في عينيكَ عنواني❤.

البارت العشرين......

الصباح في بيت ابوسلطان.
ملاك:اففف ي ربي بكره الملكه وربي متوتره مره.
شهد ضحكت:لا تحسسيني انك اول مره بتقعدين معه.
ملاك:شهد جد والله خايفه.
شهد:ملاك شرايك نتكلم بعدين لاني بروح مع رائد الحين نشتري الشبكه.
ملاك:انقلعي حسبي الله عليك من بنت عم.
شهد:خير لا تتحسبين.
ملاك:اقول انطمي بس ولا وحده فيكم فيها خير.
شهد:اصلا الشرهه على الي ياخذ ويعطي معك ي حماره..وسكرت في وجهها.
ملاك بصدمه:سكرت بوجهي الله ياخذ إبليسها.
ساره دخلت:ملاك.
ملاك بعصبيه:نعم خير وليه ماتدقين الباب قبل تدخلين.
ساره:بس بس خذي نفس وش فيك معصبه.
ملاك:ساره يصير اكنسل الملكه.
ساره بصدمه:هاه.
ملاك:اكلمك جد.
ساره:هي انتي صاحيه مستوعبه وش تقولين.
ملاك:مدري احس خايفه خلاص مابي اتزوج.
ساره:ملاكوه عن الهبل تبين يذبحونك.
ملاك:ليه شفيه بقول لهم استخرت مره ثانيه وما ارتحت.
ساره:اي وتوك تتذكرين انك تستخيرين.
ملاك:اي اي.
ساره لفت لباب:جابكم الله تفاهموا مع اختكم المهبوله.
نايف:وش فيه.
ساره:والله اختكم توه تتذكر تستخير وحست انها مو مرتاحه عشان كذا تبي تكنسل الملكه.
مازن بصدمه:صاحيه انتي.
ملاك:اي نعم.
عبدالرحمن:اقول استريحي بس ي المطفوقه محد قال لك توافقين على طول.
ملاك:المعنى.
وليد:المعنى ان كان ودنا نقول تبشرين وان كان ذا رايك حنا معك ووراك بس اسفين مانقدر.
ملاك:ليه؟!.
نواف:لانك حماره توك تتكلمين انك ماتبي وانتي اول ما كلمناك وافقتي على طول تقول كنتي تستنين ذا الخبر.
ملاك:اقول انقلع انت وهو الشرهه عليا الا احسب ان وراي سند.
مازن:توكلي بس الملكه بكره ي فالحه.
ملاك:عادي بقول لابوي.
نايف:اي قولي له عشان يمحط العقال على ظهرك تمحيط.
ملاك:انكتم.
عبدالرحمن:ملاك حبيبتي انتي خايفه ومتوتره وهذا شعور طبيعي تحسين في قبل الملكه.
مازن:ليه جربته انت.
عبدالرحمن سحب عقاله:لا بس ماعندي مشكله اخليك تجربه.
مازن:امزح امزح.
نواف:يلا حنا بنمشي وانتي قومي كملي تجهيزات ي عروس.
ملاك:اذلف اذلف بس.
نايف:على فكره واضح انك تبيه بس خايفه.
ملاك:ابي من؟!.
وليد:تبي ابوي تستهبلين انتي.
ملاك:وليدوه خير وش فيك من يوم دخلت وانت تهاوش.
وليد:كيفي.
ساره:ترا مافي وقت اتفضلوا برا لو سمحتوا.
مازن:ي عمري انا الي يطرد بإحترام.
ساره غمزت له:كيف اعجبك.
مازن:اكيد تربيتي.
وليد:لا حبيبي سارونه تربيتي انا.
مازن:عادي كلنا نفس الشي.
ساره:طلعوا ازين لكم قبل ما اخليكم تطلعون بالغصب.
نايف:لالالا الموضوع صار فيه تهديد والله وكبرتي ي بزر.
ساره تخصرت:اولا انا مو بزر ثانيا انا كبيره من زمان بس توك تلاحظ ي عمي المصون.
نايف:اعوذ بالله متى طلع لك كل ذا اللسان.
ساره:من يوم صرتوا عماني.
عبدالرحمن:افاا ي سارونه وش بلاك صرتي ما تحترمينا.
مازن:ماعليها شرهه اربعه وعشرين ساعه وهي مع ملاك وشهد ونوره ووديم اكيد بتصير معهم.
ملاك بنص عين:كل تبن لازم بكل شي تدخلون ملاك.
قالت اخر كلامها على دخلت ام سلطان.
ام سلطان:اي لانك راس البلا وساس المصايب.
ملاك بصدمه:انا.
ام سلطان:لا انا الحمدلله والشكر مدري وش لاقي فيك رائد عشان ياخذك والله اني فرحت انك بتتزوجين عشان ارتاح منك وبنفس الوقت زعلانه لاني بخسر خدامه مافي مثلها ما اقول الا الله يعين رائد عليك.
مازن بقوه:اختي ماهي خدامه لأحد وحطي المعلومه ذي حلقه بإذنك ملاك اميرة هالبيت فاهمه.
ام سلطان:ترد عليا ي مازن.
مازن:واهد البيت فوق راسك ان كانك تبين المذله لاختي لا والله ما عاش من يمس شعره منها وانا وراها.
وليد بحزم:مازن.
مازن:نعم خير لا تقول اسكت لاني مستحيل اسكت اذا انتو مارح تردون عليها فهذا الشي راجع لكم اما انا لا لو على موتي ما اسكت.
عبدالرحمن:خلاص اكسروا الشر.
مازن:قول لامك تثمن كلامها ونرجع مثل اول واذا تبونها حرب فأبشروا.
نواف:لا تتكلم بصيغة الجمع لان محد راضي على الي قاعد يصير.
ام سلطان:والله عشت وشفت جبتك على ذي الدنيا وكبرتك وخفت عليك وفي النهايه توقف مع ذي.
نواف وهو يسحب ملاك لجنبه:ذي الي تتكلمين عنها مستعد اني اوقف قدام العالم كله عشانها ما انكر فضلك عليا ولا خوفك عليا بس للاسف ملاك من صغرها ماحست بذا الشعور الا لما كبرنا حنا لما صرنا نخاف عليها من كل شي ونهتم فيها لما صرنا لها ام واب واهل وكل شي انا عندي استعداد اضحي بنفسي وراحتي لعيونها واذا كانوا اخواني خايفين منك وساكتين فاحب ابشرك اني تربيت ابوي وان لو تنمس شعر من ملاك والله لاقلب الدنيا فوق تحت.
ام سلطان ضحكت:ماشاءالله وتوك تذكر انها اختك وانك ما تخاف مني.
نواف:كنت حمار يوم كنت ساكت امي على عيني وراسي ولك احترامك وتقديرك خلينا حبايب وابعدي عن اختي.
ملاك بهمس:نواف خلاص.
نواف بنفس الهمس:لا ي روح نواف لا موب خلاص.
عبدالرحمن:نواف بس وانتي يمه اذا ما عليك امر ملاك تبي تكمل تجهيزات فلازم نتركها بروحها.
طلعت ام سلطان وهي كالعاده مسويه نفسها مسكينه وهي اخبث عباد الله ولحقوها العيال عدا نواف ومازن وساره.
ملاك بكت:نواف ليه سويت كذا ليه.
نواف حضنها وهو خانقته العبره:اسف ي روحي على كل دمعه نزلت منك وانا موب جنبك اسف على كل كلمه جرحتك وماقدرت اسوي شي اسف على هم تحملتيه اسف اني ما قدرت اكون لك السند الي كنتي تحتاجينه.
ملاك شدت على نواف:لا تتأسف نواف تكفى كل شي الا اني اسمع ذي النبره في صوتك.
مازن حط يده على كتف نواف:ملاك حبيبي احنا بنروح الحين وانتي حاولي تهدين ي عمري شوفي انا معك وابوي معك ونواف معك وسلطان معك وبكره بيكون رائد معك كلنا حولك ي روحي لا تهتمي لشي.
ملاك بعدت عن نواف ومسحت دموعها:خلاص انتو روحوا وانا بكمل تجهيز انا وساره والبنات بيجون بعد شوي.
مازن باسها:طيب ي عمري.
نواف:يلا يلا حنا بنروح قبل نتأخر وانتي لا تفكرين بشي.
ملاك:من عيوني.