(ارجوان الماضي )
فقار من جان مراهق يموت بأن هي متدري
مرة جان كاعد اذكر وجان عنده موبايل دوز يمكن اول نزلته ما اذكر بالضبط وجان صافن بي اني اجيت على كيف واخذت الموبايل وركضت لمن شفت الموبايل صورة بأن
نصدمت هو رتبك حجيت كتله بأن
بيومها لزمني ويحلف كون ما اكول لها وحلفتله وكعد بيومها يحجيلي لحد هسه اذكر حجيه
فقار : روجنه شوفي هي مجانت بالي بس ماعرف احس شيء يجذبني لها خفت وصرت ابتعد عنها بس كل ما ابتعد صورتها بالي باقيه فدوة لا تحجين لها
هزيت راسي وهو يحلف بيه ما جن اعرف شيء عن حجيه سكتت وهي جانت تلعب ويا وهو يفرح جنت اراقب حركاته وكبر وكل سنه اشوف لمعه ولهفه لمن يحجي وياها رغم اني مو عايشه وياهم بس كل مرة اروح يمهم عيونه تفضحه
كبرنا وكامت تبتعد عنه وعلاقتهم صارت مجرد سلام وسوالف عاديه من بعيد
جان يتوسل بيه عمود اكله شتحب شتكره
وكل عيد ميلاد يروح يجيبلها هديه وجان ما يشتغل يجمع يومياته
وينطين الهديه اني انطيها لها على أساس اني جايبتها
مرة اشتراها تراك كلش حلو انطيته لها فرحت بي عبالها اني جايبته لها
لبسته وفعلا جان يخبل عليه اجاني ميت من الفرحه
ليكلي بس شوفيه شلون تخبل
يموت عليها بس متدري هي جنت أتوسل بي عمود اكلها هو ميقبل
كال خلي اشتغل اكون نفسي ويالله وايام السادس اكل الكتاب اكل عمود يدخل ويكول الكليه الوحيدة لبيها تعيين
ما جان يدري يجي هاليوم لي تحب غير
نجح ودخل كليه عسكريه
وهنا بعدنا سادس وبعدها هو صار مرحله ثانيه
واحنى مرحله أولى
بان دخلت جامعه بغداد قسم انكليزي
واني دخلت قانون جامعه مستنصريه لان جامعه بغداد بعيده علينا أما بان لا قريبه عليهم
ومرحله اولى بأن تعرفت على ولد وياهم بالقسم
رغم اني قريبه منها بس ابد ما جانت تحجيلي شيء
جنت دوم على تواصل وياها
لان لمن ينزل فقار سوده عليه كبل يجي على بيتنه
امي تموت عليه
ودائما توصي عليه مجنت اعرف اني
مرة سمعتها جان فقار نازل واني اجيت من الجامعه سلمت عليه وصعدت بدلت ونزلت وبالصدفه سمعت امي تكله
ام احمد : يمه فقار عينك على اخيتك روجنه هي مسؤوليتك اخاف يصيرلها شيء اريدك دوم وياها
فقار: خاله صاير شيء روجنه شبيها ليش دوم توصيني عليها
ام احمد : لا يمه شيريد يصير. اني أوصيك هي دوم تروح يمكم واني اادري حيدر يريدها واخاف عليها اريدك كون تراقبهم اخاف يوسوس الشيطان ويسوون مكسورة
فقار: ودعت عيونج عيني عليها وعبالج لمن تجي يمنه تحجي ويا ابد والله اصلا صير طماطه لمن يسلم عليه مو نوب سوالف ولا يضل بالج اخيتي بعيوني
ام احمد: يبعد عيوني فقار ربي يفرحك بنت الحلال لسعدك وتريح بالك
