[⚠️: အောက်ပါဇာတ်ဝင်ခန်း၌ ကလေးသူများနှင့်အသက်မပြည့်သူများ ဖတ်ရှုရန်မသင့်လျော်သော ကြမ်းတမ်းရိုင်းစိုင်းသည့် စကားလုံးများ၊ဇာတ်ဝင်ခန်းများပါဝင်သည်။ This chapter includes Spicy sense. ]
မိုးရာသီသို့ တဖြည်းဖြည်းကူးပြောင်းလာသည့်အတွက် ဒီနေ့ရာသီဥတုက တစ်နေကုန် အုံ့မှိုင်းလျက်၊ ညနေမှာတော့ မိုးတဖွဲဖွဲရွာသွန်းရုံသာရှိနေသည်။
" ဂျယ်ယွန်း ကျွန်တော့်ကိုပြောစရာရှိတယ်ဆို ဘာများလဲ "
နှစ်ဦးသား ညစာစားနေကြစဉ်တွင် ဆောင်ဟွန်းက သိလိုစိတ်ပြင်းပြစွာ မေးမြန်းလာသည်။ တကယ်လည်း ဂျယ်ယွန်းက အရေးကြီးပြောစရာရှိတယ်လို့ ဆိုထားတယ်လေ။
ထိုအခါ ဂျယ်ယွန်းသည် အောက်နှုတ်ခမ်းကို ခပ်ဖွဖွကိုက်ပြီး မသက်သာဟန်ဖြင့် သက်ပြင်းချတယ်။ အဲ့ဒီနောက် လက်ထဲကဇွန်းခရင်းကို ပန်းကန်ပေါ်နေရာချ၍ ဆောင်ဟွန်းကို စိုက်ကြည့်သည်။
" ညစာစားပြီးရင်ပြောမယ် "
" ကျွန်တော် အဆင်ပြေပါတယ်။ ဂျယ်ယွန်း ဖုံးကွယ်မထားဘဲ ပြောလိုက်ပါ "
" အွန်း အဲ့တာဆိုလည်း ငါတို့ကွာရှင်းရအောင်။ အစကတည်းက တစ်ယောက်နဲ့တစ်ယောက် ကြိုက်နေကြတာမှမဟုတ်တာ။ အခုကိစ္စတွေလည်း အကုန်ပြီးပြီဆိုတော့ ငါတို့ပတ်သက်စရာမလိုတော့ဘူးထင်တယ် "
" ဂျယ်ယွန်းက အဲ့လိုထင်နေတာလား "
ဆောင်ဟွန်းသည် ခပ်အေးအေးနှုတ်ထွက်ဆိုလာပေမယ့် သူ့၏အညိုရောင်မျက်ဝန်းတွေမှာ ဒေါသအရိပ်အယောင်တွေက အထင်းသား။ သူဟာ ဂျယ်ယွန်းကို လုံးဝမကွာရှင်းနိုင်ပါ။ ဂျယ်ယွန်းက သူ့အပိုင်ဖြစ်တာကြောင့် ဒီလိုမျိုးကိစ္စကို ခွင့်ပြုနိုင်စရာအကြောင်းမရှိဘူး။
ချက်ချင်းပင် ဆောင်ဟွန်း၏ချောမောသော မျက်နှာထားက တင်းမာနေလျက် သွေးအေးအေးနဲ့ကြောက်ဖို့ကောင်းနေသည်။
မျက်နှာချင်းဆိုင်က ပြောင်းလဲသွားတဲ့ဆောင်ဟွန်းကြောင့် ဂျယ်ယွန်းမှာ ခန္ဓာကိုယ်လေး တုန်ရီသွားတယ်။ သူဟာ ဆောင်ဟွန်းထက် အသက်အများကြီး,ကြီးပေမယ့် ဘာကြောင့်ထိတ်လန့်နေမိမှန်း မသိတော့။
YOU ARE READING
𝟭𝟵 | SungJake
FanfictionSim Jaeyun is a co-ceo of SIM entertainment but his parents forced him to marry Park Sunghoon , retired professional athlete , is asshole and possessive . Language - Burmese 🇲🇲 (Zawgyi & Unicode) Type - FanFict...
