بان : داومت بمدرسة اهليه كلش تعبت بيها مديرة ترزل على أقل شيء وعبالك خدم عدها
رغم اكو مدرسات حبابات وياي هم خطيه اكو مزوجات واكو لا بعدهن يريدن بس وظيفه ويعتمدن على نفسهن
ارجع ب١ ظهر طبعا خط ياخذني من الباب. ارجع مسطورة هباوي فدوة لكلبها الكها غدة مسويه اسبح واصلي ونكعد نتغدة اني وياها واسولف لها شيصير بالدوام
عمو ابو حسين يتغدة ب١٢ عمود العلاج وهبه مسويله له جدول
هو بعد الغدة ينام بالاسقبال المهم اضل اني وهبه نسولف بعدها اني اغسل مواعين خطيه ما تقبل بس اكلها شنو تنظيف وطبخ على أقل مواعين عليه مال الغدة واسوي عشه
غسلت المواعين وانام كم ساعه اكعد العصر لو مغرب
اصلي وابلش اسوي عشه بس هبه لازم وياي ابد ما تكعد هالبنيه
فقار ابد ما يتقرب عليه ولا يضايقني بكلمه او تصرف احس يبتعد مجرد اسئله عاديه
اخلص العشه مواعين أعزل المطبخ واحب اغسل الطرمه بليل وارش الحديقه بعدها تتمدد وهنا اروح لعالمي الخاص عالم عبد الله وايامنا اخلي سماعه بأذني واسمع فيديوهات وبصمات لي بصوته واعيدهن جان ما يحب يكتب كله بصمات يدز عكسي اني لي اضوج من صوتي لمن ادز بصمه
انام مادري بنفسي واني خله سماعات اكعد الصبح موخرات من آذاني هبه شيلهن يمكن
بعدها صبح لمدرسه
تعبت كلش احس مو حمل دوام لازم اضحك واجامل وأراضي الاطفال ووو سوالف جاهل ما تخلص خبصتهم
بس نهايه الشهر حلوة من أستلم الراتب اشتري حلويات وعصائر وكيك واوزع لمدرسات والطلاب ثواب بروح عبدالله .
ارجوان ' تعبت وراء يومين من روحه الهاجس. احس بعد ما بيه كمت كوه اتنفس
ام علي ' ها ييمه تعبتي
ارجوان ' اي عمه
منار" اكل لعلي يرجعنه
ارجوان ' اي فدوة
ام علي" يمه اثنينجن حوامل غير وحده وياج نور ترحين وياهن
نور : لا يمه اريد اخدم بعد
أم علي ' يمه جا غير ما يكدرن بعدين انتي هم تعبتي وعلاجج تأخذين بعدين مأجورة خدمتي هواي هذا خامس يوم ما ضل شيء عفيه يمه
نور' ليش لا اني متروح حنين ابتهال
ام علي ' ابتهال جهاله بموكب وين تعوفهم ترجع لو تأخذهم ويعيطون
نور: حنين
ام علي ' حنين هل شايله موكب انتي ما اكدر اضغط عليج بعد امج ياالله حبيبه لمي غريضاتج وروحي وياهن
نور" اووف كله اني كله اني تموتون بدوني
منار" هههه كلش مو انتي هواء ونموت الحمدلله
ام علي ' ولج عوفيها مو زين ورضت يالله خابري علي ياخذجن
منار" اي الوو ها حبيبي اكولك عيني تكدر ترجعنه اي تعبت ماكدر بعد لا اني ورجين ونور اي تمام خمس دقايق ونطلع
يالله بساع
ارجوان ' لبست لعبايه واكيد بوشيه محلفني الهاجس
اخذت جنطتي سلمت على بنات طبعا بان وهبه ضل فقار لتحق ويا الهاجس وعمو يخدم يرجعن ويا
