وافتهمتك !
وادري چانت غلطة مني
من ردت عل الحب أجبرك
هية ابد مو منطقية
طول عمرك ماصرت فد يوم اليه
شبيه خايف لا أخسرك !
..
خايف اخسر !
امداي شكد غشيم ..
هو شباقيلي حته انه اخسره !؟
چنت اعاتب بالوكت .. عرفني بيك
وهسة من خلاني اعوفك .. اشكره
( ارجوان )
¶¶¶¶¶¶¶¶¶¶¶¶¶¶¶¶¶¶¶¶
مر اسبوع واني بالبيت طبعا اخذلي فقار إجازة الحمد لله وخروا الشاش من راسي ومن ايدي هم
رجلي الحمد الله كدرت امشي عليها
فقار خلال الأسبوع مخلصه شغل إذا رجع لبيت ما اشوفه بالاسقبال لو بغرفه وعلى الحاسبه وموبايل ما يوخرة من اذانه
اتصالات
لي فاجئني اسبوع هو ما حجه لي اي شيء،كلت احتمال هو ما موافق الله اعلم هو صديقه ويعرفه
منار خطيه كل يوميه بليل تخابرني وتكلي تفاصيل هي وعلي وضحك سوالفها ما ينشبع منها
بأجر عندي امتحان لان أجلت هما محددين لمؤاجلين. اني قريته بس راجعته نمت
كعدت رحت لدوام امتحنت ورجعت تعبانه راسي. موتني نمت وكعدت العصر
بعد يومين امتحان عندي
فقار جان موجود
فقار' مدام كعتي بدلي
ارجوان: وين
فقار' لبيتنا
ارجوان: لبيت جدو
فقار؛ اي
ارجوان ' شنسوي نروح هناك
فقار: قبل لا اروح لبصرة عرفت دنيا حامل
ارجوان: جمدت مكاني بلعت ريكي الله يتمم لها ونروح عمود نبارك لها لو شنو
فقار: لا اليوم اثبت برائتج
ارجوان: وكعت دمعتي واني مصدومه بكلامه شلوون
فقار: هذااا
ارجوان ' جا شايل موبايل عادي ودي جي أو سمعه
شسوي
فقار' معليج روحي لابسي
ارجوان: بس
فقار: لا تخافين اني يمج
ارجوان ؛ هزيت راسي ورحت لغرفه واني احس شعور بي الخوف وبين الفرحه وبين لي ما اريد احس تراجعت كلشي ماريد لبست جبتي ولفيت شالي وكل جسمي يرجف
عبالك ما خذيني لاعدام
طلعت لصاله طلع فقار من الغرفه يلبس بالساعه باوع ورجع سدها
فقار' يالله نتوكل
ارجوان ؛ لزمت أيده ماريد
فقار' شنوو متريدين
ارجوان: اخاف
فقار: يمج اني ما اخلي بشر يطخ شعره من راسج. امشي بابا
ارجوان: طلعت ويا اخذيت الطريق كله اطكطك أصابيعي ادعي عبالك شلون واحد منتظر نتيجه بطني خبطتني احس رجف كل جسمي بالشارع دخلنا اخخ شارع لي سحلني بي احمد احس شلون فلم مر عليه
شلون اشوفهم من بعد هالمدة كلش صعبه
لمحة مصطفى وأحمد بالباب شارع بعدنا كم بيت لزمت ايد فقار وباوعته
فقار' كتلج لا تخافين اني يمج ابن أمه لي يطخج
ارجوان: طبك هما عيونهم عليه واني كل جسمي يرجف وعلى يا ساعه اوكع من طولي
اباوع لاحمد شكد متغير لدرجه ضعفان وشحاله اتمنيت اروح يمه واحضنه وابوسه واشتكي له
عيونه تباوع بحقد
نزل فقار واني ما فتحت الباب ابد اخاف انزل ويهجم عليه
اجه من جهتي فقار وفتحه نزلت لزمت أيده نريد ندخل
