ارجوان ' سكتت كتله احجي
الهاجس ' شحجي
ارجوان ' طلع لبكلبك سولفلي عليهم أو عليك
الهاجس ' ماريدج تاذين مثل هذاك اليوم
ارجوان ' عبالك ارتاح إذا ما حجيت
الهاجس: روجي هواي تعبت
ارجوان: احجيلي بلكي ترتاح
الهاجس: وانتي
ارجوان ' وياك لياذيك ياذيني ليتعبك يتعبني سكوتك يموتني
سحب ايدي وباسها
الهاجس ' دموعج يحركني فوك حركه كلبي فماريد اوجع كلبج صار راح بعد
ارجوان: بس اني اريد اعرف شنو عانيت من حقي اعرفك واعرف حياتك جانت وشنو الموقف المريت بي حقي مو
الهاجس ' حقج بويه بس اني علمودج
ارجوان ؛ مسحت على شعرة اسمعك
الهاجس ' منين ايدي
ارجوان: كمل شلون ردت تنتقم
الهاجس ' لهسه وبعد احس روحي ما اخذت بثارهم
اي كتلج من هذيج الحضه قررت انتقم القادة لا تخطيط يالله تنفذ ولا امر يالله اني كمت ما اخذ أمر من أحد
شيجي براسي انفذ بحيث ما انام الليل صعد اسمي تعاقبت مرة مرتين كال الأمر مرة الخ تنفصل
كتله عادي انفصل منا اروح لحشد منا كاموا يحجون عليه تريد تموت احنى نحتاجكم واحد يشتغل بعقل محاضرات وكلام هواي جنت شبه الفاقد
ماكو شيء براسي غير اخذ بثأر اخوتي
احس كلبي مجمر عليهم
كسروني والله
والقهر ما مستلم الجثث مالتهم
ومادري باي مكان ذابينهم
دفنوهم لو هيج ضلوا
كتلهم اريد ادخل ويا الدواعش شلون مادري دبروني لو اشتغل من راسي كالوا لا احنى نخط وانت نفذ
لان جان يموت عليه ومقدر وضعي هو جان فاقد اخوه بحرب ايران
كلي احس بيك وانت مصابك اكبر اثنين اخوتك
بس ابني اصبر واني اخليك تدخل بينهم وتخطط وتأخذ ثارك
تدريس وخطط وشغل عيون ما ضاكت نوم وجهي ما يكصه السيف
بس اريد ادخل استخبارات وأمه اجه ليوم ادخل بي
دخلت بنص داعش وصرت وياهم
ارجوان: شلون يعني صرت وياهم أكلك لهجه شلون
الهاجس ' كلشي درست لهجه واسلوبهم كتلج ليل ما نمته تخيلي أدق التفاصيل تعلمتها
ب٢٠١٥ لكيت اخواني لموهم الي بكارتونه تخيلي سلموهم لي هما ماتوا مر واحده اني
متتت الف موته
إخواني بيدي لامهم بكارتونه خالهم بحضني
يوسف وسيف ضحكهم شقاهم ماكو راحوا
تعذبت والله احس كلبي ماتت لذة ماكو حتى اعيش
عذبوني هواي
دخلت لامي كتلها هذوله ولدج
توقعين شفت شفتت امي طفله اي تخبلت عليهم ضرب عقلها
ماتعرف شيء تهلهل تركص تهوس تعيب ماتعرف شنو سوي صيح باساميهم
اخذتها بيدي لمستشفى مو متعاجز ولا ماكدر اداريها بس اريدها طيب
شايفه شعور لمن ادخلها لحمام وهي امي شفت كلهم ملوها وحقهم مالومهم لان تصرفاتها مو كل واحد يتحملها
بنات خطيه شبعن دك من يمها بحيث محد تقبل تفوت عليها
زين شلون ابقيها منوو لها
اني حسيت دفنت روحي وياهم دفنت عيوني هناك جانوا مرات لمن يتعاركون بيناتهم يكلولي هاجس احنى شنو بالنسبه الك
كتلم عيوني أشرت على عيوني هاي سيف وهاي يوسف اني بدونك اعمى
فعلا عميت بدونهم نعدمت حياتي وطلعت روحي من دنيا حسيتها شكد تافها هالانسان شكد يقسى ويظلم ويكتل وهو تاليتا بحفرة مترة لا تفيد الفلوس ولا الحرام يدوم الاحد
كلها تموت محد يبقى لأحد
بيت نهدم ما أكد افوت لها وبيوم لي مختنك ادخله اصفي كلبي بي واطلع اذب حملي بي واطلع
حاجاتهم ملابسهم غراضهم باقيه
شكد لحوه انطيهن
كتلهم والله انطي روحي ما انطيهم
تعبت والله محد يحس بيه
اخذت بثارهم بس كلبي ما برد
جنت اباوع بوجه الدواعش اكول منوو بيهم كتلهم
بحيث شكد دست على كلبي واكلت وشربت وياهم
في سبيل اذبح اكبر عدد منهم
