ارجوان:صاعده بالسيارة وباوع على الجامه ساكته يحاول فقار يحجيني كوه اجاوبه بالي مو يمه
حتى ما اركز بحجيه
فقار: تحبين سمعين شيء
أرجوان' اي
فقار : هاج كنكي
ارجوان: اخذت جهاز منه وشغلت مال سنوات ضياع.
طفاج القدر يا شمعتي خلاني اجر بحسرتي
شلي بهل عمر يا دنيتي محسود على حظي وقسمتي
كمت ادندن وياها ودموعي تنزل على خدي
خلصت وعدتها
فقار ساكت ولا حجه شيء وكنما يريدني اطلع لي بكلبي بعدها خلصت اخذ جهاز
شغل مال هيثم مال احباب الروح جرحوني
اغنيته المفضله يموت عليها
كام يدخن واثنينه نغني ويا
مادري شكد بقينه نفتر. طبك على مطعم
ارجوان: ماريد عفيه إذا تريد انت عادي
فقار: لج بابا شنو متريدين تموتين شنو ترى خليتج براحتج كافي نوب توكعين عليه
ارجوان: والله ماريد إذا اجوع أكلك
فقار: نروح لجسر
ارجوان: هزيت راسي اي.
فقار: تمام
ارجوان: رحنه لجسر بليل وهواء بارد يجنن اضويه وبس صوت السيارات. تقربيا ب١٠ ساعه وكف فقار يدخن
فقار: ليش اليحب صدك ما يتهنه بحياته ودوم مشلوع كلبه
ارجوان: حظنه هيج اختارينا الأشخاص الغلط
فقار: متندمه
ارجوان: اي لدرجه اتمنى أفقد الذاكره وانت
فقار: لا اني عكسج اتمنى يرجع بيه الوقت ومعترف لها
ارجوان: ليش اني هيج دائما ماعندي حظ
فقار' ليش تحجين هيج
ارجوان: احس ابقى طول عمري اعاني
فقار: لا تفكرين هيج كلما ضاكت تفرج أن شاءالله ربج ما يخلي حمل مطروح
ارجوان: ونعم بالله بس والله تعبت احس مالي طاقه اكمل بعد كل ما اكوم على حيل تجيني سالفه ترجعني لصفر.
كلش تاذيت احس كلبي خلص بعد
فقار' ما بقى شيء والله صبري بس شهر ماريد أكثر ارجوان: ليش ما حجيت ليش
فقار: لان ما يستاهلج ولج والله اظفرج يسوه والله لخلي طول عمر يتحسر عليج والله لخلي يبجي دم
ارجوان: ماريده بعد الله يوفقه
فقار' الله ما يوفقه مادام اذاج
ارجوان: مو بس آذاني كسرني وذلني بكلامه كلش ضغط عليه. جنت اتمنى بس يصدكني توسلت بي عمود يسمعني والله اجيت ابوس أيده
محد رحمني
فقار: يروحلج فدوةة خلي تفيد دنيا هي دواء والله
ارجوان: اي فعلا
فقار: ام خشم امسحي دموعج راح تنعمين
ارجوان: ههه انت شبيك ويا خشمي
