في عينيكَ عنواني❤.

البارت العاشر.....

صباح يوم جديد واحداث جديده على ابطالنا.
في جناح البنات مافي صوت غير صوت الجده الي تصحيهم.
الجده بعصبيه:قومن يلي ماتستحين على وجهيكن عماتكن تحت وانتن نايمات.
شهد وهي تحت تأثير النوم:اففف وش جابهم ذولي.
الجده بصدمه:نعم وش قلتي.
شهد توها تستوعب:ابد سلامتك الحين بننزل.
نزلت الجده وشهد قامت هي والبنات يجهزون.

عند الشباب.
راكان:اقول انتو وش السوات وش يقوم ذولا الثيران.
مشعل ابتسم بخبث:شباب ناظروا(واشر على جرس انذار الحريق).
احمد ضحك:ي لبى قلبك ي شيخ.
اصيل:اي والله ي فاهمني.
مشاري راح بسرعه وضرب الجرس وراكان طلع صوت في الجناح وقاموا الشباب مفجوعين.
رائد بخوف:وش صاير.
خالد:مدري مدري خلنا نطلع ونشوف.
عند شلة راكان الي ماتحملوا منظر الشباب وانفجروا يضحكون وراشد شافهم وصرخ:ي كلاااااب.
وليد بعصبيه:قسم بالله تافهين.
مشعل ضحك:انتو خليكم على جنب مازن تعال ماخذ المخده معك ليه.
مازن قعد:مدري وقفتوا مخي حسبي الله عليكم.
عزوز:الله لا يعطيكم عافيه.
رائد:تستهبل انت وهو خالد لو صار فيه شي.
مشاري:هذا هو مثل الحصان قدامك.
اكرم:ربي لطف المره ذي انتبهوا ي امراض.
خالد:خلاص ماصار شي هذاني قدامكم.
فراس:متى جيتوا.
مشاري:قبل شوي.
راكان بصراخ وضحك:وخر عني ي غبي.
عبدالرحمن:خلاص برهوم وخر ذبحته.
إبراهيم:ازين خليه يتأدب.

عند البنات..
شهد:اي وحده اسيل واي وحده رسيل.
اسيل:والله حنا صبغنا شعرنا المره ذي عشان تفرقون رسيل صابغه بني فاتح وانا بني غامق.
نوره ضحكت:والله الي بينجلطون العيال ماعندهم اي دليل يفرقون بينكم.
اسيل غمزة لرسيل:بنات عندي لكم خبر ناااار.
البنات:وش.
اسيل:رسيل انخطبت والملكه والزواج بعد اسبوعين هنا بالرياض.
شيماء بصدمه:حلفي.
اسيل:والله.
ملاك:الله وناسه اخيرا في احد من الاحفاد بيتزوج.
شهد:طبعا اول مانرجع من الزرعه بنبدا نجهز عروستنا.
رسيل ضحكت:ودي استحي مثل ذولااك البنات بس ماعرف.
اسيل:ههههه مافيه انوثى وانا اختك.

عند الحريم..
ام خالد:ووافقتوا.
ام اصيل:اي الحمدالله امس ابو اصيل رد عليهم والملكه والزواج بعد اسبوعين.
ام سلطان:مايمدي البنت تتجهز الفتره قليله.
ام اصيل:لا ان شاءالله بيمدي وترا الزواج بنسويه هنا بالرياض.
ام فهد:يعني بتقعدون هنا شهر او اكثر.
ام اصيل:والله ابو اصيل يقول شهرين عشان شركته الي هنا.
ام ريان:ازين عشان نقعد مع بعض اكثر.
ام راكان:اي والله صادقه.

عند الشباب..
صقر:متى بترجعون.
اصيل:ابشرك بنقعد شهر وأكثر عشان زواج رسيل.
الشباب بصدمه:احلف.
اصيل ضحك:والله.
وليد:افا وحنا اخر من يعلم.
اصيل:اصلا امس ردينا عليهم.
خالد:ومتى الزواج.
اصيل:بعد اسبوعين.
رائد:ولد من هو وكيف طبعه وكيف شخصيته.
اصيل:ايمن ولد عمتي تعرفوه.
وليد:اما البزر ذاك.
اصيل:بزر بعينك.
وليد:لا قصدي الي اصغر مني.
عبدالرحمن:اقول اهجد انتو وهو لا تفضحونا متحمسين للزواج اكثر من البنات.
خالد ضحك:ما ننلام اول زواج من عندنا.
فهد رفع حاجب:وحنا ما ملينا عينكم.
رأئد:اقول اسكت بس لما تزوجتوا انتو حنا كنا صغار.
مازن:عاد انا هذا اول زواج احضره لأهلنا فالحماس الف لا حد يناقشني.