ولج كومي روجنه ولج هيووو اكعدي
شويه حباب شويه
ولج تأخرنا راح يفوتج الامتحان
اي اي شويه
والكفل زينب اجيب مي اذب عليج اكعدي يالله
اي كعدت باوعتله طلع رجعت تغطيت ما حسيت لا مي عليه كمزت واني ارجف
لا لا فقارررر
وهرش صوتج لج يالله اكعدي
اووف والله نعسانه
منتظرج بره خمس دقايق إذا ما جيتي اعوفج والله
اوف راح كمت بدلت وغسلت على سريع اخذت جنطتي وكتابي وركض لسيارة كمت اراجع
فقار: امتياز مو
ههههه لا مو امتياز
فقار: وليش لا
شوف صعبه هي وكال يبجي من صعوبتها
فقار: وانتي على الهوبزه يكولون صعبه تكولين صعبه ترى مو شرط تكون المادة صعبه عليج
شوف هو مو هيج مادة جافه ودكتور خبيث يكولون
فقار: شني ما شايفته
أرجوان:وين اشوفه هو اني مداومه بس الامتحان مالته داومت امتحنت وكفت علينا دكتورة هو جان ماكو
فقار: هاا زين انتي مجاوبه بي هذاك الامتحان
ارجوان: اي مجاوبه ولا نقطه عفت كلهم حليتهم الاسئله
فقار: عفيه بنيتي الشطورة
أرجوان: هههه ديالله بس اريد اراجع جرني من خشمي
اي فقار توجع والله راح يصير عندي نجراف بخشمي من وراك
فقار: هو خشم لو كرين
ارجوان: دشوف كصتك جنها ملعب الشعب
فقار: هههههه
أرجوان: طبك السيارة وين
فقار: اجيب جكاير
ارجوان: اويلي على الجكاير موتني بيهن ضحك ونزل جاب حليب وكيك وجبس.
فقار: هاج تريكي
ارجوان: ماريد
فقار: انجبي لا توكعين هناك
ارجوان: فتحت الحليب شربته وكمت اراجع لزمنه الازدحام وفقار بس يحجي عليه
فقار: استلمي شوفي الازدحام شيطلعنا هسه
ارجوان: واني شكو
فقار: جا ابوي الساعه اكعد بي
ارجوان: ديالله هو بس اليوم
فقار: سكتي يمعوده
ارجوان: كام يتافف منا لمن وصلنا لجامعه نزلت جانت ساعه ب٩ ال ربع هو الامتحان ب٩
مشيت على السريع
وصعدت ادور على اسمي بالقاعات
افتريت القاعات كلها اسمي ماكو يربي شلون
نزلت ركض لرئاس القسم اريد اكلهم وين اسمي
القسم فارغ كلها الدكاترة بالقاعات
اباوع لساعه عبرت لتسعه ما كدرت انفجرت من البجي
كمت اشهك ما اسمع لا صوت دكتور محمد
ارجوان شبيج
كوه حجيت من بين الشهكه دكتور اسمي ماكو صار ساعه ادور
