رنق

🌹24🌹

24

تكات ودموعها سايلين  كتفكر ولديها  وكتزيد فوتيرت لبكى  حتى كان داها نعاس

لتحت
كانو مجموعين علىطابلة دلعشى كيتعشاو فصمت من غير صوت لفورشيط لي كيتسمع
هدى: بان ليا السي سلطان كاع مداها فعروستو
سلمى: السي سلطان خدمتو اهم من اي حاجة  كنضن بلي كولنا عارفينو
ايمان: سولت حمادي على البنت قال بلي ولديها ماتو فحاديثة وهي لي بقات عايشة كون غير ماتت تهي
سلمى: علاش لي غتموت ربي كتاب ليها عمر جديد وتزوجات بسي سلطان علاش هاد الغيرة كولها فحالها فحالنا
ايمان: بنتي ليا فرحانة بلي راجلك جاب الرابعة
سلمى: عادي مولفة كيف جابكم عليا نتوما  ولفت
ايمان عصباتها: بنتي ليا بحالة كتعايرينا لا
سلمى بهدوء:  انا مكنعاير حد كيف جيتو نتوما فرحانين  وجتي ٢ و٣ تهي جات ٤ عادي هوا راجل وحقو الشرعي هدا وزيدون ياك كولنا فحال فحال فهاد  الدار توحدا مكيقلل منها وتوحدا مكيميزها على لخرا وحاكم بالعدل بيناتنا 
ايمان جات تهضر وهي توقفها الحاجة: منسمعش حسك  سلمى عندها الحق  مدام حاكم بالعدل بيناتكم  وكل وحدا عاطيها حقها الشرعي تركنو لرض وعرفو كفاش تصرفو ونتوما عارفي سلطان
امان مرضاتش وطلعات
هدى نساحبات بهدوء: تصبحو على خير

كانت فبيتها كتهز وتخبط معصبة ومرضاتش سلطان اجيب عليها الضرا حتى سمعات صوت الباب تفتح دورات راسها حتى بانت ليها هدى
ايمان: اش بغيتي نتي
هدى كلسات : كلسي وبركة من الاعصاب
ايمان كلسات : شنو تما
هدى: حتى انا بحالك وهاظ القروية مبغيتهاش تشاركنا ب السي سلطان
ايمان: شنو غنديرو
هدى: خاصنا نخدمو لعقل ونكرهو السي سلطان فيها
ايمان : كا غنديرو ليها
هدى ضحكات بشر  : ...........!

دخل لقصر كانت ديك جوج ديال ليل لقا الصقيل عرف بلي كولشي غيكون ناعس تم طالع للجناح ديالو دخل رما التلفون على الناموسية ودخل لدوش دوش عليه بالخف وخرج لبس شورط قصير وخرج ترمى على لفراش يالله دور راسو وهوا يبان ليه الفلار ديال رونق هزو وحطو حدا نيفو وتغلغلات ريحتها فنيفو بتاسم الجنب وناض نزل عندها 

عويشة: رونق وارونق رونق
رونق: م ماما
عويشة: تي خلينا نرتاحو شوي كولما جينا نرتاحو ونحط راسي نرتاح كنلقى لبلاصة فازكة
رونك كتشوف فمهى وباها بلبيض وبحال الضوء كيتضرب فوجوهم وكتسمع لمهى وهي تفيق وغوتات بالجهد
رونق : مامااااااا
سلطان كان واقف حداهة حتى كيبان ليه وجها كيتبدلو التعبيرات دسالو حتى قفزاتو فاش غوتات
رونق شافت فيه وبدون وعي منها عنقاتو : هئ هئ هئ هئ ماما ماما ماما ممرتحاش بسبابي
سلطان صدماتو حط يدو على شعرها كيدوز يدي بشوية على شعرها : ششششت
رونق : ماما وبابا ممرتاحينش فقبرهم بسبابي
سلطان: شنو شفتي
رونق عاودات ليه الحلمة
سلطان بعدها عليه وشد وجها بين يديه وكيشوف فعنيها وتهي كتشوف فعنيه : شوفي كي طيبتي هاد لعوينات بلبكى 
رونق : الصمت
سلطان: واش بغيتي باباك وماماك يرتاحو فقبرهم
رونق حركات راسها باه
سلطان: سيري توضاي وخرجي سلي جوج ركعات وديك الساعة غترتاحي اولديك غيرتاحو
حركات راسها بأه ومشات دخلات لدوش توضات وخرجات لقات صلطات موجد ليها العباية والسلاية  هزاتهم لبساتهم وبدات كتصلي ومتخشعى فصلاتها  حتى سلات ورفعات كفوفها وظعات مع ولديها
سلطان كان كالس على طرف دالناموسية وحاضيها  حتى سلات: الله اتقبل
رونق : امين
حيدات العباية بقات بلكسيوة لي كانت لابسة
سلطان قرب منها وطلق ليها شعرها لي كانت جامعة : ملي نكون معاك خليه مطلوق كيعجبني
رونق بتاسمات وحدرات عنيها مزنكة
سلطان خلاص دوباتو
سلطان: تعشيتي
رونق: لا
سلطان قوص حجبانو: علاش
رونق: مكانش فيا الجوع
سلطان: ودب
رونق شافت فيه ببرائة : فيا الجوع
سلطان بتاسم وهوا دايب فيها تم غادي : تبعيني باش طيبي ليك شي حاجة تاكليها راك مكنعرفش نطيب
رونق بتاسمات وتبعاتو كبر فعنيها منبعد هاد التصرف لي دار