أَشدُد حيازَيمكَ لِلمَوتِ فَإِنَّ المَوتَ لاقيكا
وَلا تَجزع مِنَ المَوتِ إِذا حَلَّ بِواديكا
فَإِنَّ الدِرعَ وَالبيَضةَ يَومَ الرَوعِ يَكفيكا
كما أَضحكَ الدَهرُ كَذاكَ الدَهرُ يُبكيكا
فَقَد أَعرِفُ أَقواماً وَإِن كانوا صَعاليكا
مَساريعٌ إِلى النَجدَةِ لِلغَيِّ مَتاريكا
الامام علي (ع)
___''
دخلت لبست جبتي اريد اطلع
هجان' اريد احجي وياج
ارجوان ' دخلنا اني والهاجس لاستقبال اخوانه موجودين
هجان" شويه واجي
ارجوان: راح ورجع بيده جنطه بيده دفتر. كعد وجان صوته مبحوح وغصه بي
هجان: جانت تدري يجي هاليوم ما تلتقي بيج
اخذت لها فترة تكتب يومياتها بهذا الدفتر
حملتني امانه انطي الج
وراء ما الفاتحه خلصت صار عندي فضول اعرف جانت كاتبه قريته وياريت ما قريته
ارجوان ' دنك وكام يبجي كام يمه الهاجس هو يصبر بي
الهاجس" كول يالله ياخوي
هجان' اذتني كلش تعبتني ماريد كلشي ماريد تعبت والله تحرم عليها الدنيا من بعدها
الهاجس " هذا أمر الله كلنا على هالطريق
هجان, ما ريد عمري يطول اريد كون بساع بساع مثل ما رحت هيج اني وراها
الهاجس" صلي على محمد يمعود اسم الله عليك بعدين عندك بنيه خطيه شنو ذنبها المفروض انت هسه صير لها اب وام عوضها
ارجوان ؛ كام يضرب كصته ويبجي اني شبعت بجي حضنه الهاجس يصبر عليه
الهاجس " صبر أن الله مع الصابرين
هجان' ما اكدر اصبر طكت روحي لك ٧ ايام مرن وهي مو يمي ويا خوفي تمر سنين واني هيج اضل لا اشوفها ولا اموت
الهاجس : هذا يومها شنو بيدنا ياما دفنه عزازنا
بجينه ولطمنا يفيد والله ولا يفيد قراء قران صلي وذكر الله هاي بعد أخذ الاقوى منه اخذ الامانه
هاي جانت يمك امانه
أن الله وانا اليه راجعون
كل من عليها فان ويبقى وجه ربك ذو الجلال والاكرام
اخوي ما أوصيك شد حيلك
هجان: هاج خويه هاي الامانه وهاي ملابس رق رق
ارجوان ' مسحت دموعي باوعت لهاجس ما افتهمت شنو
هجان" رقيه من اليوم انتي مسؤاله منها امانه اختج امنتنيها قبل لا تموت نطقت بيها
ما اكدر اكسر بحجايته رق رق اعز من روحي لو ضلت عليه اخليها بعيوني بس ما بيدي شيء
ارجوان" كمت ابجي واشهك ما اتحملت الين عبالك شالت جبل وانطته إليه
مهند" هجان تعرف شتكول شتحجي رقاوي تنطيها شلووون
عمي ما تكدر له اني اربيها والله اصير لها كلشي
