رنق

🌹33🌹

33

سلطان خاشي نيفو فعنقها كيشم ىيحتها الطبيعية عكس عسلاتو لي غير ريحت البارفان كتضرب من بعيد وشعر مقطع وسلطان كيعجبو الشعر طويل والبنت تكون على طبيعتها لشفار ملصقين لا ليلونتي لضفار ملصقين ولوجه كيف التعريجة وهادشي لقاه فرونق على طبيعتها عنيها بشرتها شعرها ريحتها كولشي فيها كيسطيه وبهاد الطبيعة لي هيا فيها خلاه يدوب فيها ويقلبو يخفق ليها
سلطان  : حبيبة مغتشبعيش نعاس
رونق: غير شوية
سلطان  : نوضي كلاك شوي
رونق حلات عنيها وهي مغوبشة: وخليني ننعس عفاك
سلطان: راك خمرتي
رونق شافت فالساعة تناش تقلبات وعطاتو بضهر وسلطان  تفدقاد فالكلسة وهز بيسي بقا كيخنتش فيه
رونق دارت عندو : فيا الجوع
سلطان: ياك كنتي باغا تنعسي
رونق كلسات شادا لزار على صدرها : عفاك نوض جيب ليا ناكل
سلطان بتاسم بخبث: ولكن انا مشهي شي حاجة خرا
رونق فهماتها طايرا بلا متجاوبو هزات تيشورت ديال سلطان  لي كانت حداها لبساتها وطارت لوش خلات سلطان غير كيضحك
سلطان : هههههه ناري وفمن طحت .
هز لنطيرفون لي كان حداه عيط ليهم اجيبو ليهم لغدا ورجع كيخنتش فبيسي
رونق دخلات دوشات وخرجات ريحت الشامبوان عاطيا منها طلع فيها راسو كيشوف فيها  ورجع راسو  مكونسنطرا معاه
رونق مشافتش جيهتو دخلات لدريسنك خدات جينس فلكحل مع قميجة بلكمام كتجي نازلة على طرمة فلبيض وكيجي فوقها والعيبة دايرا فحال صوفيطمة ولكن ديال الصوف فلكحل وفيه مربعات فلبيض وخدات سبادري فلبيض لبساتهم وجمعات شعرها ديل حصان هزات مرطب رطبات وجها هزات مكانة دارتها تهي  وخرجات لقات صلطان دخل ادوش خرجات للبالكون كيضرب فيها لهوا وكتشوف فلبحر حتى سمعات باب دالجناح تفتح خرجات لقاتها الموضفة جابت ليهم لغدا 
الموضفة بلونكلي : صباح الخير مدام
رونق مفهماتهاش حدها حركات ليها راسها
بدات كتستف ليهم على الطابلة
كانت جابت ليهم سلاد فخوي ودجاج مع الروز ولفريت وشي صوص وجابت ليهم  تشيز كيك ديال اوريو وعصير وقهوى لسلطان 
شافت فرونق وهضرات : واش تبغي شي حاجة
رونق حركات راسها بالسلب  والموضفة خرجات
سلطان خارج كان لابس جينس كحل مع تشورت فلبيض وسبادري فلبيض شاف فرونق  وبتاسم شدها من خصرها وكلسها حداه
سلطان: ياك كان فيك الجوع
رونق: كنستناك
سلطان: يالله كولي
يداو فالماكلة  بجوج  حتى سلاو وشبعو
رونق سندات عند لفوي: الحمد لله عاد شبعت
سلطان شاف فيها: تبغي تبغي تخرجي
رونق : ديني لبحر
سلطان وقف : يالله نوضي
ناضو وتمو خارجين مشابكين باليدين  خرجو من الاطيل وبقاو كيتمشاو حيت لبحر كان قريب 
وصلو لبحر لي كان عامر بالناس
رونث تفاجئات كانو الرجال شي بالشورت شي غير بالبوكصور  لبنات غير بدو بياس
رونق: خلينا نرجعو مبقيتش باغا لبحر
سلطان: عاد قلتي بلي باغا تجي لبحر
رونق: شوف لمسخ لا لا غا يلاه
سلطان طلع حاجب: اجي غير نكلسو لهيه
مشاو لواحد لبلاصة شوية خاوية وكلسو فيها سلطان كان داير نضاضر وحاضي رونق لي كلما دازت حداها شي بنت كتشوف فسلطان واش شاف فيهم  وسلطان فهم الفيلم غير باغي يشد فيها
بقاو كالسين حتى جت واحد البنت اوقفات فدعليهم كتهضر مع سلطان
البنت بلونكلي : هاي
سلطان عينو على رونق
البنت : نت هوا السي سلطان صاحب الاطيل
سلطان: وي
البنت حطات يديها على كتفو كتحلون
رونق شداتها لي مكتعلم ناضت عندها طايرا : غتهزي يدك ولا غنعجب ختي
البنت: واط
سلطان بتاسم
رونق: غتبعدي على راجلي ولا نغيعجبك الحال
البنت عرفاتها كتعايرها : واتفاك  اش هاد المستوا
رونق اصلا معبة من سلطان لي كان شاد معاها لحتيت دفعات البنت حتى جات مزدوحة فلرض وكلسات عليها كتريش فيها  وسلطان ناض كيفك فيها حتى كانت وقفات وهي كتنهج 
البنت ناضت وهي تدفع رونق حتى جات مزدوحة فلرض ياله جات تضربها برجلها وهوا يشدها سلطان ويلوي ليها يديها حتى كانت اتهرس
سلطان قارن حجبانووكيهضر معصب  : اخر مرا تحاولي تمدي يدك عليها سمعتي
البنت خافت منو وهي تضربها بجريا هربات وسلطان دور راسو لقا روح غاظا تبعها
رونق ناضت نفضات الرملة من على حوايجها ومشات خادة معصبة من تصرف سلطان  وسلطان تابعها حتى تساطحات مع شي حد بعدات وهي يبات ليها واحد الشخص كبير وغليض وطويل ولكريشة خارجة منو  ولابس الكومبلي وموراه جوج ديال الرجال فحال الرجال ديال سلطان
رونق: سمح ليا
....... شاف فسلطان : ماشي موشكيل الغزالة اوووه السي سلطام
سلطان وقف وشد فيد رونق مخنزر: بيدرو  (الحوار بالونكلي)
بيدرو ضحك حتى بانو نيابو الدهبيتين : مبروك عليك كنضن هادي المرا الرابعة ياك ولكن هاد المرا (كيطلع ونزل فرونق) عرفتي تخطار وكيما وصلني بلي هاد المرا غير
سلطان : منضن  بلي توحشتي لعصدى وكتقلب على شي قتلا
بيدرو : اممممم غزالة بزاااف مرتك نتمنى نتلقاها مرا خرا ون هههههه بلا منكمل 
سلطان شاد اعصابو بزز : بان ليا باغي نطير ليك ضروسة لي بقاو
بيدرو دوز على نيابو بلسانو: منستهاش مزاال السي سلطان
سلطان: فكر فيها مجرد تفكير غنحفر ليك قبري بيدي
شد رونق من يديها  وتمو راجعين للاوطيل ورونق مفاهمة توزا
دخلو للجناح
سلطان: جمعي حوايجك غنرجعو للمغرب
رونق: ولكن
سلطان غوت عليها: هضرت معاك

رونق مجوباتوش ودخلات كتجمع فلحوايج