الين : سكتت واحس كلبي يريد يطلع من مكانه
احمد' باعي لج رفعي راسج
الين' درت وجهي على الجامه وهو ضحك
احمد' هههه اموت بالخجول
الين: اجذب إذا كلت ما فرحانه احس روحي تطلع من مكانها مو قصه احمد لا قصه أنو طلعت بنيه محد كسرني بالحرام
جان ندم ماكلني اكل جنت شكد ما اذكر اموت الف موته حسيت نفسي مضيعه شيء غالي عليه
دخيلك يا اميري يا علي مقصرت ورجعتني ودمعتي من الفرح وكعت
صافنه على الجامه
احمد: الووو يمعوده احجي وياج
الين: ها وياي
احمد' ويا امي جا ويا منو هنا غير بس انتي
الين' ما سمعت شبيك
احمد: شبيج احبج
الين: استغفر الله احمد شل قصه
احمد: القصه أن صرت مدمن بيج هاي وماله علاج المدمن
الين: بقيت ساكته وهالمرة عيني بعينه
احمد: تريدين تكلبيني ولج عيونج ضيعني لياني اعترف اني ابو بنات وماكلج سيد وعمامتي شكبرها لا ولد ابو درب وراعي بنات ما اجذب ولا أنكر
بس وعلي داحي الباب جنه بي وما احلف جذب بي
البنات لي جنت وياهن على علاقه ما ضحكت عليهن جانت علاقه صداقه مو سوالف حبجيات هاي اولا
ثانيه عمري ما رف كلبي مثل ما رف عليج اول مرة اعترف بحياتي لبنيه مو بس هيج
عمري كله ما خفت على بنيه بكد ما اخاف عليج لياني والله ما تغمضت عيني إذا ما اطمئن عليج ولج صرت اتخيلج وين مجان وين ما اروح بالي يمج
دنكت كتله ماعرف خايفه احمد مابيه كسر ثاني اموت والله
احمد: وعلي ما اكسرج بس فرصه انطيني
ماشي
احمد: شنو. ماشي لياني يعني موافق اجيب امي احجي وياج
الين 'شنو لا بعد وكت خاله اليوم أربعين مالتها
احمد ' لج شلون اصبر اريدج حلالي باعي مو هوسه ولا حفله مجرد امي واختي وشيخ يعقد. وصريني باسمي هذا هو حتى ماريد لا مكياج ولا بدله عود خليها على الحنه والعرس. ها شكلتي
الين: مادري احس لا
احمد' باعيلي لياني انت وحدج بالبيت والمنطقة مو امان عندي معلومات لو تعرفينها نام ما تكدرين تنامين لج اخاف عليج وعلي اخاف عيني تغمض عنج ويصير بيج شيء أربعين يوم وو
الين: سكت حسيت يريد يحجي شيء وسكتت كتله ووو شنو
احمد: لا هيج
الين: احجي احمد
احمد: هههه ماكو شي شبيج المهم شكلتي.
الين: كلبي يكلي اي وافقي وين تلكين أحد يخاف عليج هيج مدام رايدج بالحلال ويعرف عنج كلشي وعقلي يكلي لا توثقين بأحد اخاف يطلع انكس من ياسر. لزمت راسي ودموعي تنزل على خدي رجعت راسي على الكرسي
