منار' تمددنه على الجربايه طفيت الاضويه بقت ضوه التيبل
اكلج روجنه هسه اني حجيت القضه والمضه انتي ما حجيتي شيء عنج.
ارجوان: دنكت ودمعه بعيني
منار' والله ما احجي افتحي كلبج بلكي ترتاحين
ارجوان ؛ جنت اريد احد يسمعني غير فقار مو كل حجي ينحجي يمه
منار' ما تامنين بيه دكيت على الهاجس فتح خط
ارجوان: لا والله مو هيج اصلا انتي صرتي اختي واكلنا سوه توقعين ما أمن بيج بعد الحجي لي حجيتي ليه
منار' يكلبي انتي والله وعد الحجي تحجي ما يطلع
( كلت بكلبي اني و الهاجس وبس ربي سامحني حكم القوي على الضعيف )
ارجوان: اني مدمرة لا عبالج اكل واشرب وعايش لا كلبي ينزف دم والله.
منار اني تعبت من يوم عافوني اهلي
منين ابديلج وين جنت عايشه
اب وأم وعائله سعيدة الكل يحلم بعائلتي ام واب واحد يحب الثاني مزوجين عن حب
وتخلي السعادة لي جنه عايشين بيها
امي كرديه وأبوي عربي حب حب بحيث صارت مشاكل والدنيا كامت ما كعدت
بس بابا اخذها وشوفين شلون يموت. عليه
جنت اني صديقه بابا وجان كل ما يضوج
يكعدني لا اغنيله
جان يصفن ويروح لغير عالم واني لمن اسكت يكلي عيدي
جنت حتى لو مريضه يكلي غني جنت اضحك اكله صوتي رايح يصر لا اغني ويكوم يضحك
واني اضحك واكله تضحك عليه اروح اجيت بحضنه وادغدغ بي
تجي امي تكوم تحجي عليه تخاف اخاف اعدي
واعاندها وارجع بحضنه
وهو يضحك تكوم تغار مني تكله تحب بنات أكثر ويكوم يضحك عليها يكلها يا مره بناتج هذن
منار' فعلا صوتج حلو قبل شويه لمن غنيتي بدلي ما سكتين
ارجوان: اني اشوفه عادي
منار' ههه لا مو عادي حنين بشكل
ارجوان ؛ مادري المهم
ماما حبابه كلش
علمتنه كلشي لا الحقد جانت ما تقبل نحجي على أحد ابد لو عدونا ما نحجي عليه
وداىما تكول سامحوا واطوا فرصه هيج علمتنا
جانت بيبي ما تحبنه لان ابوي زوج امي وشرط جدو جان تعزل بيت فجانت تكول لماما اخذتي ابني جانت تحقد علينا وتضربنه لمن نرجع لبيت ونحجي لماما متقبل وذب الصوج بينا تكول انتوا سوون وكاحه
عمود لا نحقد على بيبي وفعلا ما شلنا بكلبنا لا الطيبه الزايد لي تعم علينا
تعرفين شيء أحسد كل واحد ما يسامح واحسد كل واحد كلبه قاسي
منار: اي صح الطيبه زايده تاذي
ارجوان: كلش تاذي
منار : اخوج فقار بالرضاعه كلتي
ارجوان: اي تعرفين ربج كل شيء خال سبب يعني لو ما بهذاك اليوم أمه رضعتني جان هسه اني وين ومنو الي
تعرفين كل مرة يدخل لبيت بيها احمد الله واشكره أن هو اخوي ما شفت امان لا وياا
صالي كلشي اخ ولاب ولام وسند والأمان
مرات اكول لو ما هو اني وين اروح شيصير بيه
