كعدتني منار
منار : ولج كعدي خرب وين نايمه خبله انتي .
ارجوان: اوو شبيج من صباح الله
منار' يا صباح هذا ولج دنيا ظهر ساعه ب١
ارجوان: صدك
منار' والله بعدين انتي شنو مشكلتج بالنوم اني اضايقج
ارجوان: لا ليش ضايقيني
منار' شبيج لعد كل يوميه نايمه بجهة
ارجوان: هههه ولج والله ماعرف احوس وما ادري بنفسي انتي نعمه تلكيني بالغرفه كل مرة يضحك عليه فقار. تخيلي مرة نايمه بالصاله ودنيا شتاء ولا بطانيه لا غطه حتى مخده ماكو نايمه على الكاع
سوده عليه فقار مرات يطلع الفجر لدوام
وطلع ويشوفني
عباله ميته لو متخربطه يكول اكعدج بس تحجين مدري شنو ونايمه
يروح يشيلني ويغطيني
منار: ههههه يا فدووة
ارجوان: يا فدووة الصبح دك تصنيف عليه يضحك ويعيب واني تعالي سدي حلكه
منار: تخيلي تزوجين يكعد زوجج ميلكاج وين مرتي يلكاج بغرفه حماج
ارجوان: يا عابت مو الهدرجه
منار: لا صدوك هاي لازم زوجج يقفل باب الغرفه لان سالفتج خطرة
ارجوان: هههه اي ضروري
منار' دكومي يالله خلي نتريك
ارجوان 'يا ريوك بل١ خلي نصلي ونسوي غده
منار' يالله هو الجمعه دائما ناس تكعد متأخرة
ارجوان: لا والله الله يرحم ماما جانت تكعدنا من وقت تكول الجمعه كلها كاعده اخاف يجي خطار أو شيء
منار' لا همزين احنى مو هيج هههه
ارجوان: رحنه صلينا وطبعا كل عادة منار اسرع مني صلي لكيته بالمطبخ خاله رأسها بالثلاجه
منار: شوفي اريد اليوم نسوي مركه دجاج حمرة وتمن ها
ارجوان: وكل عادة عمود تعلمين
منار' اي بس ها المرة اكتبهن بالملاحظات عمود ما انسى الطريقه
ارجوان: هههه ترى مركه هي مو عالم الذرة
منار' والله اني عندي الطبخ اصعب من عالم ذرة
ارجوان ؛ هههه سهل إذا مارستي كل يوميه اصلا صير. ولا شيء عندج
منار' الله ويدج علميني عمود لمن ارجع يتفاجئون ينصدمون
ارجوان: هههه تدللين يالله نبلش كل عادة اشرح وهي طبق وخلي هيج وسوي تمن هيج عمود لا يعجن علمتها تقيس بالكاسه وشلون تهدره عمود يستوي
وهي خطيه فرحانه
حضرنا الغدة تغدينه وخابرت فقار وكال الثلاثاء أن شاءالله يجي بالسلامه.
دنيا العصر صارت غسلت المواعين منار واني نظفت البيت بخرنا بعدها طلعنا لطرمه شغلت الماطور كمنا تلعب بالمي عبالك جهال ههههه
