(الين )
اني ااكد أن مو العمر مقاييس لتفكير ابد
ابسط شيء اني اعترف جنت غبيه وتفكيري مو معقول واحتمال اكو ميه حل لمشكلتي لاكن للاسف جنت متوقعه راح أحله صح
عائلتي حلوة جانت ومتفاهمه ومثقفه بس مرات العادات والتقاليد تحكم الواحد
وجبره على قرار هو شبه مامقتنع بي
جنت طفله اجتماعية ومحبوبه وتحب تلعب عكس ارجوان لي جانت تخاف من اي احد يتقرب عليها وجانت الوحيد لي تلعب ويا فقار ولمن كبرت صارت قريبه على بأن
اني عكسها تمام اني العب ويا ولد عمو كلهم حتى لو كانوا اكبر مني بكم سنه
جان احلى يوم لمن بابا يودينه لبيت جدو جانت فرحتي ما تنوصف
رغم بيبي الله يرحمها جانت قويه وما تحبنه
ومرات تضربنه بس اني ما خذتها لعب
جنت وكيحه
ابوك العوجيه مالتها وضل تركض وراي
وتغلط واني ميته ضحك
جنت طفله يعني ما متعمده
ومرات التفق ويا ولد عمي على نسوان مرت عمامي يعني لو نكمزهم لو تخرب الاكل
اذكر مرة كلي مصطفى انطيج الف بس تروحين ذبين بالمركه ملح
جان آلاف كومه كته منيلك كال عندي مجمع كتله جذب حلف كال انطيج
وصدك جانت عمتي ام حيدر طابخها مركه دجاج اذكر حمرة
هو يراقب عمود لا احد يدخل لمطبخ واني انفذ العمليه رحت ركض فتحت الجدار وذبيت ملح كومه بيها
وطلعت وهو صدك انطاني الالف كمنه نضحك ورحت اشتريت واكلت كل الحلويات بالشارع عمود لا احد يسالني وصار الغدة وهي كبت العيطه
مال النسوان ام مصطفى تعير ب ام حيدر تكلها متعرفين طبخين
هيج منج وهذا تغلط وعمامي ضاجوا ومحد اكل واني اضحك فرحانه وامي تباوعلي كرصني عليمن ضحكين
الين : ماما شوفي يتعاركن
كرصتني مرة ثانيه
وبيبي كالت ولج فلوسي وين هنا جانن
كمنى نباوع هي كامت تعيط مني باكتني احجن والكل يحلف وهي ذبتها براسنه
وكل لامي بنتج بواكات ارجوان كامت تبجي واني ساكته
وام احمد: افه عليج عمه بناتي ما يمدن ايدهن على فلوس أحد عيب هيج تحجين واني لو ما ابو احمد ما اطب لبيت بس اكول ميخالف صله رحم ومرايد ابعد الجهال عنكم
صارت صياح وطلعنه بيومها كلها عرك وماما تعاركت ويا بابا ودخلت لغرفه
ومرات الايام وسنوات وكبرت وعلى أساس عقلت
بس اني جنت اسوي المصيبه وما يبين عليه
يعني اطلع مثل الشعرة من العجين منها
وكبرت وفتهمت غلط اتقرب من ولد عمو وحدي سلام
وماما لمن بلغنه علمتنا الاشياء لي ميصير وحرام
وكل هذا ما طخ براسي اني من النوع الفطيرة والفاهيه شكد اجفص حتى بالحجي
وشكد اتندم بعدين واارجع على نفس الغلط ما اتوب ابد
أنت تقرأ
الحوت الهاجس
القصة القصيرةما احرك القصه اقروا البارت الاول وحكموا 🖇️ كاتبتكم نرجس _السعيدي
