(ارجوان الماضي)
صار الغداء وفرشنا سفرة وحده بالصاله ما شاء الله كل عمامي ولدهم وبناتهم يكعدون
لا اني وحيده مفتقده الاب والام ولاخت ولاخ
كل واحد يصيح فلانه وينها لو بابا تعالي اكعدي يمي
حسيت بخنكه حاولت ما أبين دنكت وبلشت اكل او احاول اكل حالي حالهم
يسولفون واني مو يمهم ابد.
عمي ابو حسين حجه بابه روجنه اكلي
اخخ لمن كال بابا حسيت بنغزه بكلبي ما رفعت راسي لان بس ارفع دمع توكع ما اريد لا اكسر خاطر أحد ولا احد يعطف عليه
دا اكل
حجيتها وكعت دمعتي بالكاع بقيت مدنكه شويه واستذنت غسلت ورجعت بدن يشيلن المواعين بلشت اشيل وياهن المواعين
غدير غسلت واخذت جاي لزوجها وصعدت فوك
دنيا صعدت هم
هبه صبت الجاي ودته الهم
بأن وياي تساعدني
صاحتها امها
ام حيدر : ولج بأن ملابس ابوج ما غسلتيهن
بان: يا نسيتهن بالغساله
ام حيدر : الفاهيه ما اعتمد عليجن
بان: رايحه روجنه عوفيهن إذا تعبانه
روجنه: لا حياتي ماعندي شيء روحي هبه لتهت ويا زينب بنت غدير
نكسر ظهري واني اغسل كومه مواعين
دخل حيدر لمطبخ
حيدر: شكاعد سوين البنات وين
روجنه: ليش البنات وحد حالي من حالهن
حيدر: لا مو حالج من حالهن انتي تختلفين انتي تكعدين معززة مكرمة
روجنه: ليش اختلف
حيدر: بعدج تعبانه مو مال شغل صار وياج مو شويه
روجنه: دنكت وبديت اشطف المواعين
حيدر:حتى لو ما تحجين اني اقرء عيونج
تعبت حيدر احس مختنكه والله
حيدر: ريت التعب بيه حاس بيج والله
بجيت واني احجي
حيدر شلون إذا امي صار عليه شيء اموت والله
تقرب مني مسح دموعي وحجه لا تخافين انتي بس ادعيلها
والله ادعيلها اني اضيع من دونها بأس راسي ودخلت دنيا
اني بسرعه درت وجهي ومسحت دموعي.
هي دخلت سكته
هو حجه
لا يضل بالج خابرت احمد واصلين بس بأجر الفحص مالتها هسه هي حالينا بالمستشفى وأحمد يمها
هزيت راسي
حيدر: لا تبجين ولج ترجع بالسلامه لا تفاولين عليه وين فقار عنج يشبعج تصنيف
