I'll secret love you ✧ (Completed)

Ep42 : យ៉ាងអុី..កើតអី?

   ថេយ៉ុងស្រវាអូសបន្តោកសេរ៉ូមដើរថយក្រោយសម្តៅទៅរកបន្ទប់សម្រាកព្យាបាលព្រោះគេគ្មានពេលច្រើនទេ គេប្រញាប់បើកទូរសម្លៀកបំពាក់ជីមីនហើយយកអាវគ្រ័រហ្សេមួយកំផ្លេមកបម្រុងនិងពាក់តែដោយសារដៃគេជាប់សេរ៉ូមទើបគេបង្ខំចិត្តដកម្ជុលសេរ៉ូមលើដៃខ្លួនឯងជាលើកទី100ហើយក៏មិនដឹង។ ពេលផ្លាស់សម្លៀកបំពាក់រួចថេយ៉ុងក៏ដើរទៅដាស់សុីនវ៉ុនព្រោះថ្ងៃនេះពួកគេត្រូវទៅផ្ទះជីនយ៉ុងជាមួយគ្នា ថាមិនត្រូវគេនាំជុងហ្គុកចេញពីផ្ទះម្សៀនោះហើយឲសុីនវ៉ុនទទួលយ៉ាងអុីត្រឡប់ទៅវិញយ៉ាងហោចក៏ត្រូវមានហេតុផលសមស្របប៉ុន្មានហេតុផលដែរ។

   ថេយ៉ុងប្រើឡានរបស់ជីមីនជំនួសព្រោះឡានសុីនវ៉ុនដាបដោយឈាមពួកគេមិនទាន់បានយកទៅលាងសម្អាតនៅឡើយទេ នាយកម្លោះតូចអង្គុយក្បែរតៃកុងហើយសម្លឹងមើលទៅផ្លូវដែលស្ទះនៅខាងមុខទាំងអារម្មណ៍អណ្តែតអណ្តូង គេចេះតែនឹករឭកដល់ជេហូបស្ទើររលីងរលោងទឹកភ្នែកមិនឈប់ទាល់តែសោះ គេស្ទើរឆ្កួតចិត្តម្តងៗទៅហើយ!

    "លោកស្រឡាញ់យ៉ាងអុីខ្លាំងទេ?"ថេយ៉ុងស្រាប់តែនឹកឃើញសួរសំណួរមិនត្រូវកាលៈទេសៈចេញមក គេងាកទៅមើលមុខសុីនវ៉ុនដែលញញឹមជាប់រហូតតាំងពីនៅទីស្នាក់ការគ្រាន់តែឮគេប្រាប់ថាថ្ងៃនេះគេនឹងនាំយ៉ាងអុីត្រឡប់មកវិញហើយធ្វើតាមសន្យាដែលគេធ្លាប់និយាយជាមួយសុីនវ៉ុនតែលើកនេះគេចង់ធ្វើឲលើសសន្យាព្រោះមនោសញ្ចេតនារវាងសុីនវ៉ុននិងយ៉ាងអុីពិតជាគួរឲកោតសរសើរណាស់។

   "គេជាជីវិត ជាបេះដូង ជាកែវភ្នែករបស់ខ្ញុំ គេជាអ្វីគ្រប់យ៉ាងរបស់ខ្ញុំ បើសួរថាស្រឡាញ់គេខ្លាំងទេគឺខ្ញុំមិនដឹងឆ្លើយយ៉ាងម៉េចទេព្រោះចំពោះគេខ្ញុំលើសពីស្រឡាញ់ទៅទៀត"សុីនវ៉ុនព្យាយាមទប់ស្នាមញញឹមដក់ជាប់ផែនថ្ពាល់ហើយឆ្លើយទៅថេយ៉ុងឥតស្ទាក់ស្ទើរមួយម៉ាត់ គេស្ទើរតែមិនរំពឹងថាគេមានជីវិតអាចត្រឡប់ទៅជួបយ៉ាងអុីម្តងទៀតទេ តាំងពីដឹងគម្រោងថេយ៉ុងមកគេគិតថាគេច្បាស់ជាស្លាប់មិនខានតែចុងក្រោយទេវតានៅតែមានមេត្តាប្រោសប្រណីជីវិតគេដដែល។

   "គេចូលចិត្តអីគេ?"

   "លោ..លោកសួរធ្វើអី?"