في عينيكَ عنواني❤.

البارت التاسع عشر.......

في السوق.....
اسيل:اقول انقلعوا يلا.
إبراهيم:مقيوله اعمل خير تلقى شر.
شهد:احلف وش الشر الي لقيته.
إبراهيم:ليه ما تخلونا نجي معكم.
شهد بصوت عالي:خير ان شاءالله ل......
سحبها ضاري وسكر على فمها:انكتمي حنا مو في البيت عشان تصارخين.
شهد بعدت عنه:ضاريوه تعال طقني هذا الي ناقص.
ضاري:شهد ي عمري انتي تراني عمك مو ولد عمك عشان ما تحترميني.
شهد بثقه:عادي كلكم نفس شي.
ضاري بقهر:انقلعي من قدامي لا ورب الكعبه اعلمك احترام العم زين.
شهد مشت:اكيد بمشي اجل وشو بقعد اقابلك انت وعيال اخوانك.
خالد بصدمه وهو يناظر عيال عمه نايف:اخو العيال اختكم كذا قليلة ادب.
رائد:شوف طال عمرك هي تجيها حالات كذا.
وليد:يعني الوضع طبيعي.
راشد:اي ماعليك طبيعي.
اكرم:طيب يلا وحنا وش بنسوي.
صقر:نجهز العريس.
رائد بسرعه:اي اي اي اي اي ا......
قاطعه مازن:خلاص افصل الشريط بنجهزك.
رائد ضحك:كفو عيال عمي يلا.
اتجهوا العيال للمحلات الرجاليه.

في الدور الثاني في محل الفساتين النسائيه.
ملاك بصدمه:شتبين انتي ترا كلها ملكه يعني اخذ فستان الملكه وبس.
شهد باصرار:بس رائد قال تجهزين للزواج.
ملاك:كلي زق انتي واخوك الزواج بعد سنه.
ميلا:ماعليك منها خذي فستان الملكه وخلاص.
شهد:ترا بقول لرائد.
ملاك:يمه خفت قولي على اساس بغير رأي.
شهد:مالت عنيده.
نوره جت لهم بعصبيه:وحده تروح تتفاهم مع بنت عمتكم لا وربي ارتكب جريمه فيها.
ريم:شفيها.
نوره:روحوا وتعرفون.
راحوا البنات لجهة رسيل الي كانت تتهاوش مع اسيل ودعاء.
اسيل بصدمه:زوجك ي غبيه.
رسيل:مستحيل البس كذا قصير مره.
شهد ضحكت:حلفي قصير اجل هاه.
رسيل بعناد:كيفي ما ابيه.
اسيل بنفس العناد:بناخذه.
رسيل بقهر:اي خذيه لك والبسيه قدام إبراهيموه.
اسيل بصدمه:نعم.
البنات ماتوا ضحك على ملامح وجه اسيل الي انقلبت 180درجه.
رسيل:الي سمعتيه.
اسيل:صبرك بس نوصل البيت.
رسيل تعدتها:طيب يلا حاسبي على حقك..وطلعت من المحل متجاهلتهم.
مرام ضحكت:حبيبتي اسول حاسبي بسرعه مانبي نتاخر.
اسيل بعصبيه:انكتمي انتي وهي..ورمت القطعه الي كانت في يدها وطلعت معصبه.
صوت من وراهم:احم ترا ذا مكان راقي.
وديم:شنسوي لك طيب.
الشاب رفع حاجب:شكلكن اول مره تجن مكان راقي عشان كذا مو قادرات تتصرفن بذوق.
شهد ثقه:والله اشكالك الي شكلها اول مره تشتغل هنا وعجبها المكان وقاعده تهايط بكم كلمه.
الشاب:نعم عيدي الي قلتيه.
ريم وهي رافعه راسها:لا يروح الماما انت بنات ال.....ما يعيدن كلامهن.
الشاب ضحك:لا كذا كثير كمان ما خذين اسم عائله غير عائلتكم تهايطون فيها.
ملاك:ترا بكلمه وحده وربي اخليهم يفصلونك من شغلك وبعدين روح دور لك على شغل في المكان الي يناسب شكلك.
الشاب ابتسم:ي حليك ي القزمه ترا المول ذا كله تبعي.
ملاك:اقول انطم ي الزرافه وراك تنسب أملاك الناس لك.
الشاب:حلو على اساس رديتيها.
مشاعل:توكل بس لا تعطلنا.
الشاب يقلد ملاك:ترا بكلمه مني اخليهم طلعونكم برا المول بكبره.
جود مشت بثقه:جرب.
الشاب:قدها.
جود:وقدود واعلى ما بخليك اركبه.
الشاب:والله.
جود:اي والله يلا بنات مشينا..طلعوا البنات وعين الشاب ما فارقت جود الي تحدته.
حس بيد انحطت على كتفه:شفيك.
الشاب:ابي اطرد ذولاي البنات.
عبدالله خويه:طيب اطردهم.
جابر:المشكله انهم بنات ال.......
عبدالله:مافهمت وضح.
جابر:رجال عائلتهم اصحاب عائلتنا من زماان.
عبدالله:خلاص اجل احترم نفسك.
جابر:ي اخي عليهم ثقه لا إله إلا الله.
عبدالله يمشي:من حقهم بنات ال......
جابر مشى وراه:اي والله صدقت.
عبدالله:وانت خل عندك ثقه مثلهم تراك من طبقتهم.
جابر:انت تدري اني ما احب المظاهر ولا احب اتباهى بفلوسنا بس هن اجبروني وشكلهن متكبرات مره.
عبدالله:ماعلينا تعال نشوف الحسابات حق باقي المحلات.
جابر:يلا.