رنق

🌹3🌹

3

دخل لقصر لقا مو وعيلاتو بتلاتة واقفين حدا الباب كيرحبو بيه
قرب لمو وباس راسها وعيلاتو كل وحدا عنقاتو  وباستو من لحنك ودخلو لصالون
الحاجة : ولدي كيداير لباس عليك
سلطان: الحمد لله ونتي الوليدة لباس
الحاجة: بخير اولدي ملي كنشوفك نت بخير كنكون تنا بخير
سلطان شاف فعيلاتو كيشوفو فيه بإعجاب بحالا اول مرا غيشوفوه : ونتوما كي دايرين
الزوجات بتلاتة: الحمد لله
سلطان وقف : سلمى وجدي راسك
سلمى بتاسمات بفرحة : وخا اسي سلطان
حرك ليها راسو بأه وطلع لبيتو

ايمان: سعداتك اففف امتا غتجي ليلتي
هدى: غدا ليلتي نتي هي لخرا
ايمان: افففف ونوضي نوضي نتي باش توجدي راسك انا غنقاد ليك المكياج
هدى: وانا غنقاد ليك شعرك
الحاجة: الله اخليكم ديما هاكا ودب انا غنخليكم غنطلع نرتاح شوي فبيتي
الحاجة طلعات ولبنات مشاو مع سلمى لبيتها  اوجدوها لليلة

[سلطان بن حدو هوا الولد الوحيد لحسين بن حدو هوة القايد ديال هاد البادية دب كان باه هوا القايد وملي توفا هوا لي ولا القايد وخا كان رافض الفكرا نهائيا انو يولي القايد ولكن باه وصاه ومكان عندو ميدير فاش مات باه كان مزوج بجوج عيلات لي هوما بنت عمو وبنت خالتو وحدا بغاها ليه باه اوحدا بغاتها ليه مو وفاش كان فعمرو 30 عام تزوج ب ايمان على قبل واحد الصفقة
سلطان عندو سلاسل شريكات ديال البيترون من غير  الاراضي والاملاك لي خلا ليه باه هوا عندو شريكاتو الخاصة لا فالمغرب لفخارج المغرب ]

[سلطان بن حدو  40 سنة بنية ديالو ضخمة البشرة حنطية  وعنين مصغار مكبار وكحلين طول 190 حروفو كوحل وفمو كبير ومنفوخ وشعرو رطب ومرجعو اللور ولحية متراسية عطلات سداسية ميمكنش تشوفو ومتزعطش فيه الى شفتيه متعتيهش ٤٠ عام تقول غير راه مزال فالعشرينات ]
(سلمى بن حدو بنت عم سلطان 39 سنة بشرا حنطية عنين صغار وكوحل شعر رطب وقسير حد عنقها فمها صغير وهي ضعيوفة متعرفيها غادا متعرفيها جايا الطول 170وكتموت على شي حاجة سميتها سلطان)
(هدى صلاح الدين 36  سنة سميمرا وطربيزا شوية عنين كبار وبنيين شعرها كيرلي فمها كبير ورقيق وصدرها كبير  على حساب هي تربيزة شوية الطول 178 )
(ايمان بهادي 34  سنة هي الزوجة الصغيرة ل سلطان  طويلة 180ورقيقة بشرة حنصية وشعرها كيرلي وكقطعاه حتى لودنيها وسابغاه فالصفر  عنين عاديين وبنيين فم عادي مصغير مكبير  )