I'll secret love you ✧ (Completed)

Ep43 : កាច់បំបាក់ម្រាមដៃអូនព្រោះបងស្រឡាញ់អូន

   "សុីនវ៉ុន!"ថេយ៉ុងប្រញាប់រត់ទាំងឈឺរបួសទៅតាមសុីនវ៉ុនហើយស្រវាចាប់ដៃគេជាប់បញ្ឈប់ដំណើរគេសិនបើគេនៅតែកម្រោលបែបនេះច្បាស់ជាដោះស្រាយអីមិនបានទេ នាយកម្លោះតូចព្យាយាមសម្រួលអារម្មណ៍ទុកភាពទន់ជ្រាយមួយឡែកព្រោះពេលនេះជាពេលវេលាគ្រោះថ្នាក់សម្រាប់គ្រប់គ្នាគេមិនអាចនៅបន្តយំយែកបានទេ។

   "យកយ៉ាងអុីទៅអាគារអង្គភាពសម្ងាត់ឲជីមីនព្យាបាលនិងពិនិត្យចង្វាក់បេះដូងគេជាបន្ទាន់ ខ្ញុំនឹងត្រឡប់ទៅវីឡាវិញ"

   "លោកមិនអាចទៅតែម្នាក់ឯងបានទេ"សុីនវ៉ុនគ្រវីក្បាលតិចៗខណៈថ្ពាល់ដាបជោគជាំដោយតំណក់ទឹកភ្នែក បើថេយ៉ុងទៅមិនខុសអីពីរត់ចូលរូងខ្លាទេអាម្សៀជីនយ៉ុងនោះមានទាំងលុយនិងអំណាចហើយនៅពីក្រោយខ្នងគេមានឪពុកដែលជាម៉ាហ្វៀដ៏កំណាចឃោរឃៅទៀតចង់ចាត់ការគេពិតជាពិបាកទៅរួចពេកហើយ។

   "ប្រាប់យ៉ាងអុីឲចាំខ្ញុំ..ប្រាប់គេឲឆាប់ដឹងខ្លួន ខ្ញុំនឹងត្រឡប់ទៅមើលថែគេ ខ្ញុំនឹងផ្តល់គ្រប់យ៉ាងដែលគេចង់បានហើយលោកកុំប្រាប់គ្រប់គ្នាពីរឿងនេះឲសោះ ពួកគេត្រូវការពេលដើម្បីព្យាបាលរបួស"ថេយ៉ុងនិយាយតែប៉ុណ្ណឹងគេក៏ប្រញាប់រត់ទៅរកជណ្តើរយន្តដែលហៀបនឹងបិទទ្វារទៅហើយនោះដោយមិនភ្លេចញញឹមលើកទឹកចិត្តសុីនវ៉ុនជាលើកចុងក្រោយ សុីនវ៉ុនបានតែខាំមាត់សង្កត់ចិត្តធ្វើតាមថេយ៉ុងបើទោះគេដឹងថាថេយ៉ុងក៏មានរបួសធ្ងន់ជាប់ខ្លួនស្រាប់ក៏ដោយ។

   ថេយ៉ុងឈរក្នុងជណ្តើរយន្តខណៈកែវភ្នែកថ្លាយ៉ង់សម្លឹងភ្លឹកមើលទៅលើបណ្តោយឲទឹកភ្នែកស្រក់តាមចិត្តឈឺចាប់អួលណែនក្នុងទ្រូងពិបាកពណ៌នានោះមួយខ្យល់មុននឹងគេលើកដៃវាសទឹកភ្នែកហើយចាប់ផ្តើមបិទភ្នែករៀបគម្រោងបន្ត លើកនេះបើទោះជាមានវិប្បដិសារីតែគ្រប់គ្នាត្រូវតែមានជីវិតត្រឡប់មកវិញឲទាល់តែបាន ជាពិសេសគឺជុងហ្គុក! គេត្រូវតែនាំជុងហ្គុកចេញពីនរកគ្មានស្រមោលនោះឲទាល់តែបាន!

   ថេយ៉ុងហៅតាក់សុីជិះត្រឡប់ទៅវីឡាវិញក៏ឃើញថាជីនយ៉ុងនៅឈររងចាំគេនៅមុខភូមិគ្រឹះរួចជាស្រេចព្រមដោយកូនចៅឈុតខ្មៅរបស់គេប្រមាណ6នាក់ នាយកម្លោះតូចខាំធ្មេញអូសជើងដើរយឺតៗចូលទៅរកជីនយ៉ុងទាំងអារម្មណ៍ច្របូកច្របល់ជម្ងឺរបស់គេស្ទើរតែត្រឡប់មកវិញគ្រប់ពេល ថេយ៉ុងឈរនៅចំពោះមុខជីនយ៉ុងស្របពេលជីនយ៉ុងលូកដៃមកចាប់ផ្ងើយចង្កាគេឡើងទាំងញញឹមស្រស់ហាក់គ្មានអារម្មណ៍ខ្វល់ខ្វាយអីបន្តិច គេដឹងថាថេយ៉ុងច្បាស់ជាមកវិញដូច្នេះទើបគេមិនចង់ខាតពេលជិះទៅតាមហើយរងចាំនៅទីនេះតែម្តងចង់ដឹងថាបន្ទាប់ពីឃើញរូបភាពនៃសភាពយ៉ាងអុីក្លាយជាបែបនោះហើយក្មេងតូចមាត់រឹងដូចជាថេយ៉ុងនិងភ័យខ្លាចយ៉ាងណា។