الحوت الهاجس

bart (12)

بعد ما راح فقار نام رحت لغرفتي وطلعت الصور
امي وأبوي وحتى صور الين كعدت مثل كل يوم احجي وياهم بلكي يحسون بيه واني متأكدة روحهم يمي خاصه ماما قبل لا سافر لزمت ايدي قوي ولمن حضنتها بدلها ما توخرني من حضنها
جان كلبي يتكطع عليها كلبي وجعني وحسيت اخر يوم اشوفها
امسح على صورتها جنن هي الوجه تفاحه والله مو لان امي بس جانت حلوة
كمت احجي وياها
ماما حبيبتي شفتي فقار سوه اليوم رحت ارجع اداوم يعني هم مثلج ومثل الين اتخرج بس اني عكسها ماما انتوا كلكم حضرتوا تخرجها يوم اني منو يجي وياي
يوم ابقى وحدي محد يباركلي تذكرين بتخرج الين لبستيها روب والقبعه وطشيتي جكليت
اخذتي صور وياها

اني منو الي ليش اني ما عندي حظ بالدنيا
ههه اسفه ما احجي على حظي ما تقبلين مو شوفي اشاقه وياكم
اني احس انتوا يمي وقريبين عليه عادي حتى لو ما تحضرون اني اتخيلكم يمي
وفقار اكيد يجي ما يعوفني طلع احسن من احمد جنتي تكليلي لا تفرقين بينهم
ولمن يبقى فقار يمج توصينه عليه
كمت اشهك نفجرت بالبجي ما حسيت لا فقار يمسح على راسي.
حضني ويحجي وياي
فقار: اشش كافي بس عيونج راح تنعمي
حضنت حيل
فقار: بابا حبيبي بس شنو مو بعينج اني
بعدت عنه وكوه حجيت
شلون مو بعيني وانت صرت لي كلشي هم اجازيك
مسح دموعي وكال افه ولج شنو وجازيني ترى مو دين كل لي اسوي واجبي انتي عيوني واخيتي وتؤمي
هيوو بعد اطيح حظج إذا حجيتي هشكل خوش وهسه كومي بدلي اخذج لمكان

ارجوان: وين
فقار: هسه كومي

ارجوان: صدوك انت شلون كعدت

فقار: من بجيج
ارجوان: هههه لا جذب ما طلعت صوت وبعدين انت ساد الباب شلون تسمع

فقار: لا دا اشاقه اجيت انام ودزولي شغل كملته وما سمعت صوت طلعت ملكيتج بعدين شفت الباب على نص باوعت وشفتج ومسويه دراما

ارجوان ؛ دراما

فقار: هههه جا شيسمونها هاي ولج بابا حرام البجي عوفيهم نايمن بتربتهم مو امج هسه تلكيها مشلوع كلبها تاذيها

ارجوان: لا فقار لا تحجي هشكل ما اذيهم بس اسولف وياهم
فقار: هما يشوفوج بلا ما تحجين ويحسون بيج روحهم يمج واذا على سوالف اني يمج سولفي كلشي
ارجوان ؛ دنكت راسي
فقار: هيو رفعي راسج شوفي روجنه اعتبريني امج ابوج اخوج اختج
ارجوان: ههههه أتخيلك الين وعدها شوارب

فقار: ههههه خرب يومج فطيرة مو هيج

ارجوان: غير انت تكول هيج

فقار: لا بابا يعني حتى لو بأجر عكبه داومين ترجعين بدل ما تحجين لصور اني موجود تحجيلي كلشي

ارجوان: ماريد تشغل بالك انت هم عندك شغل وسوالفي تافها

فقار: منو كلج هيج سوالفج تخبل وبعدين لا تهتمين شغل وحد وانتي وحد شني بأجر لمن تزوج ما احجي ويا مرتي وأبد لا تستحين خوش حتى اذا تحبين احجي خوش 😉