I'll secret love you ✧ (Completed)

Ep26 : ព្រោះមិនអាចកាត់ចិត្តបាន

   #ភោជនីយដ្ឋានJ.Y

   រាងតូចឈានជើងចុះពីឡានតាក់សុីហើយបោះជំហានយឺតៗដើរចូលទៅខាងក្នុងភោជនីដ្ឋានដ៏ធំសម្បើមនិងល្បីឈ្មោះខ្លាំងប្រចាំតារាងនៅក្នុងក្រុងសេអ៊ូល នេះជាលើកទីមួយដែលគេចេញមកខាងក្រៅបង្ហាញខ្លួនក្នុងភោជនីយដ្ឋានដ៏ល្បីល្បាញនិងមានតម្លៃកប់ពពកយ៉ាងនេះវាហាក់ដូចជានេះជាបទពិសោធន៍ថ្មីសម្រាប់គេ កម្លោះតូចស្ថិតក្នុងឈុតគ្រ័រហ្សេរឹបចង្កេះពណ៌ទឹកប៊ិកនិងមានអាវធំពណ៌ខ្មៅគ្របពីខាងក្រៅ ដៃតូចស្រឡូនលូកទាញវែនតាសថ្លាមកពាក់ធ្វើឲគេប្រៀបបាននិងមនុស្សពីរនាក់ផ្សេងគ្នា ថ្ពាល់គេមានបិទបង់ពណ៌ផ្កាឈូកស្រាលធ្វើឲមើលទៅប្រសើរបន្តិច។

   "អត់ទោស! លោកគឺលោកគីម ថេយ៉ុងមែនទេ?"អ្នកមើលការខុសត្រូវជាន់ផ្ទាល់ដីរត់មករកថេយ៉ុងដោយផ្ទៀងតាមរូបថតដែលជីនយ៉ុងបានឲគាត់ ក្នុងរូបថតនិងខាងក្រៅមើលទៅខុសគ្នាឆ្ងាយណាស់ព្រោះក្នុងរូបថតថេយ៉ុងមុឺងម៉ាត់ហ្មត់ចត់តែនៅខាងក្រៅគេដូចជាហៃសូបែបសុភាពរៀបសារ។

   "ត្រូវហើយគឺខ្ញុំ"

   "អញ្ជើញមកតាមខ្ញុំ អ្នកប្រុសជីនកំពុងរងចាំលោក"គាត់ដើរនាំមុខថេយ៉ុងដើរសម្តៅទៅជណ្តើរយន្តរួចគាត់ក៏ចុចទៅជាន់ទី6នៃអាគារ វាជាដំបូលអាគារតែម្តងងាយនឹងស្រូបយកខ្យល់អាកាសថែមទាំងមានអាងហែលទឹកនិងតុដ៏ប្រណីតសម្រាប់ញុំាអាហារគយគន់ទេសភាព។

   ជណ្តើរយន្តបើកថេយ៉ុងក៏ដើរចេញទៅតែម្នាក់ឯងចំណែកអ្នកមើលការខុសត្រូវគាត់ក៏ចុចចុះមកធ្វើការងារគាត់វិញ ថេយ៉ុងបោះជំហានយឺតៗចម្លែកចិត្តជាមួយទិដ្ឋភាពពេលនេះ គេឃើញជីនយ៉ុងកំពុងអង្គុយរងចាំគេនៅលើកៅអីលើកកែវស្រាក្រេបតិចៗ នៅលើតុមានម្ហូបរៀបចំរួចជាស្រេច4-5មុខនិងមានផ្កាកុលាបពណ៌សមួយបាច់ផងដែរ។ ជីនយ៉ុងគ្រាន់តែងាកមកឃើញថេយ៉ុងភ្លាមធ្វើឲគេភ្លឹកភាំងមិនដកភ្នែកសម្លឹងទៅទិសផ្សេង គេមិនធ្លាប់ឃើញមនុស្សប្រុសឯណាស្អាតបែបនេះពីមុនមកទេ! គេមិនធ្លាប់គិតថាមនុស្សប្រុសអាចចងចិត្តគេឲឈ្លក់វង្វេងសឹងកើតឆ្កួតថ្នាក់នេះទេ ពិតជាមិនគួរឲជឿ!