بان : اخذتني أمي وعمتي لبيت كوه غلط وسب وفشار وصلتني لبيت كتلتني تعبت واني منه مريضه كل ضربه تضربني اموت بيها ابوي تلكاني بلغلط اول مرة اسمع ابوي يتلفظ بهيج كلمات
يضربني اشيط لسماء
سواني كح* وساق" وماعندي تربيه تهمني بعلاقه ويا فقار شاهد الله عليه اني مو نفسي بي احلف لهم ماعندي شيء ويا كمت اعيط وابجي
ادعي على نفسي بالموت
اريد اموت تعبت اريد اروح يم ابني يم زوجي حبيبي عبد الله عافني لمن
حتى اهلي مااريد الأهل ما يوكفون ويا بنتهم حرام اكول عليهم أهل
كمت الطم على وجهي وابجي بكل ما عندي صوت.
حرام عليكم موتوني غلسووا عاركم اني عار
اني أكلكم موتني
امي تكرص بيه وضربتني تعايرينن تريدين يمه ولج سجن اخوج هذا ولج سجن ولد عمج يا ما تستحين شكول عليج امده هالبطن الجابتج لو ميته جان مرتاحه موتيني
سحلني ابوي لغرفه دفعني وقفل الباب انتهيت من البجي نمت وكعدت ظلمه الدنيا كمت ادك الباب وابجي نفتح الباب وامي ملختني
كتله موتوني دفعتني وكعت على ظهري كمت ابجي واشهك متتت شمرة بطل مي وخبزة وطلعت
ادعي وابجي فتحت كنتور اطلع صور عبد الله واشهك حبيبي انت وينك موتني ضعت بدونك والله
مشتاقتلك تعال أخذني خلصني منهم ابجي واصرخ سمعت صوت حسين جوه كمت اعيط حسيين طلعني منا صعد
حسين : تخبلوتوا حابسينها صدك تحجون
بان: ابوي يصيح لا تدخل بنتي واربيها طلعت من الطريق حسين كام يصيح ويغلط ويسب ويفشر وأبوي وامي يحجون عمي ابو مصطفى هم يحجي يكله خلي تتربه.
كمت اعيط دخلي ابوي بالحزام وحسين لزمه ويدفع بي شافني طلع يستغفر ويغلط ويسب
خله وطلع
اني كل ساعه تمر عليه اموت باليوم خبزة وبطل مي واتوسل اروح لحمام توكفلي كحب* دنيا وتغلط بسرعه خلصي
مرات غدير بس غدير ساكته بس عيونها تلمع ونضرته تباوعلي بقهر بس ما حجت ولا دافعت لي كتلها احجي تكلي تحملي واني لا صيحين
موتني بكلامها يعني مثل لي راضيه
ابوي دخل اول يوم وشلع الكلوب مال الغرفه صارت ظلمه هما يعرفوني اخاف من الظلمه. اكوم ابجي واشهك وانام واني حاضنه نفسي بس كل مرة اتحلم بعبدالله يجيني يمسح على راسي واني بالحلم اشكيله اكله موتوا ابني اريد اروح يمك تعبت ماجان يحجي ابد
بس يلزمني لو يمسح دموعي
افز الكه ماكو اكوم ابجي واشهك أريده تعبت من دونه ليش ماتت ليش عافني
ويصعد ابوي على عياطي ويكتلني
تعبت واخاف ظلمه كلش الغرفه مابيها شباك ذكرت روجنه هنا هم يدخل احمد يجنزها بنفس الغرفه كرهتهم ماعدهم رحمه هالبيت احس الله غاضب عليه والله ما يشوفون الراحه مدام مخافه الله ما عدهم
صارت عندي حاله نفسيه دمرت اطلع لحمام اسبح والله نزف ياخذني اني منه هستوني طارحه ومنا ضرب اباوع لجسمي ازرك
مختنكه اريد هواء راح اموت ربي لو تأخذني وتخلصني
اليوم الرابع الي انتهيت على خبزة وبطل مي وعلاجي ما ماخذته بحيث يغمه عليه بالغرفه واكعد من وحدي
بطني ملختني
مادري ساعه بيش متت كلش جوعانه كمت اعيط اني عارررر ذبحوننني خلصوني غسلووا عاركم تعبتت فدوة موتتوني
صعد ابوي دفر الباب ضربني راجدي وكعت بالكاع لزمت رجله ابوس رجلك اذبحني اني أكلك اريد اموت موتني ريحني حباب بابا تعبت والله دفعني برجله
