أرجوان: بان خابرت عمود اجي يمهم صادف يوم الاربعاء كالت نعزل البيت لان هبه حنتهة الخميس بأن اخذت إجازة من دوامها
كوه توسلت بالهاجس ما قبل كلي بليل أمر عليج كتله تمام رحت يوم الاربعاء الصبح
هم صادف ماعندي امتحان على الاحد
طبعا هبه مكمله حافه ومجهزة نفسها ماعدها شيء شمرت عليها جهالي
سدينه الغرفه عليه بلشنا اني وبأن نزلنا البردات وغيرنا ديكور الاسقبال والبنكات خليت البردات غسلتهن وبأن نظفت الجام.
نشفن وشريتهن بالسطح اني بلشت بالمطبخ
دخل فقار جان بالدوام ونزل قبل إجازته عمود هبه
دخل
فقار" لا لا واني اكول البيت منور اثاري بنيتي هنا
ارجوان: يبوو يمه جعلني فدة هالهيبه حضنتها وبسته
فقار" شسوين بويه شعندج شادة حزامج
ارجوان ' بأجر حنته هباوي وبأن ما تكدر خطيه خابرتني البارحه كوه لحوت قبل اجي
فقار' وينها
ارجوان: ههه حنيت
فقار' طك كلبي ولج
ارجوان ' صعدت جيب البردات بالسطح
فقار' بلا شال مو
ارجوان: يمكن يريد يروح لزمته بداعتي لا صيح عليها هز رأسه
بان: بعد الصار رجع عادي وعبالك نسة سوه
هبه ولا كنما بالبيت ٢٤ ساعه موبايلها وتفتر تطبخ تخابر لو تتراسل ويا ياسر
اني دوام ونفس الروتين اشوف فقار بالعشه مرات يم جماعته جمعه وسبت هو يغير جو مرات يطلعنه يكعد يسولف على جماعته ويا عمو الأمور ماشيه
كلش شايله هم إذا تروح هبه
خايفه من قرب فقار وبنفس الوقت فرحانه هباوي تستاهل هواي تعبت
كلبها طيب هدواء ربي جبر بخاطرها ودزلها انسان يموت عليها وهي فرحانه بي كل ما سولف عليه تكلي اخاف أنصدم اني ما عندي حظ واكعد اقنع بيها وأكلها اشياء ايجابيه وتفائل
جهزت جهازة ام ياسر تمر عليه هي وزهراء بنتها ويروح لسوك واني على الجمعه اروح هم وياها
بأجر حنه هبه واجت ارجوان ساعدني بالتنظيف وغيرنا ديكور جنت لابسه تراك وبي كبوس اسود صعدت انزل البردات جنت سرحانه وصافنه على الحمام شكد بالسماء شمس حلوة وخاصه اذا بالشتاء احب الشمس مو مثل الصيف تحرك حرك.
صايرة البرده حاجز مادري وين صفنت على السماء ومنتجيه على الحبل لي عليه البردات.
ما حسيت لا نسحبت من وراء البرده عبالي ارجوان
بان ' هههه خررب لج كمزتيني حقيرة وخري تحوطت من وراء ظهري على بطني نفس صار بركبتي
منو دكه كلبي لمن مااجاني صوت ارجوان حسيت ولد
وخرر يمه روجنه ولججج روجنه عمووو كلبي يدك سريع سد حلكي بقى حاضني من وراء همس باذاني
فقار: هذا اني راح ينطرج لاخر نفس
بان' جمدت لمن عرفت فقار رخه ايد دارني عليه رفع أيده وجانت ترجف لزم خدي ومسح عيني بإصبعه ويمشي على رموشي
