طابت ايدي من الحرك بس بقى الأثر هجان كام يجيبلي عصارات اخليها عمود يروح الأثر
وما يقبل اني اخلي لا هو. يخليلي
خلال الفترة ما كتبت اي شيء بالدفتر لان جان مكابلني وكاعد ولمن يطلع يدوب اغسل وانظف لو بالمطبخ
تعودت عليه لدرجه كام إذا يتاخر عليه ماعرف شيصير بيه وإذا يمي احس الكاع ما ساعيتني من الفرحه
ما حجيتله عن حبي بس هو يدري احبه يتوسل بيه ما احجيله ولا اتغزل بي ابد
دوام وشغله ما اخذ كل وقته بحيث كاعد بالاستقبال ويشتغل
صار ٦ اشهر من ماتت خاله
شهرين قبل الخطوبه وشهر بعد الأحداث
أما ٣ اشهر هجان ما ينزل ابد ما شايفته بالدوام جان مكلفي. بشغل حتى إجازة ما عنده
يخابرني صح بس هم قليل فرق عندي البعد يموت
هاي الفترة تعلقت
بهجان بشكل عودني عليه لدرجه غايبه موتني وكبريائي ما يسمحلي اكله مشتاقتلك
بسمه لو عمه تجي يمي طول ما هو بالدوام طول هالفترة أكثر شيء عمه يمي بس كم مرة اجت بسمه
نروح نجهز على الزواج بقت بس الغرفه كملت خلال هل ٣ اشهر الجهاز مالتي عمتي وبسمه ابد ما قصروا أما الغرفه هجان كال لمن ارجع نختارها سوه
فمرة جنت ضايجه كلش ساعه ب١ جانت.
ميجاوبني
أريده يمي هواي طول ٣ اشهر احس صعبه والله
بسمه موجوده بس نايمه بالغرفه.
ماعندي جنت واهس اكتب شنو إذا هو كل يوميه تنظيف وطبخ عمه إذا يمي سولف على أمها على كرايب وهالامور
يعني احس روتين مممل لدرجه
اني بالمطبخ وضايجه كلش جنت خاله ايدي على خدي ما يجيني نوم.
سمعت حركه بالطرمه فتحت باب المطبخ وأشوفه
يم باب الشارع ينزل بجنطته
باوعت له ماعرف شنو شعوري بس حسيت ادموعي نزلت رجف كل جسمي ركضت له فتح أيده حضني واني عبالك ماعرف شنو اجاني كمت بس ابجي لان جنت مختنكه والله مدري ليش بجيت
هو متخبل
هجان' لياني بابا شعرة كلبي انتي ولج تبجين بس اشوفج
الين' جنت مجلبه بي رفعني عن الكاع ويبوس بشعري. واني بس اشهك
هجان: إسم الله يأبه ولج حموتج وعلي
الين' ما حجيت شيء بس جنت أريده يمي بقيت مجلبه بي هو شايلني حجه بأذني منو هنا كتله بسمه
أخذني لغرفه خاله نزلني
هجان: هسه اجي
الين' وين
هجان: لياني سلاحي بره وجنطه ادخلهم بس
الين' هزيت راسي طلع دخل الجنطه وذب اسلاحه واجه كعد على الجربايه اني رحت يمه
هجان: متاكده لياني ما بيج شيء شني ما مصدك وعلي
الين: باوعته شنو
هجان: اححيي بويه ولج وعلي كل يوم يمر عليه أحسه عمر يأخذ من حيلي يأبه لو بيدي جان عفت الكون ورجعت
الين: اريد انام
هجان: اسبح واجيج
الين' جوعان
