نحںُ ضحايا عواطفِنا ، لاشيء أخر 💔🥀!!
''قاسية هي الحياة عندما تصدمك بواقع مؤلم بسن مبكر''💔
____
العلويه حبابه وأبد ما سئلتني ولا اجه فضول تعرف اني منو
وهل موضوع قلقني كلش بحيث تصرف وياي كنما تعرفني تحجي وسولف واني عادي اشتغل وانظف تعودت عليها
بس شعور بداخلي يكلي وين اكو هيج وحده دخل بنيه غريبه لبيتها بدون ما تعرفها
وتعاملني وكنما موصين عليه
رغم شفت الامان بيتها بيت كله حنان وهي ما مصدكه كل ساعه وتجي وتبوسني
عقلي هوسه بعد الصار ماعرف شنو اسوي
ولحد شوكت ابقى هنا
تصرف وجيب اكل وحتى ملابس من يمها وشايلتني بالصلوات
اسبوع اني يمها تعودت عليها
تروح الصبح لمستشفى لان هي جده ترجع الظهر اني مكمله كلشي منظفه وطابخه
تاكل وسولف على المستشفى وصار وياها
وتشرب جاي وتنام لعصر واذا كعدت اخذت عبايته وراحت
ما اكدر اسئلها وين تروح بس هي تكلي اروح يم الحبايب يم ام عقيل يم ام كرار
شويه وارجع
ماعرف إذا صدك لو لا مرات يصور بعقلي هواي اشياء نوم ما انام مرات اخاف
مشتاقه لاهلي ابوي وامي روجنه وأحمد بنات عمي يا ترى هسه يدورون عليه كرهوني
دموعي على خدي كلش متندمه بس مابيدي شيء شلون ارجع لهم بعد صارلي عمامي اعرفهم ما يرتاحون لا يذبحوني
ماريد تعذب امي بسببي ماريدها تتاذه من وراي على أقل تعرف اني عايشه
اذا رجعت يمها يذبحوني كدامها
مرور الوقت يمكن تنساني او يمكن تتبرى مني
اخخ ربي فدوةة رحمتك اني غلطت والله متندمه
ما كدرت انام بيومها
حسيت على صوت صوفارة فتحت الباب العلويه سويت روحي نايمه
تقربت عليه وشويه وطلعت فتحت عيوني وكلبي لعب احس دكاته مسموعه سمعت باب المطبخ نفتح
وصوت نعال
اني كمزت وفتحت باب الغرفه ومشيت على أطراف أصابعي سديت حلكي
واني اشوف ولد من كد الظلمه ما يبين لابس كله اسود ويحجي وياها اسمع كلها
: كلشي تمام
العلويه: اي يمه مالها شغل ومثل ما وصيتني
: امانه هاي واني كتلج ربع دينار دفعي سجلي عليه
العلويه: انجب ولك شني جا اني من شوكت احسب عليك وبعدين اني طايرة بيها
: هههه خوش رجعتي الاشياء بمكانها
العلويه:اي
: جا اني اروح
العلويه: الله وياك
الين: يمه منو هذا يعرفني من طرف اهلي عززا بعيني إذا صدك اروح بيها ركضت رجعت لغرفه واني كلبي يدك سريع واني فكرة تأخذني وفكرة جيبني
مشكله ماعرفته ابد ما بين ظلمه هو لابس كله اسود
يربي اني ناقصني تفكير
لصبح باقيه كاعد ابجي الخوف رجف بكلبي شعور صعب
اجت العلويه فتحت الباب ونصدمت بيه ابجي خطيه اجت تركض
العلويه: يمه اسم الله بعد عيني شبيج يمه احجي
الين: مشكله وجهه ينحب وصوته حنين اتخيل امي رغم العلويه اكبر بهواي من امي بس نفس الحنيه أحسها
سحبتني بحظنها وتقراء ايات على راسي واني كمت اناشغ من البجي نفجرت بالبجي
