ONCE AGAIN

EPISODE 06

Episode 6

මම හිතන්නෙ මම කලින් හිටපු විදියෙන් මේ තත්ත්වෙට වැටෙන්න ඒක තමා හේතුව උනේ.

ඊයෙ රෑ හැමෝම නිදාගත්තෙ බිම පේන්ට් නැති කෑල්ලෙ.උදේ හතරට හැමෝම නැගිටලා ලෑස්තිවෙන්න ගත්තම තමයි ඔක්කොම ජරමර පටන් ගත්තෙ.ලමයි නිශ්ශබ්ද කරන්නම සීනි කෝප්පෙටයි මටයි හෙන වෙලාවක් ගියා.කොහොමින් කොහොමහරි පහ වෙද්දි හැමෝම ලෑස්ති වෙලා මිදුලෙ පෝලිම්.... කෝප්‍රල් දෙක ගිහින් පෝලිම් වෙලා ඉන්න ලමයින්ගෙ යුනිෆෝම් ටෝච් එලියෙන් හැදුවා... හැමෝම පිලිවෙලට ඉන්න ඕනේනේ.

අද උදේම තියෙන්නෙ කමඩාන්ට් ටෙස්ට් එක... ලමයි හැමෝගෙන්ම ඊයෙ රෑ හොදට ප්‍රශ්න අහන්න ජනා අමතක කලේ නෑ... අපේ ලමයි ටිකට ඒක ගොඩදාන එක ලේසි වෙයි කියලා මම විශ්වාස කලා.

"එහ් ජනා මං ලස්සනයි නේහ් "

ජනාගෙ කනට කරලා මං ඇහුවා.

"ඔව් බන් ලස්සන දැකලා උබේ මැණික උබව දැකලා වඩාගෙන ගහයි හොදේ.... අපි නම් එන්නෑ බේරගන්න "

"අපෝ එන්නත් එපා දුප්... පොඩ්ඩක් කවර් කරහන් එතෝට පැත්තෙන් ඉදන්"

"ශිකේ බන් උබව නම් හදන්නම බෑ "

කමඩාන්ට් ටෙස්ට් එකට ගියාම අපිට කතා කලේ කුසපත් අංක පිලිවෙලට... අපිට හම්බුනේ කුසපත් අංක 3. අපි එනකොට එතෙන්ට කුසපත් අංක 2 ඇවිල්ල තිබ්බෙ නැහැ.ඒත් කුසපත් අංක 2ට කතා කරනකොටම සෙනූගෙ බෑන්ඩ් එක කලබලේ මාච් කරගෙන එනවා..ශුවර් එකටම නින්ද යන්නැති... ඒ කාලේ මතක් වෙලා මටත් දැනෙන්නැතුව පොඩි හිනා පාරක් කට දෙපැත්තෙන් ඇඳුනා.

ඔය අතරෙ සෙනූගෙ බෑන්ඩ් එක ඔෆිසර් කෙනෙක්ගෙන් පලු යන්න බැනුම් අහනවා.මං ඒත් හීන ලෝකෙ අතරමං වෙලා.මට කිසිම දෙයක් ඇහුන්නෑ.... පිටිපස්සෙ හිටපු ජනා පස්සට දුන්න කික් එක නිසා මාව හීන ලෝකෙන් හැබෑ ලෝකෙට ආපහු ගොඩබැස්සුවා.

කොහොමහරි ටෙස්ට් 8 න් ටෙස්ට් දෙකක් ඉවර උනා ඒ දවස ඇතුලත.. රෑ කන්ෆරන්ස් එකට යන්න ජනයි මමයි ලෑස්ති උනා.සර්ට හදිසි වැඩක් වැටිලලු.... ශුවර් එකට බොනවා ඇති අත් දෙකේ දෙකයි කටේ එකයි ගහන්... අපි දන්නැද්ද මෑන්ගෙ හැටි ගොටුකොල බස්සා.