ارجوان : بيومها رحت لبيت جدو جان يوم خميس
كعدت ويا البنات بأن ماكو
هبه: هسه ساعه يقبلون ساعه يرفضون خبلوها وخبلونه
ارجوان: شلون فدووة سولفيلي صح فقار غلطان
هبه: ولج شحجي هو صح غلط فقار بس المفروض يهدونه مو يشمرون بالحجي منا لمن صارت عركه
ارجوان: يعني شحجه
هبه : يبو ولج تعالي اني شفته بالممر لازمها ويحجي وياها ماسمعت هي كامت تبجي وتوسل بي شفتهم من الشباك حتى رادت تبوس أيده
هو تخبل مدري شنو حجت خل وطلع عبالك صاير نارر يكل لعمي هسه تخابرهم ترفض بأن الي غصبن عن الكل واذا احد فتح حلكه انهي عليه ويا هو اليجي اكتله واخليها دم لركب
عمي ما قبل وأبوي دفعه وكام يغلط علي وهو شكو شيء كدامه كسرة وكسر البلازمه وعمتي ام مصطفى ماتت كل ساعه وحجت شدخل بلازمه وعلي راد يضربها من كد ما تستفزهم
حيدر ما سكت وكله بكيف اختي اذا قبلت بي انطيها وانت ما دام ما تحترم ابوي ولا عمامي مالك مره
وفقار نار وشبت بي ضرب حيدر بوكس دخلوا الولد وصارت ملاكمه كلمن اخذله جوله
ابوي رتفع الضغط وكع واني كمت الطم وهما ولا سكتوا
الكل غلط والكل جاوز وما خلوا كلمه ما حجوها الفشار صار بفلس
واني عمري كله ما سامعه فقار يفشر
روجنه: بأن شنو حجت وياا ما عرفتي
هبه: هي وين غير بس تبجي حتى امتحانات ما راحت محد يقبل وعمتي ام حيدر ما قابله عليها تزوج لا فقار وهي ما تقبل وعمي يريد يكتلها دخلها لكاها صلي وتبجي كعد يمها وماعرف شحجه وكلها خابريهم على أساس بأجر خطوبتها يعقدون
وأبوي ما قبل على عمي وهم بليل عركه وهسه ابوي وعمي مكعدين بأن بالاستقبال يحجون وياها
روجنه: شويه وطلعت
ابو حيدر: ام حيدر تعالي خابريهم خلي بأجر يجون يعقدون
غدير : كلوووووش
روجنه: احس وكع كلبي واني اشوف نص فرحانه وتحضن بأن وبأن تبجي بفرح ونص مصدومه
لي مصدوم ماما اني هبه عمو ابو حسين وبابا والين هم
باركتلها واني احس خنجر بكلبي
يمه سوده عليه فقار بعد كلبي لو يسمع يروح بيها
هبه حجت بابا وفقار
ابو حسين: محد يتواصل ولا يحجي ويا فقار خوش وان شاء الله بأجر يعدي على خير
روجنه: باوعت لهبه راحت لغرفه ورحت وراها واني دموعي على خدي حضنتها وكمنا نبجي
هبه: فقار شلون لو سمع مادري بي يحبها ولج بيوم طلع كلبها كربلاء يا يمه وينج تعالي شوفي ابنج
روجنه: سوده عليه هو وينه والله احس كلبي وجعني عليه
بيومها اختنكت رحت يم امي يوم خلي نرجع لبيت
