في عينيكَ عنواني❤.

البارت الرابع عشر.....

اتجه وليد للشباب وملاك للبنات..
شهد:وين كنتي.
ملاك:عند وليد بنات حددوا الملكه.
البنات:متى.
ملاك:يوم الخميس.
ميلا:لا عاد ليه الاستعجال وحنا اليوم احد مايمدي.
نور:لا يمدي كلها ملكه موب زواج.
ريم:اتوقع بنرجع اليوم عشان يكون عندنا وقت.
دعاء:ملاك شوي شوي على وجهك لا ينشق من الابتسامة.
ملاك مسكت قلبها:بنات فرحااااانه.
اسيل:الله يتمم لكم على خير ي رب.
شيماء:الله ي ملاك بتاخذين اخونا.
ملاك ضحكت:خلاص ماشبعتوا منه عايش معكم طول حياته عاد اتركوا لنا مجال.
ساره بصدمه:لاااااا هالرائد خرب عمتي قبل يملك عليها.
مشاعل:الحين حنا لما نطلع للسوق بيكون معنا عروستين ي اخي والله فله.
ملاك:بس انا العروس الاول.
رسيل:وانا زواجي قبلك.
منى:الحمدالله و الشكر مشفوحات على الزواج.
شهد وقفت:بنات انا جوعانه من بتجي معي ناكل.
ملاك:انا.
جود:وانا.
نور:وانا.
دعاء:وانا كمان.
شهد:والباقيات.
ميلا:مانبي بنام.
ملاك:كيفكم....اتجهت شهد وشلتها للمطبخ.

في المطبخ..
رائد:وش ذا مافيه ولا شي ينوكل.
خالد:شباب والله اني تعبان وابي اي شي اكله لأن احس السكر هبط ولازم اخذ الابره.
وليد بخوف:لحظه لحظه بقول لاي احد يسوي لك اكل...طلع وليد وهو خايف على خالد ورائد ما كان اقل خوف من وليد.
جود:بسم الله وليد وش فيك.
وليد بسرعه:وحده تجي تسوي اكل لخالد بسرعه.
شهد بخوف:وش فيه.
وليد:يقول يحس السكر هابط ويبي اكل عشان نعطيه الابره.
شهد مشت بسرعه:انا بسوي له.
دخلوا كلهم المطبخ وصنموا مكانهم من الي شافوه..كان خالد وجه احمر ويحاول يتنفس بس موب قادر ورائد مع الخوف مايدري وش يسوي.
وليد بصراخ:خااااااالد.
اما شهد اتجهت له وهي تهزه على خفيف:خالد خالد.
ملاك بتوتر:علاج الربو حقه وين.
رائد:مدري مدري.
نور:شهد شوفيه بجيبه.
شهد دخلت يدها بجيب الجاكيت ولقته طلعته بسرعه وبدأت تعطيه العلاج واستمرت بالبخ تقريبا ٥ دقايق لين قدر يتنفس.
وليد حضنه بقوه:ليه كذا ي حمار خوفتنا عليك.
خالد بتعب:اول مره تجيني النوبه قدامكم عشان كذا خفتوا ولا هذا شي طبيعي.
شهد بعصبيه:حمار انت حمار قاعد بالمطبخ وكتمه.
خالد ببرائه:كنت ابي اكل.
نور:خلاص انت اطلع وحنا بنسوي لك اكل.
طلع خالد ووليد سانده واتجهوا لجهة الشباب اما رائد الي كان للحين تحت تأثير الموقف طلع لحاله ووقف بعيد ولحقته ملاك لانها الوحيده الي شافته.
رائد كان مغمض عيونه ورافع راسه للسماء سمع الصوت الي يموت فيه جاي من وراه:رائد.
رائد لف:عيونه.
ملاك:شتسوي هنا وليه وجهك لونه اصفر.
رائد:انتي ماشفتي خالد كيف كان بغى قلبي يوقف من الخوف اول مره اشوفه كذا.
ملاك:وانت ليه ماشغلت عقلك وعطيته علاج الربو.
رائد:مدري مخي وقف ذيك اللحظه كنت اتخيل لو يصير فيه شي وربي بموت.
ملاك:بسم الله عليكم الحمدالله عدت على خير ومره ثانيه كون انتبه وش تسوي في المواقف ذي.
رائد:الحمدالله انكم جيتوا ولا كنت انا ووليد سبب موته من غبائنا.
ملاك:المهم سمعت انك خليت الملكه يوم الخميس خير ان شاءالله.
رائد:والله انا واحد مستعجل ابيك تصيرين حلالي بأسرع وقت ممكن بعدين انا ماصدقت ان الاهل وافقوا وما تبيني استعجل.
ملاك:انننن روح بس للشباب.
رائد:مع اني ماودي اروح بس يلا كله كم يوم واكون عندك اربعه وعشرين ساعه.
ملاك ضحكت وهو تمشي:هذا لو خلوك اخواني.
رائد بصوت عالي:والله اخوانك نشبه.
ملاك:مثلك.
رائد:نعم.
ملاك:امزح امزح باي..ورجعت ركض عند البنات ورائد رجع عند الشباب وهو بيطير من الفرحه.
جود بعصبيه:وين كنت.
ملاك بكذب واضح:اتمشى.
نور بنص عين:اي تتمشين مع رائد.
شهد:استحوا شويه مابقى شي على ملكتكم.
ملاك:اقول انطمي انتي وتفكيرك المنحرف الاخ كان منلخم من الي صار مع خالد ولا تنسي انه كان عنده لحاله فطلعت اطمن عليه بس.
نور:ينقالك رقعتيها هي نفس الشي كنتي معه.
ملاك:مالكم شغل كملتوا الاكل حق خالد.
شهد:باقي شويه.
جود:عاد شهد اليوم المنقذه والطباخه حق خالد.
دعاء رفعت يدها وهي تدعي:ي رب ما تتم ملكتك انتي وسيف ويرجع خالد مثل ماكان وترجعون حق بعض.
البنات من قلب:امييييين.
ومن حظهم الزفت سالم كان عند الباب وسمعهم وهمس:والله لو تموت ي خالد ما خذتها او تهنيت بحياتك ومااكون ولد محمد ان ما خليتك تتمنى الموت..وسوا نفسه توه جا ودخل المطبخ.
سالم:هاي.
البنات:هايات.
سالم:شتسون.
شهد:اكل لخالد.
سالم:اها سووا لي معه.
جود بحده:ليه مكسر انت سوي لنفسك.
سالم رفع حاجب:شمعنى خالد تسوون له وانا لا.
جود بكره:هذاك خالد تعرف وش معنى خالد(وبنبرة سخريه)مو سالم.
سالم انصدم:سلامات انتي وش فيكِ عليا ماكل حلال ابوك وش الكره ذا.
جود:والله الكره والمحبه من الله ي اخ سالم.
سالم بقهر:هين ي جودوه هين.
جود باستفزاز:اعلى ما بخيلك اركبه.
سالم رمقه بنظره وطلع من المطبخ وهو مقهور منها.
دعاء:جود وش قلة الأدب ذي.
جود:ازين يستاهل.
ملاك:وش القصه ليه تكرهينه انتي واخوك.
جود:انا والله احسه يهودي يتمسكن لين يتمكن وتبون الصراحه خايفه على خالد منه.
شهد بخوف:ليه وش بيسوي له.
جود:مدري احس يبي يسوي اي شي يقهر خالد وخالد مايتحمل على طول ينقهر.
دعاء:تفائلي خير ولا انكتمي.
جود:عاد هذا احساسي وقولوا جود ما قالت.
ملاك:ما اتوقع يتجرأ يسوي شي.
دعاء وقفت:ماعلينا خلونا نطلع عندهم شوي.
شهد وهي شايله صينية الاكل:يلا.