မနက်စောစော ကြက်တွန်သံနောက်မှာသူလည်း နှိုးလာခဲ့၏။အိမ်ပြန်ရောက်စဉ်အတွင်း အိမ်အလုပ်လေးများကူလုပ်ပေးမည်ဟု စိတ်ကူး
ထားတာကြောင့် တဝါးဝါးသမ်းပြီး အိပ်ယာထဲက ထလိုက်သည်။ခြေလက်ဆေးမျက်နှာသစ်ပြီးနောက် မီးဖိုချောင်ထဲဝင်လာခဲ့သည်။မိဘတွေကတော့ မထသေးပေ ၊ အငယ်ဆုံးလေးကတော့ ကလေးပီပီအစောကြီးနှိုးလာပြီး သူ့ထံသို့ရောက်လာသည်။
" နှိုးပြီလား ကလေးလေး "
ထမင်းအိုးထဲဆန်ထည့်နေရင်း သူမေးလိုက်သည်။
" အွန် "
မျက်နှာကိုပွတ်သပ်ပြီး အငယ်ဆုံးလေးလည်း မျက်နှာသွားသစ်သည်။သူလည်း ထမင်းအိုးတင်ပြီး ညကကျန်သည့်ထမင်းကြမ်းတွေကို ခြေမွ၍ ကြော်ဖို့လုပ်သည်။ရေခဲသေတ္တာထဲသွားကြည့်တော့ ကြက်ဥခြောက်လုံးလောက်ရှိသည်။ထို့ကြောင့် ထမင်းမကြော်ခင် ကြက်ဥတွေကိုအရင်ကြော်လိုက်သည်။၎င်းနောက်မှ ထမင်းကြော်လိုက်၏။
ကျက်သွားသည့် ထမင်းကို ဆွမ်းလောင်းဖို့ခူး၍ အာရုံဆွမ်းတင်၍ဖယ်နေချိန်တွင် အမေလည်းနှိုးလာသည်။
" အစောကြီးနှိုးနေတာလား "
သူ့ကို မေးလာ၏။
" အင်း ၊ ဒီအချိန်ထနေကြဖြစ်နေလို့ "
ခဏနေတော့ အငယ်ဆုံးလေးပြန်ရောက်လာသည်။
" ကိုကိုးကြီး ထမင်းကြော်ကျက်ပြီလား "
" ကျက်ပြီ "
သူ ကလေးကိုထမင်းတစ်ပန်းကန်ခူးပေးပြီး ကြက်ဥကြော်တစ်ပြားထည့်ပေးလိုက်သည်။ညကဟင်းတွေကိုတော့ နွေးပြီး ပန်းကန်လုံးထဲထည့်ထားလိုက်၏။သူလည်း ကလေးဘေးတွင်ထိုင်၍ အဆာပြေအနည်းငယ်စားလိုက်သည်။
လင်းကြက်တွန်သံသည် တစ်အိမ်ပြီးတစ်အိမ်ကြားလာရသည်။ခုတ်သံထစ်သံနှင့်အိုးဆေးသံတွေလည်း ကြားလာရ၏။မနက်စာအတွက်အလုပ်ရှုပ်ကြပြီထင်သည်။
သူတို့ကတော့ မနက်စာအတွက်ဟင်းချက်စရာမလိုတော့ပေ။ညက ဟင်းတွေအတော်များများကျန်သေးသည်ဖြစ်ရာ နွေးပဲနွေးလိုက်သည်။ထိုအချိန်တွင် အမေသည် မုန့်အိုးကိုကိုင်၍ အိမ်ရှေ့ထွက်သွားသည်။
YOU ARE READING
ဆွေးမြေ့ ( Complete )
Teen Fictionအချစ်ဆိုတာ ဘာလဲမေးရင် အရာအားလုံးလို့ ဖြေမိမှာပဲ။ဘာကြောင့်လဲဆို သူနဲ့ဝေးခဲ့ပြီလို့ တွေးမိလိုက်တဲ့အချိန် အရာအားလုံးပျောက်ကွယ်ပျက်သုဉ်းသွားရလို့ပဲ။
