(بان الماضي )
بعد شهر من خطوبتي
جنه نخطط لخطوبه الين ومصطفى
وعمي الكاعد ما شايلته من زمان يريد الين لمصطفى
على الرغم ما تستاهل مصطفى تستاهل واحد احسن منه
لان المعروف عنه اخلاق وبس هو وبس بس الواقع كلب متحرش بالكلام والفعل قذر.واضوج منه
الله ليعلم يمكن مو اني الوحيده من بنات عمي بس منو تجره تفتح حلكها وتحجي
تنكتل وصير مو شريفه دائما
جنت اجنبه واشرد إذا جنت بوحدي جوه ولو اموت ما أنزل بليل بوحدي اخاف واكول كولشي يصير
المهم نمنه على أساس الصبح نكعد نرتب نفسه عمود الخطوبه ماكو نمنه
كعدن على صياح والبيت هوسه نزلنا ونصدمنا بالين شردت
ولد عمي يعيطون ويصيحون وعمامي ماكو خمسه دقايق فرغ البيت
واني ما مستوعبه لي صار عبالك حلم الين تشرد شنوو وليش
العائله الوحيده لي متفاهمه ما عدهم مشاكل شنو السبب معقوله ما تريد مصطفى
كمنا ندك ايدي بيد خابرني حيدر يرجف كال لبسي بساع ارجوان بالمستشفى
كمت الطم وابجي لبست وطلعت وامي وخالتي ام مصطفى راحوا
بس اني والبنات بالبيت
طلعت ماكو دقايق واجه حيدر صعدت ورحت ويا واني ابجي
فدوةة حيدر شبيه روجنه
حيدر: الكلب احمد مجنزها جنز حتى نفس ما بيها اخذها مصطفى واني اجيت عليج عمود لازم بنيه ويانه
بان: يربي فدووة يسرها يالله كومها بالسلامه
وصلنا وجان مصطفى هناك ويخابر ركضت كالوا كاعد يخيطون رأسها ما يخلونا نفوت
يمه اختي والله اختي كمت ابجي وادعي تكوم بالسلامه
مصطفى: وين راحت الادبسزززا *** والله لو تروح لآخر الدنيا اجيبها
حيدر: كول يالله لا تفضحنه صوتك
مصطفى: اسمع ابقى هنا اني متت ما اكدر ابقى اروح اشوف بالكي خبر شيء عنها
طلع واني محمل كلبي عليه الله لاينطي الحقير ابو البلاوي بقيت اني وحيدر. بره ما يخلونه ندخل واني دمعه ما نشفت من عيني يارب كومها مالها ذنب. وحيدر ميت عليها بحيث متحلف باحمد
حيدر: اخخخ لو الزمه لا حظه اطيحه ولج شلتها جثه ولج حتى نفس ما بيها ودم بطولها ولج إذا ماتت ما ارحمه ووالله
بان: أيده الكسر كون شعليها هي والله حرام علي يارب رحمتك
حيدر: اخخخ كون اني ولا هي كون مكانها
بان: اسم الله عيوني لا تحجي هيج
حيدر: ولج ما تتحمل ما رحمه الحقير
بان: بقينه لليل ومحد طمنن عليه وحيدر يخابر يكول ماكو فص ملح وذاب
وعمتي وعمي
حيدر : عمتي ماكو نايمه كوه تحجي وعمي ويا عمامي وأحمد والولد طشوا كلمن يدور مكان شكول عليج اخخخ سويتي المصيبه وشرتي
