغرفه وكان في مراحله الاخير من التجهيز.

صقر سوا نفسه متفاجئ:هلا جدي هلا(واتجه يبوس راسه).
الجد:شهد تقول انك عييت تقوم.
صقر بتمثيل:افا ي جدي اليوم جمعه مايصير مااقوم.
شهد مجلوطه على الاخر:ي كذبك ي شيخ.
الجد:يلا يلا عجل..وطلع.
شهد:حسبي الله عليك.
صقر:انتي هيه جمعه لا تتحسبين عليا.
شهد:نذل مثل خوالك.
صقر:خوالي هم اخوانك يلي ماتستحين وابعدي عن الطريق.
شهد:ان ماندمتك على الي سويته مااكون بنت نايف.
صقر:عساك على القوه.

في قصر ابوسلطان...في جناح ملاك كانوا اخوانها وعيال سلطان متجمعين عندها بعد ماجهزوا بس باقي ابوسلطان.
ملاك:شباب والله اني ضايقه.
وليد:والمطلوب.
ساره:ليه مانسافر.
ملاك:خاطري بسفره ترد الروح.
نايف:لا تنسون ان ذي الفتره ابوي واعمامي مضغوطين بالشركات ولو تطلعون السماء وتنزلون الارض ماخلوكم تسافرون لحالكم.
ملاك:اجل نكشت.
سالم:وخالد.
ملاك:وش فيه.
سالم:توه طالع من المستشفى.
سطان:والاكيد انه تعبان.
وليد:لا وين اخوه سالم يقول فحصه كذا مره مافيه شي الحمدالله ولاعند اي كسر يعني يقدر يجي ويلعب ويجنن براحته.
مازن:طيب نبي كشتة شباب مانبي شيبان.
نايف:اذا مافيه الا شباب مايصير نكشت لان لو كشتنا اكيد بنام هناك ومعانا البنات مانقدر.
ملاك:ي زينك وانت ساكت.
سلطان:اجل الموضوع عندي بقول لهم ان عازم الشباب في الشاليه بدون الكبار وبكلم فهد وريان يساعدوني في الاقناع.
سلمان:طيب سلطان بتقولون لهم بمناسبه وش.
سلطان رفسه:ولد انا ابوك مانيب صاحبك.
عبدالرحمن:صدق والله وش بتقول لهم.
سلطان:سهله بقول عشان سلامة خالد ورجوع سالم ومازن والعيد الي ضاع.
مازن:وعيال خوالكم موجودين كمان تصير حجه رابعه.
سلطان وقف:اجل يلا لا نتأخر على الصلاه وانا اليوم في بيت جدي بكلمهم بس ها الكل معي.
مازن:معك ي ابو سالم معك الحمدالله اخوي المتزوج الاب موب عاقل اذا انا ماعليا شرهه.
وليد:وش مصبر ابوي علينا الا سلطان.
مازز:اسمعوا ابسألكم سؤال بس ابي الرد الصادق.
الكل:ابشر.
مازن:نواف اخوانا.
نواف انصدم:نعم!.
مازن:ي اخوي وراك كذا نفسيه يعني لو تلف العائله لف ماتلق واحد عاقل غيرك.
نايف:الحمدالله انك فتحت الموضوع لان من زمان كان ودي افتحه المهم انا نايف ياسر اُعلن انفصالي وانسحابي بجميع حقوقي وممتلكاتي عن المزعوم انه توأمي نواف ياسر هل من شهود على هذا التصريح.
مازن:انا الشاهد الاول.
وليد:وانا الشاهد الثاني.
نايف:الشهاده بدون إكره وتكون بالتكليف ي إخوان.
مازن:اشهد انا مازن ياسر على عقد انفصال التوأم نايف ونواف وهذا القرار بأختياري دون إكراه وانا بالغ عاقل مسلم.
وليد:وانا كما قال الشاهد الاول.
سالم:تم وبحمد الله عقد الانفصال كل واحد في طريق واتمنى لكما التوفيق والسعاده.
الكل عدا سلطان وعبدالرحمن ونواف:اميين.
سلمان:باقي عقد انفصاله عن العائله.
سليمان:هذه الخطوه شغله يعني لازم نمرر العقد على العائله كلها للتوقيع على الموافقه.
ملاك حضنت نواف:اقول انقلع انت واياه هذا نواف زينة البيت هذا الأساس.
نواف بهدوء:ملاك لا تجاملين وهم الصادقين.
الكل انصدم هم كانت نيتهم مزح بس لان محد يعرف شخصية نواف وانه حساس جدا ماكانوا حاسبين حساب انه بيزعل ولو واحد بالميه.
مازن:نواف ا....
نواف قاطعه:الصلاه بتبدأ يلا مشينا لا نتأخر...طلع نواف وسلطان اما عبدالرحمن عطاهم نظره خلاهم يكرهون المزح وطلع وراهم ولحقه الكل بهدوء وتكهرب الجو اما ساره وملاك قاموا يجهزون بضيق.